តបតាមការអញ្ជើញពីក្រសួងការពារជាតិកម្ពុជា ពីថ្ងៃទី២៨ ដល់ថ្ងៃទី៣០ ខែធ្នូ គណៈប្រតិភូក្រសួងការពារប្រទេសវៀតណាមដឹកនាំដោយលោកឧត្តមសេនីយ៍ឯក Vo Minh Luong សមាជិកមជ្ឈិមបក្ស អនុរដ្ឋមន្រ្តីក្រសួងការពារប្រទេសវៀតណាម បានអញ្ជើញចូលរួមពិធីសម្ពោធដាក់ឱ្យប្រើប្រាស់ជាផ្លូវការអគាររដ្ឋបាល សាលប្រជុំទីស្តីការក្រសួងការពារជាតិកម្ពុជា។
 |
| សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ប្រគល់គ្រឿងឥស្សរិយយស សហមេត្រី ថ្នាក់មហាសេនា របស់ព្រះរាជាណាចក្រកម្ពុជា ជូនក្រសួងការពារប្រទេសវៀតណាម (រូបថត៖ SPM Page) |
អគាររដ្ឋបាលក្រសួងការពារជាតិកម្ពុជា ត្រូវបានបើកការដ្ឋានសាងសង់នៅឆ្នាំ២០១៨ ដែលទទួលថវិកាសម្រាប់ការសាងសង់ពីក្រសួងការពារប្រទេសវៀតណាម។ ក្នុងពិធីបើកសម្ពោធ ដោយទទួលបានការផ្ទេរសិទ្ធិពីព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានប្រគល់គ្រឿងឥស្សរិយយស សហមេត្រី ថ្នាក់មហាសេនា របស់ព្រះរាជាណាចក្រកម្ពុជា ជូនក្រសួងការពារប្រទេសវៀតណាម។
ក្នុងក្របខ័ណ្ឌនៃដំណើរទស្សនកិច្ច លោកឧត្តមសេនីយ៍ឯក Vo Minh Luong បានទៅដាក់កម្រងផ្កា និងអុជធូប នៅវិមានមិត្តភាពវៀតណាម-កម្ពុជា និងទៅទស្សនានៅផ្ទះអនុស្សាវរីយ៍ប្រពៃណីនៃរណសិរ្ស ៤៧៩ និងអង្គភាពមួយចំនួនរបស់ក្រសួងការពារជាតិកម្ពុជា៕
មតិពីមិត្តអ្នកអាន