ខេត្ត Kon Tum៖ ផ្សព្វផ្សាយអំពីការបោះឆ្នោតដល់សហគមន៍ជនជាតិភាគតិចនៅតាមតំបន់ព្រំដែន

និស្សិតឡាវនិងកម្ពុជាទទួលស្វាគមន៍បុណ្យចូលឆ្នាំថ្មីប្រពៃណីជាតិនៅខេត្ដ Kon Tum

រកឃើញ “រតនសម្បត្តិ” អំពីជីវចម្រុះនៅខេត្ត Kon Tum

អ្នកភូមិនៅក្នុងភូមិ Dak Me ឃុំ Po Y ស្រុក Ngoc Hoi (ខេត្ត Kon Tum) មើល​​​​បញ្ជី​​​ឈ្មោះបេក្ខ​​ជនឈរឈ្មោះបោះឆ្នោតជ្រើសតាំងជាសមាជិករដ្ឋសភា ​​ដែល​បានបិទ​នៅក្នុងតំបន់ផ្ទះសហគមន៍។

Ngoc Hoi ជាស្រុកជាប់ព្រំដែន​នៃខេត្ត Kon Tum ដែលមាន​​ជិត ៦០ ភាគរយ​​ជា​ជនជាតិ​ភាគតិចរស់នៅ។ ដើម្បីផ្តល់​​ព័ត៌មាន​​អំពីការបោះឆ្នោត​ដល់​ប្រជាជន អាជ្ញធរ​ស្រុក Ngoc Hoi បាន​ឃោសនាជាប្រចាំតាមរយៈរថយន្តឃោសនា និងការ​ព្យួរបដា និងពាក្យស្លោក។

ស្ថានភាពភ្នំស្មុគស្មាញ និងការ​ចរាចរណ៍គ្រោះថ្នាក់គឺជាការលំបាកដែលជះឥទ្ធិពលដោយផ្ទាល់ដល់ការឃោសនាអំពីការបោះឆ្នោតសម្រាប់ប្រជាជននៅស្រុកង៉ុកហូយនិយាយដោយឡែក និង​ប្រជាជននៅតំបន់ភ្នំ និងតំបន់​ព្រំដែននៅភូមិសាស្ត្រ​ខេត្ត​​ខុនទុំនិយាយរួម​។ ដោយវិធីច្នៃប្រឌិត​ជាច្រើន ស្រុកង៉ុកហូ​យ​បានទាក់ទាញបាន​ការ​​ចំណាប់អារម្មណ៍ជាបណ្តើៗ​ពី​​​ប្រជាជន។

លោក ហា ដាំង ខ័រ ប្រធានមន្ទីរវប្បធម៌ - កីឡា - ទេសចរណ៍ និងគមនាគមន៍ស្រុក Ngoc Hoi បានចែករំលែកថា ដោយ​កំណត់ថាការឃោសនាគឺជាភារកិច្ចស្នូលនៃការបោះឆ្នោត បាន​ជា​​មណ្ឌលបានរួមបញ្ចូលគ្នានូវវិធីសាស្ត្រឃោសនាតាម​បែបប្រពៃណីផង និងឃោសនាតាម​រថ​យន្ត​ផង​​។ នៅតាមកន្លែងដែលរថ​យន្តមកនិង​ឃោសនា​​មិនអាចទៅដល់ មជ្ឈមណ្ឌលបានប្រើឧបករណ៍បំពងសម្លេងចល័ត​ដែល​ចងវាលើម៉ូតូ ដើម្បីផ្សព្វផ្សាយព័ត៌មានអំពីថ្ងៃបោះឆ្នោត។

លោកស្រី Y Dum (ឃុំ Dak Ang ស្រុក Ngoc Hoi) បាននិយាយថា តាមរយៈទម្រង់ឃោសនាផ្សេងៗគ្នា ប្រជាជនក្នុងឃុំបានដឹងអំពីថ្ងៃបោះឆ្នោត កន្លែង និង​ពេលវេលា​បោះឆ្នោតដើ​ម្បីអនុវត្តសិទ្ធិ និង​កាតព្វកិច្ចរបស់ខ្លួន។ នៅក្នុងភូមិ មនុស្ស​គ្រប់គ្នាកំពុងទន្ទឹងរង់ចាំដល់​ថ្ងៃ​បាន​កាន់សន្លឹកឆ្នោតនៅក្នុងដៃ​ ដើម្បីបោះ​ឆ្នោតជ្រើស​បាន​អ្នក​តំណាង​​សក្ដិសម មាន​គុណធម៌ និងទេពកោសល្យ​ ដោយ​​បង្ហាញបា​ន​សេចក្តីប្រាថ្នារបស់ប្រជាជន។

រថយន្តឃោសនា​​ផ្សព្វ​ផ្សាយ​ព័ត៌មានអំពី​​​ថ្ងៃបោះឆ្នោតជូន​ប្រជាជននៅស្រុក Ngoc Hoi (Kon Tum)

ទន្ទឹមនឹងនេះ ជនជាតិ Brau ជាជនជាតិមួយក្នុងចំណោម​​ក្រុមជនជាតិភាគតិចចំនួន ១០ ដែល​កំពុង​​រស់នៅក្នុងភូមិ Dak Me ឃុំ Po Y ស្រុក Ngoc Hoi។ អាជ្ញាធរ​​មូលដ្ឋា​នបានបង្កើនការសម្របសម្រួលជាមួយកម្លាំង​​ការពារព្រំដែនមក​​​ដល់​​​ភូមិផ្ទាល់​​ដើម្បីផ្សព្វផ្សាយអំពី​ច្បាប់បោះឆ្នោតជ្រើសតាំងសមាជិកសភា និងសមាជិកក្រុមប្រឹក្សាប្រជាជន សិទ្ធិ និងទំនួលខុសត្រូវរបស់អ្នកបោះឆ្នោតក្នុងការបោះឆ្នោតនាពេលខាងមុខ។ ដោយហេតុនេះ ប្រជាជន​​​​​​នឹងជាម្ចាស់​ស្លឹក​ឆ្នោត ដោយ​បោះឆ្នោតជ្រើសរើស​អ្នក​តំណាង​​​ដែល​សក្ដិសម ​ដើម្បីចូលរួមក្នុងរដ្ឋសភា នីតិកាលទី ១៥ និងក្រុមប្រឹក្សាប្រជាជនគ្រប់លំដាប់​​ថ្នាក់សម្រាប់អាណត្តិ ២០២១ - ២០២៦ ដែលរួមចំណែកដល់ជោគជ័យទូទាំងប្រទេស។

លោកស្រី Dinh Thi Khiem (ភូមិ Dak Me ឃុំ Po Y ស្រុក Ngoc Hoi ) បានចែករំលែកថា៖ “ខ្ញុំពិតជាមានកិត្តិយសណាស់ដែលបានកាន់​សន្លឹក​ឆ្នោត​ដើម្បី​បោះឆ្នោត​​ឲ្យ​​​បេក្ខជនដែល​សក្ដិសមក្នុងអាណត្តិនេះ។ ជាអ្នកបោះឆ្នោត​ម្នាក់ យើងសង្ឃឹមថា អ្នក​តំណាង​​ដែលត្រូវបានជ្រើសរើសដោយប្រជាជននឹងនាំមកនូវការ​ខិតខំប្រឹងប្រែងរបស់​ខ្លួន​​ដើម្បីធានា និងការពារសិទ្ធិ និងផលប្រយោជន៍ស្របច្បាប់របស់ប្រជាជន ជួយប្រជាជនឱ្យមានជីវភាពធូរធារ និងកាន់​តែ​ប្រសើ​ថែមទៀត"។

ស្រុក Ngoc Hoi គឺជាតំបន់មួយដែលមានបង្គោល​ព្រំដែន​ជា​ប់ព្រំដែននៃ​ប្រទេសទាំងបី ជាប់​នឹង​ឡាវ និងប្រទេសកម្ពុជា។ ប៉ុស្តិ៍​ច្រកទ្វារព្រំដែនអន្តរជាតិ Bo Y បាន​បង្កើនចំនួនទ័ព​ឲ្យ​​ទីស្នាក់ការ​​នានានៅ​តំបន់ស្មុគស្មាញដើ ម្បី​បំពេញ​ល្អ​​ការងារការពារព្រំដែន ការពារការរីករាលដាលនៃកូវីដ១៩​ ផង​ និងធានាសុវត្ថិភាពនៃការបោះឆ្នោតផង។

លោកវរសេនីយ៍ទោ Dang Nguyen Huong ប្រធាន​នយោបាយនៃប៉ុស្តិ៍​ការ​ពារ​ព្រំដែន​​ច្រកទ្វារព្រំដែនអន្តរជាតិ​បានសង្កត់ធ្ងន់ថា អង្គភាពបានណែនាំដល់គណៈកម្មាធិការបក្ស អាជ្ញាធរមូលដ្ឋានឲ្យ​​រៀបចំការឃោសនាយ៉ាងទូលំទូលាយជូន​ប្រជាជនអំពី​​ថ្ងៃបោះឆ្នោត ដោយផ្សារភ្ជាប់ជាមួយនឹងការធានានូវស្ថានភាពសណ្តាប់ធ្នាប់ និងសន្តិសុខនៅក្នុងមូលដ្ឋាន។ ដោយស្មារតី ការទទួលខុសត្រូវ និងការប្តេជ្ញាចិត្តខ្ពស់ កម្មាភិបាល និងយុទ្ធជន​នៃ​ប៉ុស្តិ៍​ប្តេជ្ញា​ចិត្ត​​ទប់ស្កាត់​ការ​ឆ្លង​ដែន​ខុស​ច្បាប់ ប្រយុទ្ធ​ប្រឆាំង​​ការ​ជួញដូរគ្រឿងញៀនឆ្លងដែន រួមចំណែកដល់ជោគជ័យរបស់​ប្រទេសទាំង​មូល​ ក្នុងការបោះឆ្នោតនាពេលខាងមុខ។

ជាមួយនឹងការរៀបចំយ៉ាង​ហ្មត់​ចត់ និងការប្តេជ្ញាចិត្តខ្ពស់ពីក្រសួង​ស្ថា​ប័ន​​គ្រប់​ថ្នាក់ ជនជាតិភាគតិចនៅស្រុក Ngoc Hoi និយាយរួម​ ខេត្ត Kon Tum និយាយ​ដោយ​ឡែក មានការយល់ដឹងជាបណ្តើៗ យល់​ពី​អត្ថន័យ​ និង​សារៈសំខាន់​នៃការបោះឆ្នោត។ ចាប់តាំងពីពេលនោះមក អ្នកបោះឆ្នោតមានសិទ្ធិជា​ម្ចាស់​​ឆ្នោតដោយ​​បោះឆ្នោតជ្រើស​តាំង​អ្នក​តំណាង​​ដែល​សក្ដិសម បង្ហាញ​បាន​សេចក្តីប្រាថ្នារបស់ប្រជាជនទាំង មូល៕

ឌីណា

tin tuc