យុគសម័យ - នៅព្រឹកថ្ងៃទី ១២ ខែមេសា ឆ្នាំ ២០២១ លោកអគ្គកុងស៊ុល Vu Ngoc Ly បានជួបជាមួយ លោក គួច ចំរើន អភិបាលខេត្តព្រះសីហនុនិងប្រគល់អំណោយ ដើម្បីគាំទ្រដល់អាជ្ញាធរនិងប្រជាជនខេត្តព្រះសីហនុ ក្នុងការប្រឆាំងនឹងការរីករាលដាលនៃជំងឺកូវីដ ១៩ ។
 រដ្ឋាភិបាលខេត្តព្រះសីហនុរៀបចំការចាក់វ៉ាក់សាំង Covid-19 ជូនស្ថានអគ្គកុងស៊ុលវៀតណាមប្រចាំខេត្តព្រះសីហនុ |
 ខេត្តព្រះសីហនុបើកទូលាយកន្លែងព្យាបាលសម្រាប់អ្នកជំងឺកូវីដ ១៩ |
 |
| ទិដ្ឋភាពនៃជំនួបនេះ ។ |
នៅក្នុងកិច្ចប្រជុំនោះ ស្ថានអគ្គកុងស៊ុលបានសង្កត់ធ្ងន់លើការលំបាកដែលប្រជាជនកម្ពុជាទូទៅនិងខេត្តព្រះសីហនុកំពុងជួបប្រទះ ។ ជាពិសេសគឺប្រឈមនឹងផលវិបាកដែលមិនអាចប៉ាន់ស្មានបាននៃការឆ្លងជំងឺនេះកើតឡើង នៅក្នុងសហគមន៍ជាលើកទី ៣ នាថ្ងៃទី ២០ ខែកុម្ភៈ។ អគ្គកុងស៊ុលបានប្រគល់ម៉ាស់ពេទ្យចំនួន ១០ ម៉ឺននិងអង្ករ ២ តោនដល់ខេត្តព្រះសីហនុ ដោយមានបំណងចង់ចូលរួមចំណែកគាំទ្រដល់អាជ្ញាធរនិងប្រជាជនខេត្តឱ្យជៀសផុតពីគ្រាលំបាកបំផុត។
ក្នុងឱកាសនេះ អគ្គកុងស៊ុលបានថ្លែងអំណរគុណដល់រាជរដ្ឋាភិបាលកម្ពុជានិងអាជ្ញាធរខេត្តព្រះសីហនុដែលបានបង្កើតលក្ខខណ្ឌអំណោយផលសម្រាប់សហគមន៍វៀតណាម ក្នុងការចុះឈ្មោះចាក់វ៉ាក់សាំងកូវីដ ១៩ ។
 |
| អគ្គកុងស៊ុលបានប្រគល់ម៉ាស់ពេទ្យចំនួន ១០ ម៉ឺននិងអង្ករ ២ តោនដល់ខេត្តព្រះសីហនុ |
អគ្គកុងស៊ុលក៏បានថ្លែងអំណរគុណដល់លោកអភិបាលចំពោះការព្រួយបារម្ភនិងការឆ្លើយតបយ៉ាងសកម្មចំពោះសំណើរបស់អគ្គកុងស៊ុលក្នុងការផ្តល់សេវាព្យាបាលនិងការធ្វើចត្តាឡីស័កល្អបំផុតសម្រាប់ពលរដ្ឋ វៀតណាម នៅក្នុងខេត្តដែលរកឃើញជំងឺកូវីដ ១៩ ឬទាក់ទងនឹងអ្នកឆ្លងជំងឺកូវីដ ១៩ ។
ក្នុងឱកាសបុណ្យចូលឆ្នាំថ្មីខ្មែរ លោកអគ្គកុងស៊ុលសូមគោរពជូនពរចំពោះលោកអភិបាលខេត្តនិងប្រជាជនខេត្តព្រះសីហនុ មានសុខភាពល្អបរិបូរណ៍ រីករាយ និងទទួលបានជោគជ័យក្នុងការបង្ការនិងទប់ស្កាត់នឹងជំងឺកូវីដ ១៩៕
មតិពីមិត្តអ្នកអាន