នាយករដ្ឋមន្ត្រី Pham Minh Chinh ទទួលជួបរដ្ឋមន្ត្រីការបរទេសអូទ្រីស

នាយករដ្ឋមន្ត្រីលោក Pham Minh Chinh៖ បង្កើតនិងសុក្រិតច្បាប់ដើម្បីសម្រួលដល់ដំណើរការអភិវឌ្ឍន៍

នាយករដ្ឋមន្ត្រីវៀតណាមលោក Pham Minh Chinh អញ្ជើញជួបធ្វើការជាមួយថ្នាក់ដឹកនាំខេត្ត Dien Bien

នាយករដ្ឋមន្ត្រី Pham Minh Chinh ទទួលជួបរដ្ឋមន្ត្រីការបរទេសអូទ្រីស

នៅក្នុងជំនួបនេះ នាយករដ្ឋមន្ត្រីលោក Pham Minh Chinh បានអះអាងថា វៀតណាមជានិច្ចកាលតែងតែយកចិត្តទុកដាក់ និងមានបំណងចង់ពង្រឹងកិច្ចសហប្រតិបត្តិការជាមួយប្រទេសអូទ្រីស ដែលជាប្រទេសសមាជិកដ៏សំខាន់របស់សហភាពអឺរ៉ុប (EU)។ លោកនាយករដ្ឋមន្ត្រីបានស្នើភាគីទាំងពីរជំរុញការផ្លាស់ប្តូរគណៈប្រតិភូគ្រប់ជាន់ថ្នាក់ ជាពិសេសថ្នាក់ខ្ពស់ សំដៅបង្កើនទំនុកចិត្តផ្នែកនយោបាយ និងការយោគយល់គ្នាទៅវិញទៅមក បង្កើតការលើកទឹកចិត្ត ជំរុញកិច្ចសហប្រតិបត្តិការលើគ្រប់វិស័យ; លោកចង់ឱ្យប្រទេសអូទ្រីសបង្កើតលក្ខខណ្ឌអំណោយផលសម្រាប់ផលិតផលជាប្រៀបខ្លាំងរបស់វៀតណាមដូចជា អេឡិចត្រូនិក វាយនភណ្ឌ ស្បែក និងស្បែកជើង ផលិតផលកសិកម្ម និងជលផល ដើម្បីចូលទៅកាន់ទីផ្សារអូទ្រីស និងសហភាពអឺរ៉ុប។ លោកនាយករដ្ឋមន្ត្រីបានស្នើឱ្យប្រទេសអូទ្រីស ផ្តល់សច្ចាប័នលើកិច្ចព្រមព្រៀងការពារការវិនិយោគ​វៀតណាម-សហភាពអឺរ៉ុប (EVIPA) យ៉ាងឆាប់ៗ; ហើយគាំទ្រគណៈកម្មការអឺរ៉ុប (EC) ដើម្បីដកកាតលឿងរបស់ IUU សម្រាប់ផលិតផលគ្រឿងសមុទ្រវៀតណាមក្នុងពេលឆាប់ៗនេះ។

រីឯខ្លួនវិញ លោករដ្ឋមន្ត្រីការបរទេស Alexander Schallenberg បានអះអាងថា រដ្ឋាភិបាលអូទ្រីសតែងតែចាត់ទុកវៀតណាមជាដៃគូអាទិភាព នៅអាស៊ីអាគ្នេយ៍ ហើយមានបំណងចង់ពង្រីកកិច្ចសហប្រតិបត្តិការជាមួយវៀតណាមលើគ្រប់វិស័យ។ រដ្ឋមន្ត្រីការបរទេស លោក Alexander Schallenberg បានឯកភាពថា ភាគីទាំងពីរគួរតែជំរុញកិច្ចសហប្រតិបត្តិការលើវិស័យការងារ ដោយពិចារណាលើការចុះហត្ថលេខាលើកិច្ចព្រមព្រៀងសហប្រតិបត្តិការរវាងរដ្ឋាភិបាលទាំងពីរ អនុវត្តន៍គម្រោងបណ្តុះបណ្តាលរវាងសាកលវិទ្យាល័យនៃប្រទេសទាំងពីរ ព្រមទាំងការបណ្តុះបណ្តាលលើការងារនៅសហគ្រាសអូទ្រីសនៅវៀតណាម ក៏ដូចជាអភិវឌ្ឍន៍ទីផ្សារការងារដ៏មានសក្តានុពល។

នាយករដ្ឋមន្ត្រី Pham Minh Chinh បានសម្តែងការពេញចិត្តចំពោះការអភិវឌ្ឍន៍ជាវិជ្ជមានក្នុងទំនាក់ទំនងវៀតណាម-អូទ្រីសនាពេលកន្លងមក ជាពិសេសក្នុងបរិបទដែលប្រទេសទាំងពីរទើបតែប្រារព្ធខួបលើកទី ៥០ នៃការបង្កើតទំនាក់ទំនងការទូតនៅឆ្នាំ ២០២២។ នាយករដ្ឋមន្ត្រី Pham Minh Chinh បានថ្លែងអំណរគុណចំពោះរដ្ឋាភិបាល និងប្រជាជនអូទ្រីសដែលបានផ្តល់ជំនួយដ៏មានតម្លៃដល់វៀតណាមក្នុងការអភិវឌ្ឍន៍ប្រទេសនាពេលកន្លងមក ក៏ដូចជាកិច្ចសហប្រតិបត្តិការ និងការគាំទ្រប្រកបដោយប្រសិទ្ធភាពក្នុងការទប់ស្កាត់ការរីករាលដាលនៃជំងឺ Covid-19 នាពេលថ្មីៗនេះ។ នាយករដ្ឋមន្ត្រីបានស្នើភាគីទាំងពីរជំរុញការផ្លាស់ប្តូរគណៈប្រតិភូគ្រប់ជាន់ថ្នាក់ ជាពិសេសថ្នាក់ខ្ពស់ សំដៅបង្កើនការជឿទុកចិត្តខាងនយោបាយ និងការយោគយល់គ្នាទៅវិញទៅមក បង្កើតកម្លាំងចលករសម្រាប់កិច្ចសហប្រតិបត្តិការលើវិស័យជាច្រើន។

ដោយវាយតំលៃខ្ពស់ចំពោះការពិតដែលថាអូទ្រីសតែងតែស្ថិតក្នុងក្រុមដៃគូពាណិជ្ជកម្មឈានមុខគេទាំង ១០ របស់វៀតណាមនៅអឺរ៉ុបអស់រយៈពេលជាច្រើនឆ្នាំ នាយករដ្ឋមន្ត្រី Pham Minh Chinh ជឿជាក់ថា អាជីវកម្មនៃប្រទេសទាំងពីរនឹងបន្តសហប្រតិបត្តិការយ៉ាងជិតស្និទ្ធ ឆ្លៀតយកឱកាសពី EU - កិច្ចព្រមព្រៀងពាណិជ្ជកម្មសេរីវៀតណាម (EVFTA) នឹងបង្កើនទំហំពាណិជ្ជកម្មទ្វេភាគីឡើងដល់ ៤ ពាន់លានដុល្លារក្នុងរយៈពេលប៉ុន្មានឆ្នាំខាងមុខ; លោកចង់ឱ្យប្រទេសអូទ្រីសបង្កើតលក្ខខណ្ឌអំណោយផលសម្រាប់ផលិតផលខ្លាំងរបស់វៀតណាមដូចជា អេឡិចត្រូនិក វាយនភណ្ឌ ស្បែក និងស្បែកជើង ផលិតផលកសិកម្ម និងជលផល ដើម្បីចូលទៅកាន់ទីផ្សារអូទ្រីស និងសហភាពអឺរ៉ុប។ ក្នុងឱកាសនេះ លោកនាយករដ្ឋមន្ត្រីបានស្នើឱ្យរដ្ឋាភិបាលអូទ្រីសមានសំឡេងគាំទ្រ និងជំរុញឱ្យរដ្ឋសភាអូទ្រីសបញ្ចប់ការផ្ដល់សច្ចាប័នលើកិច្ចព្រមព្រៀងការពារការវិនិយោគ EU-វៀតណាម (EVIPA) ឱ្យបានឆាប់; គាំទ្រគណៈកម្មការអឺរ៉ុប (EC) ដើម្បីដកកាតលឿងរបស់ IUU សម្រាប់ផលិតផលគ្រឿងសមុទ្រវៀតណាមក្នុងពេលឆាប់ៗនេះ។

ភាគីទាំងពីរបានឯកភាពបន្តពង្រឹងកិច្ចសហប្រតិបត្តិការ និងការគាំទ្រគ្នាទៅវិញទៅមកក្នុងវេទិកាពហុភាគី និងតំបន់។ ទាក់ទិននឹងបញ្ហាសមុទ្រខាងកើត ភាគីទាំងពីរបានចែករំលែកនូវសារៈសំខាន់នៃការធានាសន្តិសុខ សុវត្ថិភាព និងសេរីភាពនៃការធ្វើនាវាចរណ៍ និងអាកាសចរណ៍លើសមុទ្រនៅសមុទ្រខាងកើត ក៏ដូចជាការដោះស្រាយជម្លោះដោយសន្តិវិធី ឈរលើមូលដ្ឋានច្បាប់អន្តរជាតិ ជាពិសេសគឺអនុសញ្ញាអង្គការសហប្រជាជាតិឆ្នាំ ១៩៨២ ស្តីពីច្បាប់សមុទ្រ (UNCLOS)៕

ឌឹកអាញ់