អង្គការ DAFO និងស្ថានអគ្គកុងស៊ុលគុយបានៅទីក្រុងហូជីមិញ ឯកភាពគ្នាពង្រឹងការជួបប្រាស្រ័យទាក់ទងគ្នារវាងប្រជាជននិងប្រជាជន

ទីក្រុង Da Nang ចាក់វ៉ាក់សាំងការពារកូវីដ ១៩ ជូនអាណិកជនវៀតណាមនិងជនបរទេស

ខេត្ត Da Nang បង្កើតខ្សែទូរស័ព្ទបន្ទាន់ ដើម្បីជួយជនបរទេសដែលជួបការលំបាក ដោយសារការរីករាលដាលនៃជំងឺកូវីដ ១៩

លោកស្រី Indira Lopez Arguelles ក៏មាន​បំណងប្រាថ្នាថាទំនាក់ទំនងរវាងគុយបានិង Da Nang នឹង​មាន​ការរីកចម្រើនបន្ថែមទៀត។

នៅក្នុងកិច្ចប្រជុំនេះលោក Nguyen Ngoc Binh បានរំលឹក​ឡើងវិញអំពីសាវតានៃទំនាក់​ទំំនងមិត្តភាពនិងកិច្ចសហប្រតិបត្តិការរវាងវៀតណាមនិងគុយបា។ ទន្ទឹមនឹងនេះលោកក៏ណែនាំដោយសង្ខេបអំពីទីក្រុង Da Nang និងទិសដៅអភិវឌ្ឍ នាពេលខាងមុខ។

លោក Binh បានណែនាំអំពី DAFO និងបានស្នើសកម្មភាពដែលភាគីទាំងពីរអាចសម្របសម្រួលជាមួយគ្នា នៅត្រីមាសទី ៤ ឆ្នាំ ២០២១ និង ២០២២ ។

ភាគីទាំងពីរបានពិភាក្សាអំពីសកម្មភាពដែលសម្របសម្រួលនៅត្រីមាសទី ៤ ឆ្នាំ ២០២១ ក្នុងឱកាសអបអរសាទរខួបលើកទី ៦១ នៃការបង្កើតទំនាក់ទំនងការទូតរវាងវៀតណាមនិងគុយបា ដូចជាសប្តាហ៍ភាពយន្តគុយបានៅទីក្រុង Da Nang កម្មវិធីគំរក្រោមប្រធានបទវៀតណាម - គុយបា សម្រាប់សិស្សអនុវិទ្យាល័យបានណែនាំអំពីស្ថានភាពគុយបាបច្ចុប្បន្នអំពី ប្រទេសជាតិប្រជាជននិងវប្បធម៌របស់គុយបាជាមួយនិស្សិតនិងយុវជននៅទីក្រុង Da Nang សម្របសម្រួលជាមួយអង្គភាពពាក់ព័ន្ធរៀបចំសិក្ខាសាលាអន្តរជាតិដើម្បីណែនាំអំពីកិច្ចសហប្រតិបត្តិការនិងឱកាសវិនិយោគរវាងសហគ្រាសនៃប្រទេសទាំងពីរ ..

លោកស្រី Nguyen Thi Kim Tuyen អនុប្រធាន​អង្គការ DAFO បានបញ្ជាក់ថា DAFO នឹងសម្របសម្រួលយ៉ាងជិតស្និទ្ធជាមួយអគ្គកុងស៊ុលគុយបា នៅទីក្រុងហូជីមិញ ដើម្បីដាក់ពង្រាយសកម្មភាពសម្របសម្រួលប្រកបដោយប្រសិទ្ធភាពរវាងភាគីទាំងពីរ។

លោកស្រី Indira Lopez Arguelles បានចែករំលែកនូវចំណាប់អារម្មណ៍ល្អរបស់លោកស្រីចំពោះទីក្រុង Da Nang ហើយរីករាយចំពោះសមិទ្ធផលរបស់ទីក្រុងនេះ​ទទួលបាន ក្នុងការប្រឆាំងនឹងជំងឺកូវីដ -១៩ ជាពិសេសគោលនយោបាយ​សុខមាលភាពសង្គមសម្រាប់ប្រជាជនដែលជួបការលំបាក ដោយសារផលប៉ះពាល់នៃការរីករាលដាលនៃផលប៉ះពាល់ពីជំងឺកូវីដ ១៩ កា។ លោកស្រីបានថ្លែងអំណរគុណចំពោះប្រជាជនវៀតណា ដោយជំនួយដ៏ធំធេងចំពោះប្រទេសគុយបានិងបញ្ជាក់ពីដំណើរទស្សនកិច្ចមិត្តភាពជាផ្លូវការនៅសាធារណរដ្ឋគុយបារបស់លោកប្រធានរដ្ឋ Nguyen Xuan Phuc និងគណៈប្រតិភូជាន់ខ្ពស់ បក្សនិងរដ្ឋវៀតណាម ចាប់ពីថ្ងៃទី ១៨ ដល់ ថ្ងៃទី ២០ ខែ កញ្ញា ឆ្នាំ២០២១ បានរួមចំណែកក្នុងការធ្វើឱ្យស៊ីជម្រៅថែមទៀតនូវចំណងសាមគ្គីភាពរវាងវៀតណាមនិងគុយបា ក្នុងដំណាក់កាលថ្មី។

លោកស្រី Indira Lopez Arguelles មានបំណងថា ទំនាក់ទំនងរវាងគុយបានិង Da Nang នឹងមានការរីកចម្រើនបន្ថែមទៀត បង្កើតភាពស្និទ្ធស្នាលរវាងប្រជាជន Da Nang និងគុយបា។ លោកស្រីយល់ព្រមនឹងសំណើរបស់ DAFO ស្តីពីការរៀបចំបណ្តា​សកម្មភាពជួបប្រាស្រ័យ​ទាក់ទងគ្នា​រវាង​ប្រជាជន​និ​ងប្រជាជន​ជាមួយស្ថានអគ្គកុងស៊ុលគុយបា នៅទីក្រុងហូជីមិញនាពេលអនាគត៕

ឌីណា

thoidai.com.vn