យុគសម័យ- នាថ្ងៃទី ១០ ខែសីហា នៅរដ្ឋធានី Ha Noi ក្នុងនាមគណៈប្រធាននៃសម្ព័ន្ធអង្គការមិត្តភាពវៀតណាម លោកស្រី ឯកអគ្គរដ្ឋទូត Nguyen Phuong Nga - ប្រធានសម្ព័ន្ធអង្គការមិត្តវៀតណាមបានប្រគល់មេដាយអនុស្សាវរីយ៍ “ ដើម្បីសន្តិភាពនិងមិត្តភាពរវាងប្រជាជាតិ” ជូនដល់លោកឯកអគ្គរដ្ឋទូតវិសាមញ្ញនិងពេញសមត្ថភាពប្រចាំសាធារណរដ្ឋហ្វាំងឡង់នៅវៀតណាម Kari Kahiluoto ។
 សម្ព័ន្ធអង្គការមិត្ដភាពវៀតណាម (VUFO) សម្រេចបានលទ្ធផលជាច្រើនក្នុងវិស័យការទូតប្រជាជន |
 ពិធីប្រគល់មេដាយអនុស្សាវរីយ៍ “ ដើម្បីសន្តិភាពនិងមិត្តភាពរវាងបណ្តាប្រជាជាតិ” ជូនដល់លោកឯកអគ្គរដ្ឋទូតឈីលី ប្រចាំនៅវៀតណាម |
 |
| លោកស្រីឯកអគ្គរដ្ឋទូត Nguyen Phuong Nga ប្រធាន VUFO បានប្រគល់មេដាយអនុស្សាវរីយ៍“ ដើម្បីសន្តិភាពនិងមិត្តភាពរវាងប្រជាជាតិ” ជូនដល់លោក Kari Kahiluoto ឯកអគ្គរដ្ឋទូតនៃសាធារណរដ្ឋហ្វាំងឡង់ប្រចាំនៅប្រទេសវៀតណាម។ (រូបថត៖ Tuan Viet) |
នេះគឺជាពានរង្វាន់ដ៏ខ្ពង់ខ្ពស់បំផុតដែលអង្គការសម្ព័ន្ធមិត្តភាពវៀតណាមប្រគល់ជូនលោកឯកអគ្គរដ្ឋទូត Kari Kahiluoto ក្នុងឱកាសបញ្ចប់បេសកកម្មការទូតនៅប្រទេសវៀតណាម។
ក្នុងអំឡុងពេលបំពេញបេសកកម្ម នៅប្រទេសវៀតណាម ដោយបទពិសោធន៍និងការជក់ចិត្តលោកឯកអគ្គរដ្ឋទូត Kari Kahiluoto បានរួមចំណែកយ៉ាងសំខាន់ក្នុងការពង្រឹងនិងលើកកម្ពស់ទំនាក់ទំនងមិត្តភាពប្រពៃណីនិងកិច្ចសហប្រតិបត្តិការរវាងវៀតណាមនិងហ្វាំងឡង់ បានបន្សល់ទុកនូវចំណាប់អារម្មណ៍ល្អនៅក្នុងដួងចិត្តរបស់ប្រជាជនវៀតណាម។
 |
| លោកឯកអគ្គរដ្ឋទូតនៃសាធារណរដ្ឋហ្វាំងឡង់ប្រចាំនៅវៀតណាម Kari Kahiluoto បានថ្លែងនៅក្នុងពិធីនេះ។ (រូបថត៖ Tuan Viet) |
លោកស្រីឯកអគ្គរដ្ឋទូត Nguyen Phuong Nga សង្ឃឹមថា ក្នុងឋានៈណាក៏ដោយលោកឯកអគ្គរដ្ឋទូត Kari Kahiluoto នឹងបន្តរួមចំណែកក្នុងការពង្រឹងនិងអភិវឌ្ឍបន្ថែមទៀតនូវចំណងមិត្តភាពនិងកិច្ចសហប្រតិបត្តិការជាប្រពៃណីរវាងវៀតណាមនិងហ្វាំងឡង់។
 |
| ប្រតិភូថតរូបទុកជាអនុស្សាវរីយ៍។ (រូបថត៖ ៖ Tuan Viet) |
លោកឯកអគ្គរដ្ឋទូត Kari Kahiluoto បានថ្លែងអំណរគុណចំពោះសមាគមមិត្តភាពវៀតណាម - ហ្វាំងឡង់ (ជាសមាជិកនៃសម្ព័ន្ធអង្គការមិត្តភាពវៀតណាម)ដើម្បីការលើកទឹកចិត្តនិងគាំទ្រក្នុងអាណត្តិរបស់លោក។ លោកបានបញ្ជាក់ថា លោកនឹងបន្តខិតខំប្រឹងប្រែងដើម្បីពង្រឹងទំនាក់ទំនងមិត្តភាពរវាងប្រជាជនទាំងពីរ រួមចំណែកក្នុងការពង្រឹងនិងអភិវឌ្ឍទំនាក់ទំនងមិត្តភាពវៀតណាម - ហ្វាំងឡង់៕
thoidai.com.vn
មតិពីមិត្តអ្នកអាន