យុគសម័យ - នាថ្ងៃទី ២០ ខែឧសភា មជ្ឈិមសមាគមកាកបាទក្រហមវៀតណាម បានសហការជាមួយសមាគមកាកបាទក្រហមខេត្ត Quang Tri ដាក់អនុវត្តការបើកផ្តល់ការគាំទ្រថវិកាជាង ១,៨ ប៊ីលានដុង ស្ថិតក្រោមគម្រោង «សង្គ្រោះបន្ទាន់ដល់គ្រួសាររងការខូចខាតដោយសារព្យុះលេខ ៣, លេខ ១០, លេខ ១១ និងឥទ្ធិពលក្រោយព្យុះនាឆ្នាំ ២០២៥» ដែលជាជំនួយឥតសំណងឧបត្ថម្ភដោយសហព័ន្ធអន្តរជាតិនៃសមាគមកាកបាទក្រហម និងអឌ្ឍចន្ទក្រហម (IFRC)។
យោងតាមនោះ គម្រោងត្រូវបានដាក់អនុវត្តនៅតាមបណ្ដាមូលដ្ឋានចំនួន ០៤ រួមមាន៖ Tuyen Hoa, Hoa Trach, Nam Hai Lang និង Dien Sanh នេះគឺជាបណ្ដាតំបន់ដែលរងការខូចខាតយ៉ាងធ្ងន់ធ្ងរដោយសារគ្រោះមហន្តរាយធម្មជាតិ ដែលមានគ្រួសារប្រជាពលរដ្ឋជាច្រើនជួបការលំបាកអំពីលំនៅឋាន និងជីវភាពរស់នៅក្រោយព្យុះទឹកជំនន់។
មុខសញ្ញាដែលទទួលបានការគាំទ្រ គឺជាបណ្ដាគ្រួសារដែលមានផ្ទះសម្បែងរងការខូចខាត, គ្រួសារក្រីក្រ, ក្បែរក្រីក្រ, គ្រួសារដែលមានស្ថានភាពលំបាក, គ្រួសារដែលមានមនុស្សចាស់, កុមារ, ជនពិការ និងបណ្ដាគ្រួសារដែលបាត់បង់មុខរបរចិញ្ចឹមជីវិតដោយសារគ្រោះមហន្តរាយធម្មជាតិ។
 |
| មជ្ឈិមសមាគមកាកបាទក្រហមវៀតណាម បានសហការជាមួយសមាគមកាកបាទក្រហមខេត្ត Quang Tri ដាក់អនុវត្តការបើកផ្តល់ការគាំទ្រជូនដល់ប្រជាពលរដ្ឋនៅតាមបណ្ដាមូលដ្ឋានចំនួន ០៤ គឺ៖ Tuyen Hoa, Hoa Trach, Nam Hai Lang និង Dien Sanh។ |
ជាក់ស្តែង គម្រោងបានគាំទ្រដល់គ្រួសារប្រជាពលរដ្ឋចំនួន ១៥ គ្រួសារដើម្បីជួសជុលលំនៅឋាន ក្នុងកម្រិត ២០ លានដុង/គ្រួសារ សំដៅជួយឱ្យប្រជាពលរដ្ឋឆាប់មានកន្លែងស្នាក់នៅមានលំនឹង មុនរដូវវស្សានិងព្យុះឆ្នាំនេះ។ ទន្ទឹមនឹងនោះ គ្រួសារចំនួន ១០០ គ្រួសារ ទទួលបានការគាំទ្រដើម្បីស្តារជីវភាពឡើងវិញ ក្នុងកម្រិត ០៥ លានដុង/គ្រួសារ ដើម្បីវិនិយោគលើការផលិត, ការចិញ្ចឹមសត្វ, ឈានទៅរកការស្តារប្រាក់ចំណូលឡើងវិញជាជំហានៗ។
ទន្ទឹមនឹងនោះ បណ្ដាគ្រួសារក្រីក្រ, ក្បែរក្រីក្រ និងមុខសញ្ញាងាយរងគ្រោះដែលរងឥទ្ធិពលដោយសារគ្រោះមហន្តរាយធម្មជាតិ នៅតែទទួលបានការគាំទ្រជាសាច់ប្រាក់ទៅតាមចំនួនសមាជិកនៅក្នុងគ្រួសារ រួមចំណែកកាត់បន្ថយការលំបាក និងធ្វើឱ្យជីវភាពរស់នៅមានលំនឹង។
ការដាក់អនុវត្តគម្រោង «សង្គ្រោះបន្ទាន់ដល់គ្រួសាររងការខូចខាតដោយសារព្យុះលេខ ៣, លេខ ១០, លេខ ១១ និងឥទ្ធិពលក្រោយព្យុះនាឆ្នាំ ២០២៥» ដែលជាជំនួយឥតសំណងឧបត្ថម្ភដោយ IFRC នោះ មិនត្រឹមតែជួយឱ្យប្រជាពលរដ្ឋជម្នះផលវិបាកនៃគ្រោះមហន្តរាយធម្មជាតិ, កែលម្អលក្ខខណ្ឌរស់នៅប៉ុណ្ណោះទេ ប៉ុន្តែថែមទាំងរួមចំណែកលើកកម្ពស់សមត្ថភាពទប់ទល់ និងការស្តារឡើងវិញក្រោយព្យុះទឹកជំនន់៕
 ខេត្ត Quang Tri៖ សកម្មភាពដ៏មានអត្ថន័យជាច្រើនក្នុងកម្មវិធី «ខែមីនានៅខ្សែព្រំដែន» កម្មវិធី “ខែមីនានៅខ្សែព្រំដែន” គឺជាសកម្មភាពមួយក្នុងចំណោមសកម្មភាពអនុវត្តចលនា “ខ្ញុំស្រឡាញ់មាតុភូមិរបស់ខ្ញុំ” ដែលអនុវត្តជារៀងរាល់ឆ្នាំដោយមជ្ឈិមសហភាពសហព័ន្ធយុវជនពីថ្ងៃទី ១ ដល់ថ្ងៃទី ៣១ ខែមីនា នៅឃុំជាប់ព្រំដែនទូទាំងប្រទេស ដោយផ្តោតទៅលើឃុំជាប់ព្រំដែនដែលមានស្ថានលំបាក។ |
 Ta Rut (ខេត្ត Quang Tri)៖ ពិធីបុណ្យដ៏រំភើបរីករាយ គោរពតួនាទីស្ត្រីក្នុងសហគមន៍ យុគសម័យ - សម្ព័ន្ធសមាគមនារីឃុំ Ta Rut ស្រុក Dakrong ខេត្ត Quang Tri ទើបតែបានសម្របសម្រួលជាមួយគណៈកម្មាធិការដឹកនាំគម្រោងផែនការរៀបចំពិធីបុណ្យដើម្បីគោរពតួនាទីរបស់ស្ត្រីក្នុងសហគមន៍ និងក្នុងកិច្ចខិតខំប្រឹងប្រែងឆ្លើយតបទៅនឹងការប្រែប្រួលអាកាសធាតុ។ |
thoidai.com.vn
មតិពីមិត្តអ្នកអាន