ជំរុញកិច្ចសហប្រតិបត្តិការវប្បធម៌ និងទេសចរណ៍រវាងទីក្រុងហាណូយ និងទីក្រុងម៉ូស្គូ

ទីក្រុងម៉ូស្គូបានចាប់ផ្តើមចាក់វ៉ាក់សាំងបង្ការនឹងជំងឺរាតត្បាតកូវីដ១៩

សំណង់ដ៏ពិសេសនៃទីលានលោកប្រធានហូជីមីញនៅទីក្រុងម៉ូស្គូនិងចំណងមិត្តភាពវៀតណាម - រុស្ស៊ី

ទីក្រុងហាណូយ និងទីក្រុងម៉ូស្គូជំរុញកិច្ចសហប្រតិបត្តិការវប្បធម៌ និងទេសចរណ៍

នាព្រឹកថ្ងៃទី ១៦ ធ្នូ លេខាគណៈកម្មាធិការបក្សទីក្រុងហាណូយ លោក Dinh Tien Dung បានទទួលជួបជាមួយអនុប្រធានគណៈកម្មាធិការមជ្ឈិមបក្សកុម្មុយនិស្តសហព័ន្ធរុស្ស៊ី ប្រធានគណៈកម្មាធិការបញ្ហានៃរដ្ឋឯករាជ្យ ទំនាក់ទំនងអឺរ៉ាស៊ី និងជនបរទេសរបស់ រដ្ឋ Duma រុស្ស៊ី លោក Leonid Kalashnikov និងគណៈប្រតិភូទៅរដ្ឋ Duma នៃបក្សកុម្មុយនិស្តនៃសហព័ន្ធរុស្ស៊ី អនុប្រធានគណៈកម្មាធិការទីផ្សារហិរញ្ញវត្ថុនៃរដ្ឋ Duma នៃសហព័ន្ធរុស្ស៊ី លោក​ ​​Vadim Kumin ។

យោងតាម លោក Dinh Tien Dung ការចុះហត្ថលេខាលើកិច្ចព្រមព្រៀងពាណិជ្ជកម្មសេរីរវាងវៀតណាម និងសហភាពសេដ្ឋកិច្ចអឺរ៉ាស៊ី (EAEU) បានបើកឱកាសថ្មីសម្រាប់កិច្ចសហប្រតិបត្តិការលើវិស័យពាណិជ្ជកម្ម វិនិយោគ និងទេសចរណ៍។ ឈរលើមូលដ្ឋាននោះ ភាគីទាំងពីរត្រូវបន្តកិច្ចសហប្រតិបត្តិការ និងកេងប្រវ័ញ្ចលើកិច្ចព្រមព្រៀង EAEU ដើម្បីផ្គូផ្គងសក្តានុពលរវាងភាគីទាំងពីរ។

លេខាគណៈកម្មាធិការបក្សទីក្រុងហាណូយ លោក Dinh Tien Dung បានជូនដំណឹងថា ទីក្រុងហាណូយបច្ចុប្បន្នមានវត្ថុបុរាណ និងវប្បធម៌ចំនួន ៥.៩២២ នៅក្នុងតំបន់ និងបេតិកភណ្ឌអរូបីជាច្រើនផ្សេងទៀត ដែលភាគច្រើនមានអាយុកាលជាង ១០០០ ឆ្នាំ។ នេះគឺជាសក្ដានុពលដ៏ធំធេងសម្រាប់ភាគីទាំងពីរក្នុងកិច្ចសហប្រតិបត្តិការធ្វើអាជីវកម្ម ហើយទន្ទឹមនឹងនោះក៏បានបញ្ជាក់ថា កិច្ចសហប្រតិបត្តិការដែលផ្សារភ្ជាប់ជាមួយនឹងប្រពៃណី ទេសចរណ៍ និងសេវាកម្មនឹងជំរុញកំណើនសេដ្ឋកិច្ចរវាងភាគីទាំងពីរ។

សមមិត្ត Leonid Kalashnikov បាននិយាយថា ភារកិច្ចចម្បងនៃដំណើរទស្សនកិច្ចនេះគឺប្រគល់រង្វាន់លេនីនដល់សមមិត្ត Nguyen Phu Trong ។

សមមិត្ត Kalashnikov បានអះអាងថា ទំនាក់ទំនងទ្វេភាគីកំពុងដំណើរការល្អ ជាពិសេសបន្ទាប់ពីដំណើរទស្សនកិច្ចប្រកបដោយជោគជ័យរបស់ប្រធានាធិបតី Nguyen Xuan Phuc ទៅកាន់ប្រទេសរុស្ស៊ី តាមការអញ្ជើញរបស់ប្រធានាធិបតី Vladimir Putin នៅដើមខែធ្នូ ឆ្នាំ ២០២១។ ការពិតដែលថាមេដឹកនាំទាំងពីរបានពិភាក្សាគ្នាលើសពី ៤ ម៉ោង (ធៀបនឹង ១.៥ ម៉ោងធម្មតា) បង្ហាញពីសារៈសំខាន់នៃទំនាក់ទំនងជាយុទ្ធសាស្ត្ររវាងប្រទេសទាំងពីរ។

សមមិត្ត Kalashnikov បាននិយាយថា ក្នុងឋានៈជាប្រធានគណៈកម្មាធិការតភ្ជាប់អឺរ៉ាស៊ី លោកនឹងជំរុញកិច្ចសហប្រតិបត្តិការជាមួយវៀតណាមក្នុងវិស័យនេះ។

សមមិត្ត Kalashnikov បានស្នើថា ថ្នាក់ដឹកនាំទីក្រុងហាណូយ យកចិត្តទុកដាក់ជំរុញ និងគាំទ្រការអនុវត្តគម្រោងសាងសង់ផ្ទះទីក្រុងម៉ូស្គូ នៅទីក្រុងហាណូយ ដោយហេតុនេះប្រែក្លាយគម្រោងទៅជាមជ្ឈមណ្ឌលវប្បធម៌ និងពាណិជ្ជកម្មរវាងភាគីទាំងពីរ។

ក្នុងន័យនេះ លេខាគណៈកម្មាធិការបក្សទីក្រុងហាណូយ លោក Dinh Tien Dung បានអះអាងថា ទីក្រុងហាណូយនឹងផ្តោតការយកចិត្តទុកដាក់ដឹកនាំ ដើម្បីឲ្យគម្រោងអាចអនុវត្តបានក្នុងពេលឆាប់ៗ។ បច្ចុប្បន្ននេះ ទីក្រុងហាណូយបានណែនាំទីតាំងទំហំជាង ៤.៦៤ ហិកតានៅ Me Tri ដើម្បីអនុវត្តគម្រោង ហើយក្នុងពេលជាមួយគ្នានោះបានបង្ហាញជំនឿថាទីតាំងនេះនឹងក្លាយជាទីតាំងដ៏ស្រស់ស្អាតសម្រាប់គម្រោងដ៏សំខាន់មួយរវាងប្រទេសទាំងពីរ៕

ហេង វុធ្ធី

dangcongsan.vn