កិច្ចប្រជុំរវាងបញ្ជាការដ្ឋានយោធាខេត្ត Dak Nong និងតំបន់ប្រតិបត្តិការសឹករងខេត្តមណ្ឌលគិរី

ខេត្ត Dak Nong ធ្វើជាម្ចាស់ផ្ទះនៃសន្និសីទអន្តរជាតិលើកទី ២០ ស្តីពីរូងភ្នំភ្លើង

ជំរុញកិច្ចសហប្រតិបត្តិការរវាងបញ្ជាការដ្ឋានយោធាខេត្ត Binh Phuoc និងតំបន់ប្រតិបត្តិការសឹករងខេត្តមណ្ឌលគិរី

បញ្ជាការដ្ឋានយោធាខេត្ត Dak Nong និងតំបន់ប្រតិបត្តិការសឹករងខេត្តមណ្ឌលគិរី ចុះហត្ថលេខាលើអនុស្សរណៈយោគយល់គ្នាស្ដីពីកិច្ចសហប្រតិបត្តិការ

នាថ្ងៃទី៧ ខែមេសា នៅខេត្តមណ្ឌលគិរី បញ្ជាការដ្ឋានយោធាខេត្ត Dak Nong និងតំបន់ប្រតិបត្តិការសឹករងខេត្តមណ្ឌលគិរី (យោធភូមិភាគទី១ កងយោធពលខេមរភូមិន្ទ) បានបើកកិច្ចប្រជុំសហប្រតិបត្តិការលើកទី៥។

នៅក្នុងកិច្ចប្រជុំ ភាគីទាំងពីរបានវាយតម្លៃខ្ពស់ចំពោះលទ្ធផលនៃកិច្ចសហប្រតិបត្តិការនាពេលកន្លងមក ជាពិសេសចាប់តាំងពីឆ្នាំ ២០១៩ មកទល់បច្ចុប្បន្ននេះ ស្ថានភាពជំងឺរាតត្បាតកូវីដ-១៩ វិវឌ្ឍដ៏ស្មុគស្មាញ ប៉ុន្តែកិច្ចសហប្រតិបត្តិការ និងការជួយគ្នាទៅវិញទៅមករវាងអង្គភាពទាំងពីរត្រូវបានពង្រឹង និងពង្រីកដោយឥតឈប់ឈរ។ ក្នុងការបង្ការ និងប្រយុទ្ធប្រឆាំងនឹងជំងឺរាតត្បាតកូវីដ-១៩ បញ្ជាការដ្ឋានយោធាខេត្ត Dak Nong បានជួយឧបត្ថម្ភដល់តំបន់ប្រតិបត្តិការសឹករងខេត្តមណ្ឌលគិរី នូវសម្ភារៈការិយាល័យ គ្រឿងឧបភោគបរិភោគ សារធាតុគីមី... ដោយមានតម្លៃសរុបជាង ៥០០ លានដុង។ ភាគីទាំងពីរបានសម្របសម្រួលយ៉ាងល្អក្នុងការចាប់យក ការផ្តល់ ការផ្លាស់ប្តូរព័ត៌មាន និងសកម្មភាពយាមល្បាតរួមនៅតាមខ្សែបន្ទាត់ព្រំដែន។ល។

ភាគីទាំងពីរបានឯកភាពគ្នាចុះហត្ថលេខាលើអនុស្សរណៈនៃកិច្ចសហប្រតិបត្តិការឆ្នាំ២០២២ ដោយផ្តោតសំខាន់លើការជូនដំណឹងជាប្រចាំដល់គ្នាទៅវិញទៅមកអំពីស្ថានភាពអភិវឌ្ឍន៍សេដ្ឋកិច្ច វប្បធម៌ សង្គម ការពារជាតិ និងសន្តិសុខ សកម្មភាពប្រឆាំង និងការបំភ្លៃដោយកងកម្លាំងអរិភាព។ ភាគីទាំងពីរឯកភាពគ្នាពង្រឹងការអប់រំដល់ជំនាន់យុវជន ឱ្យយល់ដឹងស៊ីជម្រៅអំពីទំនាក់ទំនងមិត្តភាព និងប្រពៃណីល្អរវាងប្រទេសទាំងពីរនិយាយរួម និងខេត្តទាំងពីរនិយាយដោយឡែក។ ភាគីទាំងពីរក៏បានឯកភាពគ្នារក្សាស្ថានភាពតំបន់ និងទីតាំងដែលប្រទេសទាំងពីរមិនទាន់បានខណ្ឌសីមា និងបោះបង្គោលព្រំដែន។ល។

ក្នុងឱកាសនេះ បញ្ជាការដ្ឋានយោធាខេត្ត Dak Nong បានផ្តល់សម្ភារៈការិយាល័យ និងគ្រឿងឧបភោគបរិភោគចាំបាច់ជូនតំបន់ប្រតិបត្តិការសឹករងខេត្តមណ្ឌលគិរី និងជូនអំណោយបុណ្យចូលឆ្នាំថ្មីប្រពៃណីជាតិ ដែលមានតម្លៃសរុបជិត ៤០០ លានដុង៕

យោងតាមកាសែតកងទ័ពប្រជាជន