កម្លាំងរស់ថ្មីរបស់ប្រជាពលរដ្ឋខ្មែរនៅភូមិ ឃុំ ភាគនិរតីវៀតណាម

វត្តបែបចិននៅខេត្ត Soc Trang

ខេត្ត Soc Trang ជួបជុំគ្នាដើម្បីអបអរសាទរពិធីបុណ្យសែនដូនតាឆ្នាំ ២០២១ របស់ជនរួមជាតិខ្មែរ

បន្ថែមពីលើការទាញយកផលប្រយោជន៍ឱ្យមានប្រសិទ្ធភាពពីគោលនយោបាយទូទៅ និងភាពបត់បែនទៅតាមលក្ខណៈដាច់ដោយឡែកនៅតំបន់មូលដ្ឋានរៀងៗខ្លួន បានជារហូតមកដល់បច្ចុប្បន្ន ភូម និងឃុំៗនៅតំបន់ភាគនិរតីវៀតណាម ដែលមានជនរួមជាតិខ្មែររស់នៅជាង ១.២ លាននាក់នោះ កំពុងមានការ "ផ្លាស់ប្តូរមុខមាត់" បន្តិចម្តងៗ ជីវភាពរស់នៅរបស់បងប្អូនកាន់តែសម្បូរឡើងៗ។

ផ្លូវជនបទជាច្រើនក្នុងខេត្ត Soc Trang ត្រូវបានចាក់បេតុង និងដំឡើងភ្លើងអគ្គិសនី

យោងតាមការស្ថិតិ ក្នុងរយៈពេលឆ្នាំ ២០១៦-២០២០ អត្រាកាត់បន្ថយភាពក្រីក្រជាមធ្យមរបស់ជនជាតិភាគតិចនៅក្នុងតំបន់ដីសណ្ដទន្លេមេគង្គគឺ ៣.៧៩% ក្នុងមួយឆ្នាំ។ បើប្រៀបធៀបជាមួយតំបន់ផ្សេងទៀត (លើកលែងតែតំបន់ដីសណ្ដទន្លេក្រហម (song Hong) តំបន់ដីសណ្តទន្លេមេគង្គមានអត្រាភាពក្រីក្ររបស់ជនជាតិភាគតិច/អត្រានៃភាពក្រីក្រទូទៅនៃតំបន់ទាបបំផុតនៅទូទាំងប្រទេសគឺ ១៦.៦១% (ជាមធ្យមសម្រាប់ជនជាតិភាគតិច និងតំបន់ភ្នំគឺ ៦១.២៩%)។ ភាគរយនៃសិស្សនៅតំបន់ជនជាតិភាគតិចដែលបានទៅសាលានៅអាយុត្រឹមត្រូវកំពុងកើនឡើងពីមួយថ្ងៃទៅមួយថ្ងៃ។ មកទល់នឹងពេលនេះ អត្រាអក្ខរកម្មរបស់ជនជាតិភាគតិចដែលមានអាយុចាប់ពី១៥ ឆ្នាំឡើងទៅគឺ ៨១.៤៩% ពោលគឺកើនឡើង ២.២៩% ភាគរយធៀបនឹងឆ្នាំ ២០១៥។ ចំពោះភាគរយនៃឃុំៗដែលមានមណ្ឌលសុខភាពតាមស្តង់ដារជាតិ តំបន់ដីសណ្ដទន្លេមេគង្គដែលមានអត្រាខ្ពស់បំផុតទីពីរនៅក្នុងប្រទេសដែលមានឃុំសង្កាត់ចំនួន ៤៣៥/៤៦៣ ខ្ពស់ជាងមធ្យមភាគជាតិ ១០.៧%។ ពីការយកចិត្តទុកដាក់របស់បក្ស និងរដ្ឋ តាមរយៈរាល់កម្មវិធី និងប្រភពទុនដែលធ្វើសមាហរណកម្មក្នុងរយៈពេលប៉ុន្មានឆ្នាំមកនេះ បានជាផ្លូវចរាចរណ៍ពីកណ្តាលឃុំ/សង្កាត់/ទីប្រជុំជន ដល់កណ្តាលក្រុង/ស្រុក/ទីរួមខេត្ត មានភាពរឹងមាំ ឈានដល់ ៩៧.៥៦% ធៀបនឹងមធ្យមភាគទូទាំងប្រទេសគឺ ៩៨.២%។

ក្នុងរយៈពេលកន្លងមក បក្ស និងរដ្ឋ បានចេញសេចក្តីណែនាំ និងគោលនយោបាយជាច្រើនដូចជា សេចក្តីណែនាំលេខ ៦៨-CT/TW ចុះថ្ងៃទី១៤ ខែមេសា ឆ្នាំ១៩៩១ របស់គណៈលេខាមជ្ឈិមបក្ស អាណតិ្តទី ៦ និងសេចក្តីជូនដំណឹងលេខ ៦៧-TB/TW ចុះថ្ងៃទី ១៤ ខែមីនា ឆ្នាំ ២០០៧ របស់គណៈលេខានៃមជ្ឈិមបក្សទី ១០ ស្តីពីការងារនៅតំបន់ជនជាតិភាគតិចខ្មែរ... ឬគោលនយោបាយអភិវឌ្ឍន៍រយៈពេលវែងនានា សម្រាប់រយៈពេលអភិវឌ្ឍន៍ទាំងមូលគឺ សេចក្តីសម្រេចចិត្តលេខ ២១-NQ/TW នៃការិយាល័យនយោបាយ "ស្តីពីទិសដៅ ភារកិច្ច និងដំណោះស្រាយសម្រាប់ការអភិវឌ្ឍសេដ្ឋកិច្ចសង្គម ការធានាសន្តិសុខការពារជាតិនៅតំបន់ដីសណ្ដទន្លេមេគង្គក្នុងកំឡុងឆ្នាំ ២០០១-២០១០” និងសេចក្តីសន្និដ្ឋានលេខ ២៨-KL/TW ចុះថ្ងៃទី ១៤ ខែសីហា ឆ្នាំ ២០១២ របស់ការិយាល័យនយោបាយ ស្តីពី “ទិសដៅ ភារកិច្ច និងដំណោះស្រាយ ដើម្បីអភិវឌ្ឍន៍សេដ្ឋកិច្ចសង្គម និងធានាសន្តិសុខ និងការពារជាតិនៅតំបន់ដីសណ្តទន្លេមេគង្គក្នុងដំណាក់កាល ២០១១-២០២០” ដើម្បីអភិវឌ្ឍគោលនយោបាយរួម។

ទន្ទឹមនឹងគោលនយោបាយទូទៅ ដោយមានបាវចនាថា “ឱ្យដងស្ទូចប្រសើរជាងឱ្យត្រី” បានជានៅតាមរាល់មូលដ្ឋានដែលមានប្រជាពលរដ្ឋខ្មែរយ៉ាងច្រើនកុះកររស់នៅនោះបានអនុវត្តជាក់ស្តែង និងច្បាស់លាស់នូវគោលការណ៍ណែនាំ និងគោលនយោបាយនានារបស់បក្ស និងរដ្ឋស្របតាមស្ថានភាពរបស់តំបន់ដើម្បីនាំមកនូវ “ដងស្ទូចត្រី” បើកឱកាសឱ្យបងប្អូនជនរួមជាតិខ្មែររួចផុតពីភាពក្រីក្រ។

ជាក់ស្តែង នៅទីខេត្ត An Giang បន្ថែមពីលើគោលនយោបាយទូទៅ ជនរួមជាតិភាគតិចនៅតំបន់ជួបការលំបាកត្រូវបានទទួលគោលនយោបាយគាំទ្រជាក់លាក់បន្ថែម ដូចជាទីលំនៅដ្ឋាន ការបណ្តុះបណ្តាលវិជ្ជាជីវៈ ការបណ្តុះបណ្តាលវិជ្ជាជីវៈរយៈពេលខ្លី ទុនកម្ចីដើម្បីរួចផុតពីភាពក្រីក្រ…

ជីវភាពរស់នៅរបស់ប្រជាពលរដ្ឋខ្មែរនៅខេត្ត Tra Vinh ក៏មានការរីកចម្រើនក្នុងប៉ុន្មានឆ្នាំចុងក្រោយនេះ ដោយសារមានការអនុវត្តប្រកបដោយប្រសិទ្ធភាពនូវកម្មវិធីគោលនយោបាយ និងគម្រោងមានលក្ខណៈពិសេសជាក់លាក់របស់រដ្ឋាភិបាល ក្រសួង និងអាជ្ញាធរដែនដីសម្រាប់ប្រជាជនខ្មែរ។ លោក Kien Banh អនុប្រធានគណៈកម្មាធិការទទួលបន្ទុកកិច្ចការជនជាតិខេត្ត Tra Vinh បានឱ្យដឹងថា ក្នុងរយៈពេល ៥ ឆ្នាំ (២០១៦-២០២០) ពីថវិកានៃកម្មវិធីលេខ ១៣៥ នោះ ខេត្ត Tra Vinh បានគាំទ្រជួយវិនិយោគលើហេដ្ឋារចនាសម្ព័ន្ធសម្រាប់គ្រប់ឃុំ ជាពិសេសគឺឃុំជួបការលំបាក និងសាងសង់សំណង់ចំនួន ៣០៨ និងថែទាំ ជួសជុលសំណង់ចំនួន ១២២ ហើយនិងបានអនុវត្តគម្រោងអភិវឌ្ឍន៍ផលិតកម្មចំនួន ២៦១ ។ល។ ទន្ទឹមនឹងការវិនិយោគលើហេដ្ឋារចនាសម្ព័ន្ធសម្រាប់ផលិតកម្មនោះ អាជ្ញាធរ និងស្ថាប័នមានសមត្ថកិច្ចគ្រប់លំដាប់ថ្នាក់ក៏យកចិត្តទុកដាក់លើការដឹកនាំអនុវត្តនូវគោលនយោបាយគាំទ្រលំនៅដ្ឋាន ដីលំនៅឋាន ដីផលិតកម្ម ការបណ្តុះបណ្តាលវិជ្ជាជីវៈ ការបង្កើតការងារ ការជំរុញឱ្យប្រជាពលរដ្ឋរៀបចំរចនាសម្ព័ន្ធផលិតកម្មកសិកម្មឡើងវិញ អនុវត្តនូវរាល់ភាពជឿនលឿនវិទ្យាសាស្ត្រផ្នែកបច្ចេកទេស ផ្តល់ឥណទាន ពូជរុក្ខជាតិ និងបសុសត្វ សមស្របនឹងលក្ខខ័ណ្ឌផលិតកម្មនៅតំបន់ជនជាតិភាគតិច។

លែងជាភូមិ ឃុំក្រីក្រទៀតហើយ ផ្ទុយទៅវិញ តំបន់ជនរួមជាតិខ្មែរនៅខាងត្បូងវៀតណាមកាន់តែមានសម្បូរធូធា និងជីវភាពប្រជាជនមិនត្រឹមតែ រួចផុតពីភាពក្រីក្រប៉ុណ្ណោះទេ ថែមទាំងឈានឡើងរួចផុតពីភាពក្រីក្រទៀតផង។ គោលនយោបាយរបស់បក្ស និងរដ្ឋក្នុងការថែរក្សាជីវភាពរស់នៅរបស់ប្រជាជន រួមជាមួយនឹងការខិតខំរបស់ប្រជាពលរដ្ឋខ្មែរនៅតំបន់ភាគនិរតីវៀតណាម បានមានប្រសិទ្ធភាព។ ចាប់ពីពេលនោះមក ផែនមហាសាមគ្គីជាតិដ៏អស្ចារ្យកាន់តែមានភាពជិតស្និទ្ធស្អិតរមួត មានការជឿជាក់ទៅលើការដឹកនាំរបស់បក្ស និងការគ្រប់គ្រងរបស់រដ្ឋ ឱ្យកាន់តែខ្លាំងឡើង៕

kh.qdnd.vn