ក្រៅពីភាពទាក់ទាញនៃផ្នែកខាងក្រៅហើយ ពហុកីឡាដ្ឋានជាតិមរតកតេជោ ក៏កំពុងធ្វើអោយមានការកោតសរសើរចំពោះទិដ្ឋភាពនៅផ្នែកខាងក្នុងផងដែរ។ រូបភាពជាច្រើនសន្លឹកបង្ហាញពីភាពខាងក្នុង បានធ្វើអោយពហុកីឡាដ្ឋានដ៏អស្ចារ្យមួយនេះ ក្លាយជាពហុកីឡាដ្ឋានដែលជាប់ឈ្មោះថាទំនើប ទាន់សម័យ ស្រស់ស្អាត និង ទាក់ទាញទាំងខាងក្នុង និង ខាងក្រៅ។
 កម្ពុជាសង្ឃឹមថានឹងយលឈ្នះមេដាយមាសជាច្រើនក្នុងព្រឹត្តិការណ៍ស៊ីហ្គេមនៅវៀតណាមមកស្រុកកំណើតវិញ |
 កម្ពុជាត្រៀមជិត៣០ប្រភេទកីឡា សម្រាប់ស៊ីហ្គេម ២០២១ នៅវៀតណាម ក្នុងនោះក៏មានកីឡា សក្តានុពល |
|
|
| សម្រស់ខាងក្នុងពហុកីឡដ្ឋានជាតិមរតកតេជោ |
នៅផ្នែកខាងក្នុងក្រៅពីមានកន្លែងអង្គុយទស្សនាប្រកបដោយផាសុកភាព ក៏មានប្រព័ន្ធកាមេរ៉ាសុវត្ថិភាព មានទូរទស្សន៍ផ្ទាំងធំសម្រាប់បង្ហាញលទ្ធផល និង រូបភាពខ្លះៗ មានកន្លែងគណៈអធិបតីអង្គុយទស្សនាប្រកបដោយកិត្តិយស និងមានប្រើពណ៍ធ្វើអោយអារម្មណ៍អ្នកទស្សនាចូលទៅដល់គឺទាក់ចិត្ត។ នៅផ្នែកខាងក្នុងនេះ ក៏ត្រូវបានញេបំពាក់ប្រព័ន្ធសញ្ញា និងប្រាប់ពីហានិភ័យបើមានការកើតឡើង និងមានច្រើនច្រកសម្រាប់រំដោះអ្នកទស្សនាចេញខាងក្រៅផងដែរ។ ទាំងពណ៍ ទាំងការរៀបចំ ទាំងរចនាបទ និងទាំងប្រព័ន្ធភ្លើងជាដើម សុទ្ធតែត្រូវបានរៀបចំកុំអោយប៉ះទង្កិចនឹងភ្នែករបស់អ្នកទស្សនា ដែលធ្វើអោយអ្នកទស្សនាមានអារម្មណ៍ត្រជាក់ភ្នែក។
ក្នុងនោះសូម្បីតែដំបូលស្ដាតក៏ត្រូវបានរៀបចំដោយស្របនឹងទិសថ្ងៃ ដើម្បីអោយម្លប់អ្នកទស្សនា កុំអោយជះកម្ដៅ ពេលការប្រកួតបាល់ទាត់ពេលថ្ងៃ ត្រូវបានបើកប្រកួតនោះផងដែរ។ ពហុកីឡាដ្ឋាននេះ ទំនងនឹងធ្វើម្ចាស់ផ្ទះ AFF Suzuki Cup 2021 នាខែធ្នូ ខាងមុខនេះ ដែលពិតជារំលេចរូបសម្រស់ដោយផ្ទាល់ សម្រាប់អ្នកចូលរួមទស្សនា ដើម្បីងាយស្រួលកែចំណុចខ្វះខាតនៅពេលកម្ពុជាធ្វើជាម្ចាស់ផ្ទះស៊ីហ្គេម នៅឆ្នាំ២០២៣។
 |
| សម្រស់ខាងក្នុងពហុកីឡដ្ឋានជាតិមរតកតេជោ |
សូមបញ្ជាក់ថា ពហុកីឡដ្ឋានជាតិមរតកតេជោ ត្រូវបានបើកការដ្ឋានសាងសង់ដំណាក់កាលទី១ កាលពីថ្ងៃទី១២ ខែមេសា ឆ្នាំ២០១៣ ក្រោមអធិបតីភាពសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា។ ពហុកីឡដ្ឋានជាតិមរតកតេជោ គ្រោងចំណាយថវិកាសាងសង់ប្រមាណជិត១៦០លានដុល្លារអាមេរិក ។
 |
| សម្រស់ខាងក្នុងពហុកីឡដ្ឋានជាតិមរតកតេជោ |
ពហុកីឡដ្ឋានជាតិមរតកតេជោ ស្ថិតនៅសង្កាត់ព្រែកតាសេក ខណ្ឌជ្រោយចង្វារ រាជធានីភ្នំពេញ ដែលមានចម្ងាយ ១២គីឡូម៉ែត្រ ពីវត្តភ្នំ សាងសង់លើផ្ទៃដីទំហំជាង ៨៥ហិកតា។ សម្រាប់កីឡដ្ឋានធំវិញ គឺមានសណ្ឋាគារចំនួន ៣៤បន្ទប់, ហាងលក់ទំនិញសម្លៀកបំពាក់កីឡា ឧបករណ៍ សម្ភារកីឡាគ្រប់ប្រភេទ និងផលិតផលផ្សេងៗ, មានបំពាក់កន្លែងកម្សាន្តរបស់កុមារ, មានសាលហាត់កីឡាមួយចំនួនក្រោមអគារធំ ហើយលក្ខណៈពិសេសនោះរបស់កីឡដ្ឋានធំនេះ គឺមានច្រកសុវត្ថិភាពច្រើន ដែលអាចរំដោះមនុស្ស ៦ម៉ឺននាក់ក្នុងរយៈតែ៧នាទីប៉ុណ្ណោះ។ ពហុកីឡដ្ឋានជាតិមរតកតេជោ គឺជាពហុកីឡដ្ឋានដ៏ទំនើបមួយរបស់កម្ពុជា ដែលសាងសង់ឡើង ត្រៀមធ្វើជាម្ចាស់ផ្ទះការប្រកួតកីឡាស៊ីហ្គេម និងអាស៊ានប៉ារ៉ាហ្គេម ឆ្នាំ២០២៣៕
kohsantepheapdaily.com.kh
មតិពីមិត្តអ្នកអាន