ថ្ងៃទី០១ ខែមេសា ឆ្នាំ២០២០ ឯកឧត្ដម ឃួង ស្រេង អភិបាលរាជធានីភ្នំពេញ បានផ្ដល់អំណោយជាក្រមាចំនួន ២០០០ក្រមា និងសាប៊ូចំនួន២០០០ដុំ ជូនដល់កម្មករ កម្មការិនីក្រុមហ៊ុនស៊ីនទ្រី កាលពីល្ងាច ថ្ងៃទី៣១ ខែមីនា ឆ្នាំ២០២០
ឯកឧត្ដម ឃួង ស្រេង អភិបាលរាជធានីភ្នំពេញ បានផ្ដល់អំណោយ។ (រូបថត៖ akp.com.khmer)
ដើម្បីឱ្យបងប្អូនបានប្រើប្រាស់ក្នុងការសម្អាតអនាម័យខ្លួនប្រាណ ខណៈដែលពួកគេបាន និងកំពុងបំពេញការងារជាមួយនឹងសំរាមរាល់ថ្ងៃ នៅរាជធានីភ្នំពេញ និងដើម្បីការពារជំងឺកូវីដ-១៩ ដែលកំពុងរាតត្បាតដល់អាយុជីវិតមនុស្សនៅ លើសកលលោកទាំងមូល។
សូមរំលឹកថា សម្តេចតេជោ ហ៊ុនសែន នាយករដ្ឋមន្ត្រី បានអំពាវនាវដល់ ប្រជាពលរដ្ឋ ឲ្យបែរមកនាំគ្នាប្រើក្រមា ដើម្បីការពារការឆ្លងជំងឺកូវីដ១៩ ជាងកាប្រើប្រាស់ម៉ាស់ ហើយធ្វើឲ្យម៉ាស់ឡើងថ្លៃ។
ក្នុងឱកាសនោះ ឯកឧត្ដម ឃួង ស្រេង បានណែនាំឱ្យបងប្អូនកម្មករ កម្មការិនីក្រុមហ៊ុន ស៊ីនទ្រីទាំងអស់ ត្រូវសម្អាតខ្លួនប្រាណជាប្រចាំ ដោយការធ្វើអនាម័យរាល់ថ្ងៃ ការរស់នៅ ស្អាតធ្វើឱ្យយើងមានសុខភាពល្អ និងចៀសផុតពីជំងឺផ្សេងៗបាន៕
(បូកសរុបដោយឌីណា)
មតិពីមិត្តអ្នកអាន