យុគសម័យ - នាថ្ងៃទី ៧ មិថុនា នៅរដ្ឋធានី Ha Noi សម្ព័ន្ធអង្គការមិត្តភាពវៀតណាម (VUFO) បានប្រគល់មេដាយអនុស្សាវរីយ៍ “ដើម្បីសន្តិភាព និងមិត្តភាពក្នុងចំណោមប្រជាជាតិនានា” ជូនឯកអគ្គរដ្ឋទូតអូស្ត្រាលីប្រចាំនៅវៀតណាម លោកស្រី Robyn Mudie ក្នុងឱកាសបញ្ចប់អាណត្តិ។
 ផ្សព្វផ្សាយផលិតផលកសិកម្មវៀតណាមនៅអូស្ត្រាលី |
 ការលើកទឹកចិត្តដល់ការបង្រៀន និងរៀនភាសាវៀតណាមនៅប្រទេសអូស្ត្រាលី |
 |
| ប្រធានសម្ព័ន្ធអង្គការមិត្តភាពវៀតណាម លោកស្រី Nguyen Phuong Nga ប្រគល់មេដាយអនុស្សាវរីយ៍ “ដើម្បីសន្តិភាព និងមិត្តភាពក្នុងចំណោមប្រជាជាតិនានា” ជូនលោកស្រីឯកអគ្គរដ្ឋទូតវិសាមញ្ញ និងពេញសមត្ថភាពអូស្ត្រាលីប្រចាំនៅវៀតណាម Robyn Mudie។ (រូបថត៖ An Dang/VNA) |
អញ្ជើញថ្លែងមតិនៅទីនេះ ប្រធាន VUFO លោកស្រី Nguyen Phuong Nga បានសង្កត់ធ្ងន់ថា មេដាយអនុស្សាវរីយ៍ “ដើម្បីសន្តិភាព និងមិត្តភាពរវាងប្រជនជាតិនានា” មានគោលបំណងលើកតំកើងចំពោះការរួមចំណែកយ៉ាងសកម្ម និងមិនចេះនឿយហត់របស់ឯកអគ្គរដ្ឋទូតអូស្ត្រាលីក្នុងការជំរុញកិច្ចសហប្រតិបត្តិការមិត្តភាពរវាងប្រទេសទាំងពីរ។
លោកស្រី Nguyen Phuong Nga មានប្រសាសន៍ថា ឯកអគ្គរដ្ឋទូតលោកស្រី Robyn Mudie គឺជាមិត្តជិតស្និទ្ធ ជាមួយវៀតណាម។ ក្នុងនាមជាអ្នកការទូតម្នាក់ក្នុងចំណោមឯកអគ្គរដ្ឋទូតបរទេសមួយចំនួនដែលបានបំពេញបេសកកម្មជាឯកអគ្គរដ្ឋទូតនៅប្រទេសវៀតណាមចំនួនពីរអាណត្តិ និងនិយាយភាសាវៀតណាមយ៉ាងស្ទាត់ជំនាញ។
ក្នុងរយៈពេល៣ឆ្នាំកន្លងមកនេះ ទោះបីស្ថិតក្នុងស្ថានភាពរាតត្បាត Covid-19 ក៏ដោយ លោកស្រីឯកអគ្គរដ្ឋទូតបានដើរតួនាទីយ៉ាងសំខាន់ក្នុងការជំរុញការអភិវឌ្ឍន៍យ៉ាងរឹងមាំនៃទំនាក់ទំនងគ្រប់ជ្រុងជ្រោយរវាងវៀតណាម និងអូស្ត្រាលី។
ដោយសម្តែងនូវកិត្តិយសដែលទទួលបានមេដាយដ៏ថ្លៃថ្លានេះ ឯកអគ្គរដ្ឋទូតអូស្ត្រាលីលោកស្រី Robyn Mudie បានថ្លែងអំណរគុណចំពោះការជួយ និងមនោសញ្ចេតនាដែលមិត្តវៀតណាមបានផ្តល់ឲ្យលោកស្រី ក្នុងរយៈពេលបីឆ្នាំកន្លងមក។
លោកស្រីឯកអគ្គរដ្ឋទូត Robyn Mudie បានមានប្រសាសន៍ថា៖ “វៀតណាមតែងតែរក្សាកន្លែងពិសេសមួយនៅក្នុងបេះដូងរបស់ខ្ញុំ ហើយទោះបីខ្ញុំត្រូវលាដៃនៅពេលក្រោយក៏ដោយ ក៏ខ្ញុំនៅតែចាត់ទុកវៀតណាមជាប្រទេសកំណើតទីពីររបស់ខ្ញុំ”។
លោកស្រីឯកអគ្គរដ្ឋទូត Robyn Mudie សង្កត់ធ្ងន់ថា ទោះបីក្នុងតំណែងណាក៏ដោយ លោកស្រីនឹងបន្តរួមចំណែកយ៉ាងសំខាន់ៗក្នុងការពង្រីកនិងពង្រឹងទំនាក់ទំនងមិត្តភាពនិងភាពជាដៃគូយុទ្ធសាស្ត្ររវាងប្រទេសទាំងពីរ៕
Bao The gioi
មតិពីមិត្តអ្នកអាន