ការឃោសនា និងផ្សព្វផ្សាយច្បាប់ដល់ប្រជាពលរដ្ឋខ្មែរ

ប្រជាពលរដ្ឋខ្មែរនៅទីក្រុងហាណូយ អបអរសាទរពិធីបុណ្យសែនដូនតា

កម្លាំងរស់ថ្មីរបស់ប្រជាពលរដ្ឋខ្មែរនៅភូមិ ឃុំ ភាគនិរតីវៀតណាម

តាមរយៈសកម្មភាពចលនាមហាជន អង្គភាពបានផ្សព្វផ្សាយច្បាប់ ដោយផ្តោតលើច្បាប់ស្តីពីសមភាព យេនឌ័រ ច្បាប់ស្តីពីការបង្ការ និងប្រយុទ្ធប្រឆាំងអំពើហិង្សាក្នុងគ្រួសារ ច្បាប់អាពាហ៍ពិពាហ៍ និងគ្រួសារ និងច្បាប់ស្តីពីកុមារ... រួមចំណែកលើកកម្ពស់ការយល់ដឹងអំពីការគោរពច្បាប់សម្រាប់បងប្អូនជនជាតិ។

កម្មាភិបាលនៃកងពលតូចរថក្រោះរថពាសដែកលេខ៤១៦ ផ្សព្វផ្សាយច្បាប់ដល់អ្នកស្រុក Tinh Bien ខេត្ត An Giang

អាស្រ័យដោយមានការផ្សព្វផ្សាយច្បាប់របស់កម្មាភិបាល និងយុទ្ធជននៃកងពលតូចលេខ៤១៦ លោកស្រី Chau Thi My Dung នៅឃុំ Vinh Trung ស្រុក Tinh Bien បានមានការយល់ដឹងកាន់តែច្បាស់អំពីច្បាប់ស្តីពីការបង្ការ និងប្រយុទ្ធប្រឆាំងអំពើហិង្សាក្នុងគ្រួសារ។ លោកស្រី Dung បានចែករំលែកថា “ដើម្បីកាត់បន្ថយអំពើហិង្សាក្នុងគ្រួសារ ឪពុកម្តាយត្រូវធ្វើជាគំរូសម្រាប់កូន ហើយសមាជិកទាំងឡាយក្នុងគ្រួសារត្រូវតែចែករំលែកជាមួយគ្នាទៅវិញទៅមក។ ពេលមានអំពើហិង្សាក្នុងគ្រួសារកើតឡើង ត្រូវរាយការណ៍ទៅអាជ្ញាធរដែនដីដើម្បីដោះស្រាយ”។

យុទ្ធជននៃកងពលតូចរថក្រោះរថពាសដែកលេខ៤១៦ ជួយប្រជាជនស្រុក Tinh Bien ខេត្ត An Giang សាងសង់ផ្លូវបេតុង

ស្តីអំពីបទពិសោធន៍របស់ខ្លួនក្នុងការឃោសនា និងផ្សព្វផ្សាយច្បាប់ដល់អ្នកមូលដ្ឋាន លោកវរសេនីយ៍ទោ Nguyen Tien Dung ប្រធាននយោបាយនៃកងពលតូចលេខ ៤១៦ មានប្រសាសន៍ថា៖ “ដើម្បីផ្សព្វផ្សាយ និងចលនាឱ្យបានល្អ ត្រូវតែចេះភាសារបស់ជនរួមជាតិ។ នេះជាពាក្សស្លោកដែលយើងខ្ញុំអនុវត្តដោយវិធានការផ្សេងៗជាច្រើន រួមទាំងការលើកកំពស់តួនាទីរបស់កម្មាភិបាល និងយុទ្ធជនជនជាតិខ្មែរក្នុងការផ្សព្វផ្សាយ និងចលនាប្រជាជន។ ដើម្បីលើកកំពស់សមត្ថភាព ជំនាញ និងជួយកងទ័ពបំពេញភារកិច្ចផ្សព្វផ្សាយ យើងខ្ញុំរក្សាសកម្មភាពរបស់ក្រុមបង្រៀនភាសាខ្មែរនៅក្នុងអង្គភាព។ អាស្រ័យហេតុនោះ កងទ័ពមានចំណេះដឹងរឹងមាំ ដើម្បីឃោសនា និងផ្សព្វផ្សាយច្បាស់ដល់បងប្អូនជនរួម​ជាតិប្រកបដោយប្រសិទ្ធភាព”។

ដើម្បីមានឯកសារគ្រប់គ្រាន់សម្រាប់ផ្សព្វផ្សាយ ក្រៅពីប្រភពឯកសារដែលផ្តល់ដោយថ្នាក់លើ អង្គភាពក៏បានទាក់ទងយ៉ាងសកម្មជាមួយតុលាការយោធភូមិភាគទី៩ អាជ្ញាធរយុត្តិធម៌មូលដ្ឋាន ... ដើម្បីធ្វើបច្ចុប្បន្នភាព និងបន្ថែមព័ត៌មានស្តីពីឧក្រិដ្ឋកម្ម ការអនុវត្តច្បាប់ និងវិន័យក្នុងតំបន់។ លោកវរសេនីយ៍ទោ Nguyen Tien Dung បានចែករំលែកថា “នាពេលខាងមុខ យើងខ្ញុំនឹងបន្តបង្កើនការឃោសនា ផ្សព្វផ្សាយ និងអប់រំច្បាប់ដល់មូលដ្ឋាននីមួយៗ ក្រុមគ្រួសារនីមួយៗ និងប្រជាពលរដ្ឋគ្រប់រូប សម្របសម្រួល និងចលនាប្រជាជនឱ្យមានការរកឃើញ និងរាយការណ៍អំពីឧក្រិដ្ឋកម្មឱ្យបានឆាប់រហ័ស រួមចំណែករក្សាសន្តិសុខនយោបាយ សណ្តាប់ធ្នាប់និងសុវត្ថិភាពសង្គម”៕