“កម្មាភិបាល និងនិយោជិតនៃក្រុមហ៊ុន Binh Duong អង្គភាពលេខ ១៥ និយាយបានភាសារបស់ជនរួមជាតិ Gia Rai និងស្និទស្នាលជាមួយពួកគេ។ ដូច្នេះ បងប្អូនជនរួមជាតិចាប់អារម្មណ៍ និងជឿជាក់ ព្រមទាំងអនុវត្តតាមការណែនាំនៃក្រុមហ៊ុនដើម្បីអភិវឌ្ឍសេដ្ឋកិច្ច កាត់បន្ថយភាពក្រីក្រ លុបបំបាត់ទំនៀមទម្លាប់ចាស់គំរឹល និងកសាងជីវភាពរស់នៅប្រកបដោយភាពសុខសាន្ដ”។ ព្រឹទ្ធាចារ្យភូមិ Kpuih Guynh នៅភូមិ 0-Kly ឃុំ Ia Tor ស្រុក Chu Prong ខេត្ត Gia Lai បាននិយាយដូច្នេះនៅពេលដែលយើងខ្ញុំមកស្វែងយល់ពីស្ថានភាពជាក់ស្តែងនៅមូលដ្ឋាន។
 ពង្រីកអត្តសញ្ញាណប្រពៃណីដ៏ល្អប្រសើររបស់យុទ្ធជនកងទ័ពប្រជាជនវៀតណាមលើរណសិរ្សសេដ្ឋកិច្ច |
 គណៈប្រតិភូអគ្គសេនាធិការដ្ឋាន កងទ័ពប្រជាជនវៀតណាម អញ្ជើញទៅទស្សនកិច្ច ត្រួតពិនិត្យនៅប្រជុំកោះ Truong Sa និងស្ថានីយ៍ DK1 |
 |
| បន្ទាប់ពីរៀនភាសា Gia Rai លោកវរសេនីយ៍ត្រី Nguyen Van Huong អាចសំណេះសំណាលជាមួយកម្មករនិងប្រជាជនបានងាយស្រួល |
ប្រការនោះបង្ហាញពីអត្ថន័យ និងប្រសិទ្ធភាពដ៏អស្ចារ្យនៃការរៀនភាសាជនជាតិភាគតិចដែលរៀបចំដោយក្រុមហ៊ុន Binh Duong នាពេលកន្លងមក។លោកវរសេនីយ៍ត្រី Phan Duc Chung ប្រធានក្រុមទី១ (ក្រុមហ៊ុន Binh Duong) តែងតែប្រើភាសា Gia Rai ដើម្បីអនុវត្ដការងារ និងណែនាំបច្ចេកទេសដល់កម្មករ និងដោះស្រាយបញ្ហាដែលកើតឡើង។ លោកវរសេនីយ៍ត្រី Phan Duc Chung ឲ្យដឹងថា ក្រុមផលិតកម្មដែលគ្រប់គ្រងដោយលោកមានកម្មករជាជនជាតិ Gia Rai ១០០% និងប្រជាជនភាគច្រើនចេះភាសាជាតិ ប៉ុន្តែប្រសិនបើយើងប្រើភាសារបស់ជនរួមជាតិក្នុងពេលធ្វើការ និងសំណេះសំណាលគ្នា ពួកគេនឹងមានអារម្មណ៍ស្និទ្ធស្នាលជាង។ អាស្រ័យហេតុនេះ ការឃោសនា និងការណែនាំបច្ចេកទេសស្តីពីការថែទាំដើមឈើមានភាពងាយស្រួលណាស់។
លោកវរសេនីយ៍ត្រី Nguyen Van Huong ជំនួយការការិយាល័យបច្ចេកទេស-បច្ចេកវិជ្ជា (ក្រុមហ៊ុន Binh Duong) ក៏បានចែករំលែកដែរថា នៅពេលដែលគាត់មិនចេះភាសា Gia Rai ការណែនាំបច្ចេកទេសសម្រាប់កម្មករមានការលំបាកខ្លះ ជាពិសេសឧបសគ្គចំពោះភាសា និងទំនៀមទម្លាប់។ “បន្ទាប់ពីបានស្វែងយល់អំពីទំនៀមទម្លាប់ និងរៀនភាសា Gia Rai ខ្ញុំនិងបុគ្គលិកនៃក្រុមហ៊ុន Binh Duong មិនត្រឹមតែធ្វើបានល្អក្នុងការណែនាំបច្ចេកទេស ឃោសនា អប់រំដល់កម្មករប៉ុណ្ណោះទេ ថែមទាំងលើកកម្ពស់ប្រសិទ្ធភាពក្នុងការចលនាមហាជន កសាងមូលដ្ឋានរឹងមាំទៀតផង។
ក្រុមហ៊ុន Binh Duong បំពេញភារកិច្ចនៅមូលដ្ឋានដែលមានជនជាតិភាគតិច្ចជិត ៥០%។ ក្រុមហ៊ុនមានកម្មករ ៧៨% ជាជនជាតិភាគតិច ភាគច្រើនជាជនជាតិ Gia Rai។ ដូច្នេះហើយ ក្នុងរយៈពេលប៉ុន្មានឆ្នាំមកនេះ គណៈកម្មាធិការបក្ស និងគណៈនាយកក្រុមហ៊ុន បានដឹកនាំ និងអនុវត្តយ៉ាងទូលំទូលាយ និងប្រកបដោយប្រសិទ្ធភាពនូវចលនារៀនភាសា Gia Rai។ នាពេលថ្មីៗនេះ ក្រុមហ៊ុនបានសហការជាមួយមជ្ឈមណ្ឌលអប់រំវិជ្ជាជីវៈស្រុក Chu Prong រៀបចំវគ្គបំប៉នចំណេះដឹងជនជាតិ និងភាសា Gia Rai សម្រាប់កម្មាភិបាល និងនិយោជិតចំនួន ៥០ នាក់។ ថ្នាក់រៀនត្រូវបានរៀបចំឡើងដោយកម្មវិធីសិក្សាពីមូលដ្ឋានដល់កម្រិតខ្ពស់ តាមរយៈនោះ បង្កើនលទ្ធភាពនិយាយ ស្ដាប់និងសរសេរសម្រាប់កម្មាភិបាលនិងយុទ្ធជននៃអង្គភាព។
លោកស្រី Siu H'Bim ជនជាតិ Gia Rai ដែលជាកម្មការិនីនៃក្រុមទី ១ នៅភូមិ O-Kly បាននិយាយដោយក្តីរំភើបរីករាយថា “យើងខ្ញុំសប្បាយយចិត្តណាស់ដែលអាចសំណេះសំណាលគ្នា ឆ្លុះបញ្ចាំងគោលបំណងជាមួយថ្នាក់ដឹកនាំ និងមេបញ្ជាការអង្គភាពដោយភាសាកំណើតរបស់ខ្លួន ប្រការនោះជួយឱ្យកម្មករ និងប្រជាជននៅក្នុងភូមិកាន់តែមានទំនុកចិត្ត និងក្តីស្រឡាញ់ និងការជឿជាក់លើក្រុមហ៊ុន Binh Duong ថែមទៀត”៕
មតិពីមិត្តអ្នកអាន