អេស្បាញយកចិត្តទុកដាក់យ៉ាងខ្លាំងចំពោះការពង្រឹង និងពង្រីកទំនាក់ទំនងសហប្រតិបត្តិការលើគ្រប់វិស័យជាមួយវៀតណាម។

សហគ្រាសអេស្បាញស្វែងរកឱកាសវិនិយោគនៅទីក្រុង Da Nang

អេស្បាញបានវាយតម្លៃខ្ពស់ចំពោះប្រទេសវៀតណាមក្នុងការគ្រប់គ្រងជំងឺកូវិដ - ១៩

ទង់ជាតិនៃប្រទេសវៀតណាម និងអេស្ប៉ាញ។

នាថ្ងៃទី ៣ តុលា ស្ថានទូតវៀតណាមប្រចាំនៅព្រះរាជាណាចក្រអេស្ប៉ាញបានប្រារព្ធពិធីរំលឹកខួបលើកទី ៧៧ នៃទិវាជាតិវៀតណាម និង ៤៥ ឆ្នាំនៃការបង្កើតទំនាក់ទំនងការទូតរវាងវៀតណាម និងអេស្ប៉ាញ នាថ្ងៃទី ៣ តុលា នៅរដ្ឋធានី Madrid នៃប្រទេសអេស្ប៉ាញ។

អញ្ជើញថ្លែងមតិនៅទីនេះ ឯកអគ្គរដ្ឋទូតវៀតណាមប្រចាំនៅព្រះរាជាណាចក្រអេស្ប៉ាញ លោក Hoang Xuan Hai បានសង្កត់ធ្ងន់លើអត្ថន័យដ៏ធំធេងនៃថ្ងៃទី ២ ខែកញ្ញា ពិនិត្យឡើងវិញនូវស្នាដៃដ៏វិសេសវិសាល និងវីរភាពក្នុងអាជីព ៧៧ ឆ្នាំនៃការតស៊ូដើម្បីឯករាជ្យជាតិ កសាង និងការពារមាតុភូមិ ជាពិសេសសមិទ្ធិផលលេចធ្លោរបស់វៀតណាមក្នុងដំណើរការនវានុវត្តន៍ សមាហរណកម្មអន្តរជាតិ និងការអភិវឌ្ឍន៍ជាតិពីឆ្នាំ ១៩៨៦ ដល់បច្ចុប្បន្ន ធ្វើឲ្យវៀតណាមក្លាយជាប្រទេសអភិវឌ្ឍន៍ប្រកបដោយថាមពល; កំណើនសេដ្ឋកិច្ចតែងតែរក្សាបានក្នុងកម្រិតខ្ពស់ ជីវភាពរស់នៅរបស់ប្រជាជនមានភាពប្រសើរឡើង ស្ថិរភាពនយោបាយ និងសង្គមត្រូវបានរក្សា ការពារជាតិ និងសន្តិសុខត្រូវបានធានា; កិច្ចការបរទេស និងសមាហរណកម្មអន្តរជាតិកាន់តែស៊ីជម្រៅ; ជំហរ និងកិត្យានុភាពរបស់ប្រទេសត្រូវបានពង្រឹងកាន់តែខ្លាំងឡើងនៅលើឆាកអន្តរជាតិ រួមចំណែកយ៉ាងសកម្ម និងការទទួលខុសត្រូវចំពោះសន្តិភាព និងកិច្ចសហប្រតិបត្តិការក្នុងតំបន់ និងពិភពលោក។

ចំពោះទំនាក់ទំនងរវាងប្រទេសទាំងពីរ ឯកអគ្គរដ្ឋទូត Hoang Xuan Hai បានអះអាងថា ឆ្នាំ ២០២២ មានអត្ថន័យពិសេសក្នុងទំនាក់ទំនងរវាងប្រទេសទាំងពីរ នៅពេលដែលប្រទេសទាំងពីរប្រារព្ធខួប ៤៥ ឆ្នាំនៃការបង្កើតទំនាក់ទំនងការទូត និង ១៣ ឆ្នាំនៃទំនាក់ទំនងដៃគូយុទ្ធសាស្ត្រ។

ក្នុងសុន្ទរកថាស្វាគមន៍ រដ្ឋលេខាធិការពាណិជ្ជកម្ម ​លោកស្រី Xiana Margarida Méndez Bétolo បានអបអរសាទរវៀតណាមចំពោះសមិទ្ធិផលគួរឱ្យចាប់អារម្មណ៍ក្នុងរយៈពេល៧៧ ឆ្នាំកន្លងមក ហើយ​លោកស្រី​ចាត់​ទុក​ថា វៀតណាម​ជា​គំរូ​ដ៏​ល្អ​មួយ​សម្រាប់​ប្រទេស​ផ្សេង​ទៀត​ស្វែង​យល់និងធ្វើតាម។ វៀតណាមជាដៃគូឈានមុខគេក្នុងអាស៊ាន ហេតុដូច្នេះហើយ លោកស្រីបានអះអាងថា អេស្បាញយកចិត្តទុកដាក់យ៉ាងខ្លាំងចំពោះការពង្រីក និងពង្រឹងទំនាក់ទំនងសហប្រតិបត្តិការលើគ្រប់វិស័យជាមួយវៀតណាម សម្តែងនូវបំណងចង់ឱ្យទំនាក់ទំនងភាពជាដៃគូយុទ្ធសាស្ត្ររវាងប្រទេសទាំងពីរនឹងបន្តអភិវឌ្ឍយ៉ាងទូលំទូលាយនិង​កាន់​តែ​ស៊ី​ជម្រៅ​ នាពេលអនាគត។

ពិធីនេះបានធ្វើឡើងក្នុងបរិយាកាសដ៏ឧឡារិក កក់ក្តៅ និងមិត្តភាព។ ភ្ញៀវរីករាយនឹងការសម្តែងតន្ត្រីពិសេសមួយចំនួនដែលសំដែងដោយវិចិត្រករនៃវិទ្យាស្ថានតន្ត្រីវៀតណាម។ លើសពីនេះ ស្ថានទូតក៏បានរៀបចំការតាំងពិព័រណ៍រូបថត ដើម្បីឧទ្ទេសនាមអំពីប្រទេស និងប្រជាជនវៀតណាម ព្រមទាំងភាពសម្បូរបែបនិង​ឈ្ងុយឆ្ងាញ់​នៃម្ហូបអាហារវៀតណាមដល់មិត្តអន្តរជាតិផងដែរ៕

ឌីណា

ទីភ្នាក់ងារសារព័ត៌មានវៀតណាម