យុកសម័យ - នាព្រឹកថ្ងៃទី ១៣ ខែធ្នូ សិស្សថ្នាក់ទី ៩ និងទី ១២ នៅទីក្រុងហូជីមិញ បានវិលត្រឡប់ទៅសាលាវិញជាផ្លូវការហើយ បន្ទាប់ពីរៀនតាមអ៊ីនធឺណិតជាច្រើនខែ ដោយសារជំងឺរាតត្បាត កូវីដ-១៩។
 GDP របស់វៀតណាមនៅត្រីមាសទី ១ កើនឡើង ៤,៤៨ ភាគរយលើសពីត្រីមាសទី ១ ឆ្នាំ ២០២០ |
 បុគ្គលមិនព្រមពាក់ម៉ាស់នៅកន្លែងចាំបាច់តាមការព្រមានលើកទី១ នឹងត្រូវពិន័យពី ២ សែន ទៅ ១ លានរៀល |
 |
| សិស្សថ្នាក់ទី ១ ថ្នាក់ទី១២ នៅទីក្រុងហូជីមិញត្រឡប់ទៅសាលារៀនវិញ |
ទាំងនេះគឺជាថ្នាក់រៀនចំនួន ២ ដែលត្រូវបានជ្រើសរើសដោយទីក្រុង ដើម្បីសាកល្បងការរៀបចំការបង្រៀន និងការរៀនដោយផ្ទាល់ (២ សប្តាហ៍) ក្នុងបរិបទនៃការសម្របខ្លួនទៅនឹងស្ថានភាពថ្មី។
លទ្ធផលនៃការស្ទង់មតិរបស់មាតាបីតាសិស្សថ្នាក់ទី៩ និងទី១២ ដែលធ្វើឡើងដោយនាយកដ្ឋានអប់រំ និងបណ្តុះបណ្តាលទីក្រុងហូជីមិញ បានបង្ហាញថា មាតាបីតាជិត ៨០% បានយល់ស្របនឹងគោលនយោបាយអនុញ្ញាតឱ្យសិស្សចូលសិក្សានៅសាលាផ្ទាល់។
នៅពេលសិស្សវិលមកសាលាវិញ ពួកគេធ្វើតាមគោលការណ៍ 5K សាលារៀនភាគច្រើនធ្វើតាមការណែនាំ របស់វិស័យអប់រំ និងសុខភាពយ៉ាងតឹងរ៉ឹងលើការបង្ការជំងឺរាតត្បាត ជាមួយនឹងផែនការ និងដំណើរការដ៏តឹងរ៉ឹង។
នាព្រឹកថ្ងៃទី១៣ ខែធ្នូ ថ្នាក់ដឹកនាំមន្ទីរសុខាភិបាល និងមន្ទីរអប់រំ និងបណ្តុះបណ្តាលទីក្រុងហូជីមិញ បានចុះអង្កេត និងត្រួតពិនិត្យការអនុវត្តផែនការរៀបចំការបង្រៀនផ្ទាល់នៅតាមសាលាមួយចំនួន។
លោក Tang Chi Thuong ប្រធានមន្ទីរសុខាភិបាលនៃទីក្រុងហូជីមិញ បានវាយតម្លៃថា សាលារៀនទាំងអស់បានរៀបចំផែនការយ៉ាងល្អ ដើម្បីស្វាគមន៍សិស្ស ជាពិសេសជំហានពិនិត្យសិស្សមុនពេលចូលរៀន។
សាលារៀនមិនគួរបារម្ភពេកទេ ពីព្រោះដំណើរការនេះមានការណែនាំយ៉ាងពេញលេញរួចហើយ។ លើសពីនេះ សិស្សថ្នាក់ទី ៩ និងទី ១២ ត្រូវបានចាក់ថ្នាំបង្ការយ៉ាងពេញលេញ។ ទោះជាយ៉ាងណាក៏ដោយ សាលារៀនត្រូវតាមដានសុខភាពសិស្ស ជាពិសេសអ្នកដែលមានជំងឺប្រចាំកាយ។
ដោយឈរលើមូលដ្ឋាននៃរៀបចំសាកល្បង រួមជាមួយនឹងការវិវឌ្ឍន៍ជាក់ស្តែងនៃការរីករាលដាល ទីក្រុងនឹងគណនាការពង្រីកបន្តិចម្តងៗនៃមុខសញ្ញាដែលចូលរៀនផ្ទាល់៕
Vietnamplus
មតិពីមិត្តអ្នកអាន