ក្រសួងការងារ ប្រកាសថ្ងៃសំរា ក្នុងពិធីបុណ្យភ្ជុំបិណ្ឌសម្រាប់កម្មករ និយោជិត

រាជ​រដ្ឋាភិបាល​ចាប់​ផ្ដើម​ផ្ដល់​ប្រាក់​ឧបត្ថម្ភ​ដល់​កម្មករ​និយោជិត​

ក្រសួងការងារ ប្រកាសឲ្យគ្រឹះស្ថាន និងសហគ្រាសទាំងអស់ អនុញ្ញាតឲ្យកម្មករឈប់សម្រាក ៤ថ្ងៃ ដោយបើកប្រាក់ឈ្នួលមុន ក្នុងឱកាសបុណ្យភ្ជុំបិណ្ឌ

កម្មករកាត់ដេរក្នុងរោងចក្រ។ (រូបពី កិច្ចគាំពារសង្គមកម្ពុជា)

នាឪកាសពិធីបុណ្យភ្ជុំបិណ្ឌ លោក អ៊ិត សំហេង រដ្ឋមន្ដ្រីក្រសួងការងារ និង បណ្ដុះបណ្ដាលវិជ្ជាជីវៈ បានអនុញ្ញាតឲ្យកម្មករនិយោជិតទាំងអស់​ឈប់សម្រាករយៈពេល៣ថ្ងៃ ចាប់ពីថ្ងៃទី២៤ ដល់ថ្ងៃទី២៦ កញ្ញា ឆ្នាំ២០២២ ដោយទទួលបានប្រាក់ឈ្នួលធម្មតា។

យោងតាមសេចក្ដីជូនដំណឹងរបស់ក្រសួងការងារ នាថ្ងៃទី៧កញ្ញានេះ លោក អ៊ិត សំហេង បានបញ្ជាក់ថា រោងចក្រ សហគ្រាស អនុញ្ញាតឲ្យកម្មករនិយោជិតទាំងអស់ ឈប់សម្រាកដោយមានប្រាក់ឈ្នួល នាឱកាសពិធីបុណ្យភ្ជុំបិណ្ឌខាងមុខនេះ ក្នុងរយៈពេល៣ថ្ងៃ ចាប់ពីថ្ងៃទី២៤-២៦ កញ្ញា ឆ្នាំ២០២២។

លោក បន្ដថា ចំពោះរោងចក្រ សហគ្រាសទាំងឡាយណា ដែលកម្មវត្ថុអាជីវកម្ម មានចរិតលក្ខណៈសកល ត្រូវប្រព្រឹត្តទៅជាប្រចាំ និងមិនអាចបញ្ឈប់សកម្មភាពបានហើយការឈប់សម្រាករបស់កម្មករនិយោជិតទាំងអស់ព្រមគ្នា ក្នុងពេលតែមួយនាំឱ្យ ខូចប្រយោជន៍ដល់សាធារណជន ឬក៏ធ្វើឱ្យខូចដំណើរការរបស់រោងចក្រ សហគ្រាសនោះ ម្ចាស់រោងចក្រ សហគ្រាស ត្រូវរៀបចំ បែងចែកឱ្យកម្មករ និយោជិតបានឈប់សម្រាកទៅតាមថ្ងៃបុណ្យដោយផ្លាស់វេនគ្នា។

លើសពីនេះ លោករដ្ឋមន្ដ្រី បន្ថែមថា កម្មករនិយោជិត ដែលធ្វើការថ្ងៃឈប់បុណ្យភ្ជុំបិណ្ឌនេះ មានសិទ្ធិទទួលប្រាក់បំណាច់បន្ថែម ដែលមានចំនួនស្មើ នឹងប្រាក់ឈ្នួលថ្ងៃ ធ្វើការធម្មតា។ ជាពិសេស ម្ចាស់រោងចក្រ សហគ្រាស ត្រូវរៀបចំបញ្ជីឈ្មោះកម្មករ និយោជិត ដែលត្រូវផ្លាស់ប្តូរគ្នាឈប់សម្រាក តាមកាលបរិច្ឆេទ និងរក្សាទុកជាប្រចាំសម្រាប់ការត្រួតពិនិត្យរបស់អធិការការងារ។