តាមទំនៀមទម្លាប់ ថ្ងៃទី ២០ ជារៀងរាល់ខែគឺជាថ្ងៃធ្វើសកម្មភាពប្រចាំខែនៃក្រុម "ឪពុកម្តាយថែទាំ និងបង្រៀនកុមារ" នៅភូមិ Dak De ឃុំ Dak Ro Nga ស្រុក Dak To ខេត្ត Kon Tum តំបន់ខ្ពង់រាបខាងលិចវៀតណាម។ បន្ទាប់ពីប្រធានក្រុមបង្ហាញអំពីប្រធានបទទាក់ទងនឹងបញ្ហាកុមារ ឪពុកម្តាយទាំងឡាយក៏បានចែករំលែកចំណេះដឹងក្នុងការថែទាំកុមារ។ សកម្មភាពនេះ ពិតជានាំមកនូវប្រសិទ្ធភាពជាក់ស្តែងណាស់។
 ខេត្ត Kon Tum៖ ផ្សព្វផ្សាយអំពីការបោះឆ្នោតដល់សហគមន៍ជនជាតិភាគតិចនៅតាមតំបន់ព្រំដែន |
 និស្សិតឡាវនិងកម្ពុជាទទួលស្វាគមន៍បុណ្យចូលឆ្នាំថ្មីប្រពៃណីជាតិនៅខេត្ដ Kon Tum |
ឃុំ Dak Ro Nga ជាតំបន់ដែលបងប្អូនជនជាតិភាគតិច Xo Dang រស់នៅយ៉ាងច្រើន។ នៅឆ្នាំ ២០១៨ សមាគមសម្ព័ន្ធនារីស្រុក Dak To បានបង្កើតគំរូ "ឪពុកម្តាយថែទាំ និងបង្រៀនកុមារ" ដោយមានឪពុកម្តាយជនជាតិភាគតិចចំនួន ២៤ គូនៅក្នុងភូមិ Dak De ក្នុងគោលបំណងលើកកម្ពស់ការយល់ដឹងរបស់មាតាបិតាក្នុងការថែទាំ និងការអប់រំកុមារយ៉ាងត្រឹមត្រូវដើម្បីជួយកុមារអភិវឌ្ឍវិញ្ញាណរបស់ពួកគេ ហើយឪពុកម្តាយមានការជឿលើខ្លួន និងក្លាហានបញ្ចេញមតិ។
 |
| សកម្មភាពមួយនៃគំរូ "ឪពុកម្តាយថែទាំ និងបង្រៀនកុមារ" |
អ្នកស្រី Y Ble ប្រធានក្រុមបង្កើតគំរូ "ឪពុកម្តាយថែទាំ និងបង្រៀនកុមារ" បានមានប្រសាសន៍ថា៖ “គំរូត្រូវបានរក្សាប្រតិបត្តិការជាប្រចាំ។ នៅក្នុងសកម្មភាពនេះ យើងខ្ញុំក៏រួមបញ្ចូលការឃោសនាលើគោលការណ៍ និងគោលនយោបាយរបស់បក្សនិងរដ្ឋឬសកម្មភាពជាច្រើនដែលអនុវត្តដោយសមាគមសម្ព័ន្ធនារីឃុំដើម្បីជួយឱ្យប្រជាជនយល់ដឹង។ ចាប់តាំងពីការបង្កើត មានឪពុកម្តាយចំនួន ៦ គូបន្ថែមទៀតបានចូលរួមគំរូ ជាពិសេសបន្ទាប់ពីចូលរួមសកម្មភាពនេះ ឪពុកបានមានការផ្លាស់ប្តូរជាច្រើន ដូចជា ចំណាយពេលវេលាជាច្រើនដើម្បីលេងជាមួយកូនៗ នាំកូនទៅសិក្សារៀនសូត្រ និងចែករំលែកការងារក្នុងផ្ទះជាមួយប្រពន្ធ។ល។”
យោងតាមលោកស្រី Nguyen Thi Nhu Ha ប្រធានសមាគមសម្ព័ន្ធនារីស្រុក Dak To បានឲ្យដឹងថា បច្ចុប្បន្ននៅស្រុកនេះមានក្រុម "ឪពុកម្តាយថែទាំ និងបង្រៀនកុមារ" ចំនួន ២ នៅឃុំចំនួន ២ ដែលមានក្រុមគ្រួសារចំនួន ១០០ ជាជនជាតិភាគតិច Ro Nga និង Po Ko។ នៅឆ្នាំ ២០២១ នេះ សមាគមសម្ព័ន្ធនារីស្រុក មានផែនការពង្រីកគំរូនេះនៅក្នុងភូមិចំនួន ៤ របស់ជនជាតិភាគតិចដើម្បីលើកកម្ពស់ប្រសិទ្ធភាពនៃការឃោសនា និងចលនាការថែទាំ និងគាំពារកុមារនៅតំបន់ជនបទ និងតំបន់ជនជាតិភាគតិច៕
kh.qdnd.vn
មតិពីមិត្តអ្នកអាន