យុគសម័យ - អ្នកនាំពាក្យក្រសួងការបរទេសវៀតណាម លោកស្រី Le Thi Thu Hang បានសង្កត់ធ្ងន់ថា៖ “វៀត ណាមច្រានចោលនូវសម្តីទាំងអស់ ដែលទាក់ទងនឹងប្រទេសវៀតណាម របស់អ្នកនាំពាក្យក្រសួងការបរទេសចិននាថ្ងៃទី ៨ ខែវិច្ឆិកា ចំពោះបញ្ហាអធិបតេយ្យភាព សម្រាប់ប្រជុំកោះ Truong Sa”។
អ្នកនាំពាក្យក្រសួងការបរទេសវៀតណាមលោកស្រី Le Thi Thu Hang។ (រូបថត៖ ក្រសួងការបរទេសវៀតណាម)
នាថ្ងៃទី ១៣ ខែវិច្ឆិកា ឆ្លើយតបទៅនឹងសំនួររបស់អ្នកយកព័ត៌មាន ទាក់ទងនឹងសម្តីបស់អ្នកនាំពាក្យក្រសួងការបរទេសចិន នាថ្ងៃទី ៨ ខែវិច្ឆិកា អ្នកនាំពាក្យក្រសួងការបរទេសវៀតណាម លោកស្រី Le Thi Thu Hang បានសង្កត់ធ្ងន់ថា៖ “វៀតណាមច្រានចោលនូវសម្តីទាំងអស់ដែលទាក់ទងនឹងប្រទេសវៀតណាម របស់អ្នកនាំពាក្យក្រសួងការបរទេសចិន នៅថ្ងៃទី ៨ ខែវិច្ឆិកា ស្តីពីបញ្ហាអធិបតេយ្យភាពលើប្រជុំកោះ Truong Sa។ លើបញ្ហានេះ ភាគីវៀតណាមបានបញ្ជាក់ម្តងហើយម្តងទៀតថា វៀតណាមមានភ័ស្តុតាងប្រវត្តិសាស្ត្រនិងមូលដ្ឋានច្បាប់គ្រប់គ្រាន់ដើម្បីអះអាងនូវអធិបតេយ្យភាពរបស់វៀតណាមចំពោះប្រជុំកោះ Hoang Sa និង Truong Sa ដោយគោរពតាមច្បាប់អន្តរជាតិ។ ប្រវត្តិសាស្ត្របានបញ្ជាក់យ៉ាងច្បាស់នូវបញ្ហានេះ។
គោលការណ៍មិនផ្លាស់ប្តូររបស់វៀតណាមគឺរាល់ជម្លោះអន្តរជាតិរួមទាំងជម្លោះជុំវិញបញ្ហាអធិបតេយ្យភាពលើកោះ Hoang Sa និង Truong Sa ត្រូវដោះស្រាយដោយសន្តិវិធី ស្របតាមច្បាប់អន្តរជាតិនិងធម្មនុញ្ញអង្គការសហប្រជាជាតិ។
ប្រទេសវៀតណាមចង់អោយប្រទេសចិនខិតខំប្រឹងប្រែងចូលរួមចំណែកក្នុងការអភិវឌ្ឍទំនាក់ទំនងទ្វេភាគីដើម្បីថែរក្សាសន្តិភាពសន្តិសុខនិងស្ថិរភាពក្នុងតំបន់” ៕
(ប្រែសម្រូលដោយវិច្ឆិកា)
មតិពីមិត្តអ្នកអាន