ចំណុចភ្លឺនៃការជួបប្រាស្រ័យមិត្តភាពតាមតំបន់ព្រំដែនក្នុងអំឡុងពេលជំងឺរាតត្បាត

រួមគ្នាកសាងខ្សែព្រំដែនវៀតណាម - កម្ពុជា ប្រកបដោយសន្តិភាព និងមិត្តភាព

"បង្គោលព្រំដែនរស់" នៅតាមតំបន់ព្រំដែន

កង​កម្លាំង​ពេទ្យ​យោធា​វៀត​ណាម​ចូល​រួម​ក្នុង​សម​យុទ្ធ​ស្តី​ពី​ជំនួយ​មនុស្ស​ធម៌​និង​ជំនួយ​ផ្នែក​ពេទ្យ​រវាង​កង​ទ័ព​វៀត​ណាម​និង​ចិន​នៅ​ខេត្ត​ Quang Ninh កាល​ពី​ខែ​ធ្នូ ឆ្នាំ​២០២១។ រូបថត៖ Tuan Huy)

ក្នុងរយៈពេល ២០១៦ - ២០២១ កងទ័ពប្រជាជនវៀតណាមនិយាយរួម និងកងទ័ពការពារព្រំដែន វៀតណាមជាពិសេស បានជំរុញឥតឈប់ឈរនូវសកម្មភាពជួបប្រាស្រ័យ និងសហប្រតិបត្តិការជាច្រើនជាមួយបណ្តាប្រទេសជិតខាងដែលមានព្រំដែនជាប់គ្នា។

បន្ទាប់ពីជោគជ័យនៃការជួបប្រាស្រ័យមិត្តភាពលើកទីមួយក្នុងឆ្នាំ ២០១៤ មកទល់នឹងពេលនេះ បាន​រៀបចំការជួបប្រាស្រ័យមិត្តភាពការពារព្រំដែនរវាងវៀតណាម និងចិនចំនួន ៦ លើកហើយ។ នាពេលថ្មីៗនេះ ការជួបប្រាស័យមិត្តភាពការពារព្រំដែនវៀតណាម - ចិនលើកទី ៦ បានប្រព្រឹត្តទៅនៅខេត្តចំនួនពីរគឺ ខេត្ត Quang Ninh (វៀតណាម) និង ខេត្ត Guangxi (ចិន) នាថ្ងៃទី ២៤ ខែមេសា ឆ្នាំ ២០២១ ក្រោមអធិបតីភាពរបស់ឧត្តមសេនីយឯក លោកPhan Van Giang (ឥឡូវនេះ នាយឧត្តមសេនីយ) សមាជិកការិយាល័យនយោបាយ អនុលេខាគណៈកម្មាធិការមជ្ឈិមបក្សយោធា រដ្ឋមន្ត្រីក្រសួងការពារជាតិវៀតណាម និងឧត្តមសេនីយឯក Wei Fenghe សមាជិក​នៃ​រដ្ឋាភិបាលចិន រដ្ឋមន្ត្រីក្រសួងការពារជាតិចិន។

កម្មវិធីជួបប្រាស្រ័យនេះរួមមានសកម្មភាពដ៏មានអត្ថន័យជាច្រើន ដោយហេតុនេះបង្ហាញពីការប្តេជ្ញាចិត្តរបស់កងទ័ពទាំងពីរក្នុងការបន្តកសាង និងការពារព្រំដែនរួមប្រកបដោយសន្តិភាព ស្ថិរភាព មិត្តភាព កិច្ចសហប្រតិបត្តិការ និងការអភិវឌ្ឍន៍។

ឆ្នាំ ២០២១ ក៏បានឃើញនូវសញ្ញាសម្គាល់ថ្មីក្នុងការជួបប្រាស្រ័យ និងកិច្ចសហប្រតិបត្តិការតាមតំបន់ព្រំដែនវៀតណាម - ឡាវ លើកដំបូងដែលបានប្រារព្ធឡើង នៅពាក់កណ្តាលខែធ្នូ នៅស្រុក Huong Hoa (ខេត្ត Quang Tri) និងស្រុក Seponh (ខេត្ត​Savannakhet) ក្រោមសហប្រធានរបស់នាយឧត្តមសេនីយ៍ លោក Phan Van Giang រដ្ឋមន្ត្រីក្រសួងការពារជាតិវៀតណាម និងនាយឧត្តមសេនីយ៍លោក Chansamone Chanyalath សមាជិកការិយាល័យនយោបាយ ឧបនាយករដ្ឋមន្ត្រី និងជារដ្ឋមន្ត្រីក្រសួងការពារជាតិឡាវ។

កម្មវិធីជួបប្រាស្រ័យគឺជាឱកាស ដើម្បីជំរុញកិច្ចសហប្រតិបត្តិការលើវិស័យការពារជាតិទ្វេភាគី ដែលត្រូវបានចាត់ទុកថា ជាសសរស្តម្ភសំខាន់នៃទំនាក់ទំនងមិត្តភាព សាមគ្គីភាពពិសេស និងកិច្ចសហប្រតិបត្តិការលើគ្រប់វិស័យរវាងវៀតណាម និងឡាវ។ នេះក៏ត្រូវបានចាត់ទុកថា ជាសកម្មភាពមួយដ៏មានសារសំខាន់នៃវិស័យនយោបាយ បង្កើតឱ្យមានការរីករាលដាលយ៉ាងទូលំទូលាយដល់ប្រជាជនគ្រប់ស្រទាប់ រួមចំណែកក្នុងការពង្រឹង និងពង្រីកទំនាក់ទំនងរវាងប្រទេសទាំងពីរជាទូទៅ រវាងយោធាទាំងពីរជាពិសេស។

លើសពីនេះ កម្មវិធីជួបប្រាស្រ័យ “ខ្សែបន្ទាត់ព្រំដែនពោរពេញ​ទៅដោយមិត្តភាព” លើកទី ២ និងទី ៣ ក៏បានបន្តប្រព្រឹត្តទៅក្នុងឆ្នាំ ២០១៦ និង ២០១៨ រៀងៗខ្លួន ជាមួយនឹងឥទ្ធិពលកើនឡើង។ តាមរយៈកម្មវិធីនេះ កងកម្លាំងការពារព្រំដែនវៀតណាម និងប្រទេសនានាមានឱកាសកាន់តែច្រើន ដើម្បីជួបប្រាស្រ័យ និងចែករំលែកបទពិសោធន៍ក្នុងការគ្រប់គ្រងព្រំដែន រីក​ចម្រើន​ទម្រង់រូបភាព និងការអនុវត្តល្អៗ ដើម្បីពង្រឹងចំណងសាមគ្គីភាព កសាងព្រំដែនរួមប្រកបដោយសន្តិភាព មិត្តភាព កិច្ចសហប្រតិបត្តិការ និងការអភិវឌ្ឍន៍។

កម្មវិធីនិងសកម្មភាពជួបប្រាស្រ័យនៅតាមព្រំដែនដែលបានធ្វើឡើងក្នុងបរិបទដែលរងផលប៉ះពាល់ដោយជំងឺរាតត្បាត Covid-19 បានបញ្ជាក់ថែមទៀតនូវការខិតខំប្រឹងប្រែង និងការប្តេជ្ញាចិត្តរបស់វៀតណាមក្នុងការអនុវត្តគោលនយោបាយការទូតឯករាជ្យ និងការពឹងផ្អែកលើខ្លួនឯង សន្តិភាព​ កិច្ចសហប្រតិបត្តិការ​និង​អភិវឌ្ឍន៍ ការធ្វើពិពិធកម្ម ពហុភាគីភាវូបនីយកម្ម។

ការជួបប្រាស្រ័យមិត្តភាពការពារ​ព្រំដែន និង​ការជួបប្រាស្រ័យ“ខ្សែបន្ទាត់ព្រំដែនពោរពេញ​ទៅដោយមិត្តភាព” ​ក្នុងរយៈពេល​កន្លងមកនេះ កងកម្លាំង​ការពារ​ព្រំដែនវៀតណាម​និង​បណ្តាប្រទេស​​មាន​ខ្សែព្រំដែន​រួម បាន​សម្របសម្រួល​យ៉ាង​សកម្មជាមួយ​គ្នា ក្នុង​ការ​ប្រឆាំង​នឹង​បទឧក្រិដ្ឋឆ្លង​ដែន​និងទេសន្តប្រវេសន៍ខុសច្បាប់ បង្កើន​ការល្បាតរួម រៀបចំការជួបប្រាស្រ័យ ចង​សម្ព័ន្ធមេត្រីភាពរវាង​ប៉ុស្តិ៍និង​ប៉ុស្តិ៍ រវាងភូមិនិងភូមិ ការផ្លាស់ប្តូរ​បទពិសោធន៍។

តាមរយៈសកម្មភាពនេះ កងកម្លាំងការពារព្រំដែននៃប្រទេសវៀតណាម ឡាវ ចិន និងកម្ពុជា បានសម្របសម្រួល​យ៉ាងជិតស្និទ្ធជាមួយគ្នា គ្នុង​ការការពារ​ខ្សែព្រំដែន បង្គោល​ព្រំដែន អភិវឌ្ឍន៍​សេដ្ឋកិច្ច សង្គម នៅតាម​តំបន់ព្រំដែន រួម​ចំណែក​ក្នុង​ការ​កាត់បន្ថយភាពក្រីក្រ អត់ឃ្លាន និង​ទប់ស្កាត់នឹងបទឧក្រិដ្ឋឆ្លងដែន។ កងកម្លាំង​ការពារព្រំដែន​វៀតណាម ឡាវ ចិន​និង​កម្ពុជាតែងតែរក្សា​ទំនាក់ទំនងជាមួយគ្នា រកឃើញ ដោះស្រាយ និងជូនដំណឹងដល់គ្នាទៅវិញទៅមកអំពីករណីប្រជាពលរដ្ឋនៃប្រទេសនីមួយៗ ឆ្លងដែនដោយខុសច្បាប់ តាមនោះ​រួម​ចំណែក​ក្នុង​ការ​គ្រប់គ្រងដ៏ប្រសិទ្ធភាពនូវការរីករាល​ដាលនៃជំងឺ ​ Covid-19 ឆ្លងព្រំដែន និងការបើកទ្វារពាណិជ្ជកម្មតាមព្រំដែន នៅពេលដែលលក្ខខណ្ឌអនុញ្ញាត។

សកម្មភាពផ្លាស់ប្តូរ និងសហប្រតិបត្តិការនៅតាមព្រំដែនវៀតណាមជាមួយប្រទេសជិតខាងបានរំពឹងថានឹងមានបន្ថែមទម្រង់រូបភាពដ៏ច្នៃប្រឌិត បត់បែន និងជិតស្និទ្ធទៅនឹងស្ថានភាពជាក់ស្តែង ដើម្បីរួមគ្នាកសាងព្រំដែនប្រកបដោយសន្តិភាព មិត្តភាព ស្ថិរភាព កិច្ចសហប្រតិបត្តិការ និងអភិវឌ្ឍន៍។/.

ឌីណា