យុគសម័យ - សមាគមធុរជនវ័យក្មេងវៀតណាមបានរៃអង្គាសថវិកាជាទឹកប្រាក់ចំនួន ៥ ពាន់លានដុងពីបុគ្គលនិងអង្គភាពអាជីវកម្មនានា ដើម្បីជួយឧបត្ថម្ភគាំទ្រដល់រដ្ឋាភិបាលក្នុងការផលិតឧបករណ៍ (KIT) ជំនាញរកឃើញវីរុស SARS-CoV-2 យ៉ាងឆាប់រហ័សចំនួន ១០,០០០ ឈុត។
វៀតណាមរៃអង្គាសទឹកប្រាក់ចំនួន ៥ ពាន់លានដុងដើម្បីផលិតឧបករណ៍ KIT ជំនាញរកឃើញវីរុស SARS-CoV-2 យ៉ាងរហ័សចំនួន ១០,០០០ ឈុត (រូបថត៖ VN+)
នាថ្ងៃទី ១៣ ខែមិនា ប្រធានសមាគមធុរជនវ័យក្មេងវៀតណាមបាន ឲ្យដឹងថាសមាគមធុរជនវ័យក្មេងវៀតណាមបានកៀរគរថវិកាពីបុគ្គលនិងអង្គភាពអាជីវកម្មនានា ដើម្បីជួយគាំទ្រដល់រដ្ឋាភិបាលក្នុងការផលិតឧបករណ៍ KIT រកឃើញវីរុស SARS-CoV-2 យ៉ាងឆាប់រហ័សចំនួន ១០,០០០ ឈុត។
ឧបករណ៍ KIT នេះត្រូវបានស្រាវជ្រាវនិងផលិតនៅប្រទេសវៀតណាមដោយប្រសិទ្ធភាព ៤ ដង ហើយមានតម្លៃត្រឹមតែ ១/៤ បើប្រៀបធៀបនឹង ឧបករណ៍ KIT ស្រដៀងគ្នាដែលនាំមកពីបរទេសផងដែរ។ ហេតុដូច្នេះ ឧបករណ៍ KIT នេះនឹងជួយឲ្យរកឃើញអ្នកឆ្លងជម្ងឺកូវីដ១៩យ៉ាងឆាប់រហ័ស ហើយថែមទាំងបង្កើនសមត្ថភាពរស់រានមានជីវិតសម្រាប់អ្នកជំងឺតែម្តង។
គួរជម្រាបថានារសៀលថ្ងៃទី ១២ ខែមីនា សមាគមនេះបានរៃអង្គាសទឹកប្រាក់បាន ៥ ពាន់លានដុង (ស្មើនឹង ២១៦.០០០ ដុល្លារអាមេរិក) ដោយប៉ាន់ស្មានថាមានថវិកាគ្រប់គ្រាន់ដើម្បីផលិតឧបករណ៍ KIT រកឃើញវីរុស SARC-CoV-2 យ៉ាងឆាប់រហ័សចំនួន ១០,០០០ ឈុត។ សកម្មភាពនេះបានបង្ហាញពីទំនួលខុសត្រូវសង្គមរបស់សមាគមសហគ្រិនវ័យក្មេងវៀតណាមចំពោះសហគមន៍ផងដែរ៕
（បកប្រែដោយ ហេង វុធ្ធី）
（ប្រភពព័ត៌មាន: vietnamplus.vn）
មតិពីមិត្តអ្នកអាន