យុគសម័យ - នាពេលថ្មីៗនេះ នៅទីក្រុងហូជីមិញ សមាគមមិត្តភាពវៀតណាម - កម្ពុជាមជ្ឈិមបានធ្វើឡើងសន្និសិទរបាយការណ៍ស្តីពីសកម្មភាពរបស់គណៈកម្មការអចិន្ត្រៃយ៍នៃសមាគមភាគខាងត្បូងវៀតណាម និងកិច្ចប្រជុំអាជីវកម្មជាមួយសមាជិកក្លឹបធុរកិច្ចវៀតណាម - កម្ពុជា។
ទិដ្ឋភាពនៃសន្និសីទនេះ
ចូលរួមសន្និសីទមានៈវត្តមានលោក Le Hong Liem - អនុប្រធានសមាគមមិត្តភាពវៀតណាម-កម្ពុជាមជ្ឈិម និងជាប្រធានក្លឹបធុរកិច្ចវៀតណាម-កម្ពុជា។ ភាគីកម្ពុជាមានវត្តមានរបស់លោក សុខដារ៉េត អគ្គកុងស៊ុលកម្ពុជាប្រចាំទីក្រុងហូជីមិញ និងអង្គភាពអាជីវកម្មកម្ពុជារួមទាំងនិស្សិតកម្ពុជាដែលកំពុងសិក្សានៅទីក្រុងហូជីមិញផងដែរ។
នៅក្នុងពិធីនេះ សហគមន៍ធុរជនក្នុងក្លឹបមានឱកាសជួបជុំគ្នានិងផ្លាស់ប្តូរការលំបាកព្រមទាំងស្វែងរកដំណោះស្រាយដើម្បីគាំទ្រសមាជិករួមគ្នាផងដែរត។ ជាពិសេសការផ្លាស់ប្តូរនេះក៏ជាឱកាសមួយសម្រាប់អាជីវកម្មដើម្បីណែនាំផលិតផលនិងផ្សព្វផ្សាយតួនាទីស្នូលរបស់សហគ្រិននិងពាណិជ្ជកររបស់ខ្លួនចំពោះបុព្វហេតុអភិវឌ្ឍន៍និងសហប្រតិបត្តិការរវាងវៀតណាមនិងកម្ពុជាផងដែរ។ ក្រៅពីនេះ សកម្មភាពនេះក៏ជួយឱ្យអង្គភាពអាជីវកម្មក្លាយទៅជាអ្នកនាំសារនៅលើខឿនសេដ្ឋកិច្ចខាងកិច្ចការបរទេសក្នុងគោលបំណងចូលរួមចំណែកយ៉ាងសកម្មក្នុងការថែរក្សាចំណងមិត្តភាពនិងកិច្ចសហប្រតិបត្តិការជាប្រពៃណីរវាងប្រជាជនវៀតណាមនិងកម្ពុជាផងដែរ៕
（បកប្រែដោយ ហេងវុធ្ធី）
（ប្រភពព័ត៌មាន: thoidai.com.vn）
មតិពីមិត្តអ្នកអាន