សមាគមមិត្តភាពវៀតណាម-ថៃ៖ ពង្រឹងការតភ្ជាប់អាជីវកម្ម ការផ្លាស់ប្តូរប្រជាជនទៅប្រជាជន

ម្ហូបអាហារវៀតណាមនៅចំកណ្ដាលទីក្រុងបាងកក - ថៃ

សមាគមមិត្តភាពវៀតណាម - កម្ពុជាផ្តោតការយកចិត្តទុកដាក់ដល់និស្សិតអន្តរជាតិព្រមទាំងគាំទ្រសហគ្រាសជំនះលំបាកដោយហសារវិបត្តិន៍ជំងឺកូវីដ១៩

សមាគមមិត្តភាពវៀតណាម-ថៃ ធ្វើការជាមួយគណៈប្រតិភូសមាគមមិត្តភាពថៃ-វៀតណាម

នៅក្នុងជំនួបនេះ ថ្នាក់ដឹកនាំសមាគមមិត្តភាពវៀតណាម-ថៃបានជូនដំណឹងអោយគ្នាទៅវិញទៅមកអំពីកម្មវិធីសកម្មភាពឆ្នាំ២០២៣ ព្រមទាំងបានពិភាក្សាអំពីខ្លឹមសារកិច្ចសហប្រតិបត្តិការទ្វេភាគីមួយចំនួននៅពេលប្រទេសទាំងពីរប្រារព្ធខួបលើកទី ១០ នៃការបង្កើតទំនាក់ទំនងដៃគូយុទ្ធសាស្ត្រវៀតណាម-ថៃ។

យោងតាមលោក Nguyen Van Thanh គេរំពឹងថា នៅចុងត្រីមាសទី៣ ឆ្នាំ២០២៣ សមាគមនឹងធ្វើជាប្រធានសន្និសីទរួមប្រចាំឆ្នាំលើកទី១២ រវាងសមាគមទាំងពីរ; ទន្ទឹមនឹងនោះ រួមគ្នារៀបចំមហោស្រពមិត្តភាពប្រជាជនលើកទី២ នៃប្រទេសទាំងពីរ។

គណៈកម្មាធិការមជ្ឈិមនៃសមាគមបានបន្តជំរុញការបង្កើតសមាគមមិត្តភាពវៀតណាម - ថៃនៅខេត្ត Thai Nguyen រួមចំណែកជំរុញទំនាក់ទំនងមិត្តភាពនិងកិច្ចសហប្រតិបត្តិការរវាងខេត្តសម្ព័ន្ធមេត្រីភាពទាំងពីរ Thai Nguyen និង Udon Thani។ គេរំពឹងថា នៅពាក់កណ្តាលខែឧសភា ឆ្នាំ២០២៣ គណៈប្រតិភូសមាគមមិត្តភាពវៀតណាម-ថៃ ដឹកនាំដោយប្រធានសមាគមនឹងធ្វើទស្សនកិច្ច និងធ្វើការនៅប្រទេសថៃ។

លោកបានសង្កត់ធ្ងន់ថា ទោះបីជាមានការលំបាក និងបញ្ហាប្រឈមជាច្រើនក៏ដោយ ប្រពៃណីយូរអង្វែងនៃកិច្ចសហប្រតិបត្តិការ និងការខិតខំប្រឹងប្រែងរបស់រដ្ឋាភិបាល អង្គភាពអាជីវកម្ម និងប្រជាជន គឺជាមូលដ្ឋានគ្រឹះដ៏សំខាន់សម្រាប់បន្តនាំទំនាក់ទំនងវៀតណាម-ថៃ ទៅកាន់កម្រិតអភិវឌ្ឍន៍ថ្មី។

យោងតាមលោក Sanan Angubolkul សកម្មភាពខាងលើរបស់សមាគមត្រូវការការសម្របសម្រួលពីសមាគមមិត្តភាពវៀតណាម-ថៃ។ លោក​បាន​ស្នើ​ឲ្យ​ភាគី​ទាំង​ពីរ​ជួប​គ្នា​រៀងរាល់​ប្រាំមួយ​ខែ​ម្តង ដើម្បី​សម្របសម្រួល​ការ​អនុវត្ត​ផែនការ​ដែល​បាន​ពិភាក្សា។

ដោយយល់ស្របនឹងផែនការរបស់សមាគមមិត្តភាពថៃ-វៀតណាម លោក Nguyen Van Thanh បានអះអាងថា សមាគមមិត្តភាពវៀតណាម-ថៃនឹងសហការយ៉ាងជិតស្និទ្ធជាមួយសមាគមសម្រាប់ប្រសិទ្ធិភាពជាក់ស្តែង៕

ឌឹកអាញ់