យុគសម័យ - នារសៀលថ្ងៃទី ៣ កុម្ភៈ លោកអនុរដ្ឋមន្រ្តីក្រសួងការបរទេស Dang Minh Khoi ប្រធានគណៈកម្មាធិការរដ្ឋទទួលបន្ទុកជនវៀតណាមនៅបរទេស បានអញ្ជើញទៅសួរសុខទុក្ខ ជូនពរ ឆ្នាំថ្មីនិងប្រគល់អំណោយពីលោកនាយករដ្ឋមន្រ្តី Nguyen Xuan Phuc ដល់អាណិកជនវៀតណាមដ៏គំរូ នៅទីក្រុង Ho Chi Minh ។
ក្នុងស្ថានភាពនៃការរីករាលដាលនៃជំងឺ COVID-19អាណិកជនវៀតណាមតែងតែគោរពតាមវិធានការបង្ការនិងទប់ស្កាត់នឹងការរីករាលដាលនៃជំងឺនេះ ឱ្យបានល្អ ប៉ុន្តែក៏ចូលរួមយ៉ាងសកម្មក្នុងសកម្មភាពសង្គម ដើម្បីសហគមន៍និងប្រជាជននៅតំបន់ទឹកជំនន់។
នៅឆ្នាំ ២០២០ ទោះបីជួបការលំបាកជាច្រើនក៏ដោយក៏សហគ្រាសរបស់អាណិកជនវៀតណាមនិងអាណិកវៀតណាម នៅទីក្រុងនឹងនៅតែជំនះការលំបាក រក្សាស្ថេរភាពផលិតកម្ម ខិតខំបំពេញភារកិច្ចអាជីវកម្ម។ បង្កើតការងារបន្ថែមទៀតនិងលក្ខខណ្ឌអំណោយផលជាច្រើនដើម្បីគាំទ្រនិងយកចិត្តទុកដាក់ចំពោះកម្មករនៅក្នុងទីក្រុង។
លោកអនុរដ្ឋមន្រ្តីក្រសួងការបរទេស Dang Minh Khoi បានប្រគល់អំណោយពីលោកនាយករដ្ឋមន្រ្តី Nguyen Xuan Phuc ជូនលោក Nguyen Ngoc Luan អាណិកជនវៀតណាមដ៏គំរូម្នាក់នៅទីក្រុង Ho Chi Minh។ (រូបថត៖ VNA)
អាណិកជនវៀតណាមនៅបរទេសតែងតែចង់វិលត្រឡប់មកនិងចូលរួមវិភាគទានដល់ការអភិវឌ្ឍស្រុកកំណើត លោកអនុរដ្ឋមន្រ្តី Dang Minh Khoi បានស្នើឱ្យមន្ទីរ ស្ថាប័ន និងទីភ្នាក់ងារនានានៃទីក្រុងគួរតែបង្កើតនូវអំណោយផលល្អសម្រាប់អាណិកជន។
ទាក់ទងនឹងទិសដៅដែលបានកំណត់ដោយមហាសន្និបាតលើកទី ១៣ របស់បក្ស លោកអនុរដ្ឋមន្រ្តី Dang Minh Khoi បានបញ្ជាក់ថា មហាសន្និបាតបានកំណត់នូវសកម្មភាពរបស់បក្ស នាពេលខាងមុខនឹងយកផលប្រយោជន៍និងសុភមង្គលរបស់ប្រជាជនជាគោលដៅខ្ពស់បំផុតនៃការខិតខំ; លទ្ធផលនៃបុព្វហេតុផ្លាស់ប្តូរថ្មីសម្រាប់ការអភិវឌ្ឍសេដ្ឋកិច្ចសង្គមរបស់ប្រទេស។ ប្រជាជនវៀតណាមនៅក្នុងស្រុកឬនៅបរទេសមិនថា ពួកគេទៅទីណា ចាកចេញពីទីណាក៏ដោយ ទោះបីកាលៈទេសៈណាក៏ដោយពួកគេតែងតែជាផ្នែកមួយនៃមាតុភូមិនិងប្រទេសវៀតណាម។
ដើម្បីសម្រេចគោលដៅអភិវឌ្ឍន៍សេដ្ឋកិច្ចសង្គមរហូតដល់ឆ្នាំ ២០៣០ និងចក្ខុវិស័យដល់ឆ្នាំ ២០៤៥ គ្មានផ្លូវណាផ្សេងដែលពឹងផ្អែកលើវិទ្យាសាស្ត្រនិងបច្ចេកវិទ្យានោះទេ ហើយអាណិកវៀតណាមជាស្ពានសំខាន់ណាស់ ដើម្បីជំរុញការផ្លាស់ប្តូរនិងអភិវឌ្ឍន៍ប្រទេស។ “ លោកអនុរដ្ឋមន្រ្តី Dang Minh Khoi បានសង្កត់ធ្ងន់។
លោក Dinh Vinh Cuong អាណិកជនវៀតណាមម្នាក់នៅប្រទេសជប៉ុន បានមានប្រសាសន៍ថា មហាសន្និបាតលើកនេះត្រូវបានរៀបចំយ៉ាងល្អ ជាពិសេស ឯកសារសំខាន់ៗជាច្រើនបានអនុម័ត ដើម្បីនាំប្រទេសជាតិកាន់តែអភិវឌ្ឍ។ ក្នុងនោះមានខ្លឹមសារមួយចំនួនដែលអាណិកជនវៀតណាមយកចិត្តទុកគឺបន្តជំរុញការងារប្រឆាំងអំពើពុករលួយ បន្តអនុវត្តគោលនយោបាយបើកចំហ ដើម្បីទាក់ទាញអាណិកជនវៀតណាមចូលរួមចំណែកដល់ការកសាងមាតុភូមិនិងប្រទេសជាតិ។
លោក Dinh Vinh Cuong បានវាយតម្លៃខ្ពស់ចំពោះទីក្រុងHo Chi Minh ក្នុងរយៈពេលប៉ុន្មានឆ្នាំថ្មីៗនេះដោយមានគោលនយោបាយច្នៃប្រឌិតថ្មី ដែលក្នុងនោះថ្នាក់ដឹកនាំទីក្រុងបានពិគ្រោះយោបល់យ៉ាងសកម្មជាមួយអាណិកជនវៀតណាម ដើម្បីជំរុញការអភិវឌ្ឍន៍ទីក្រុងយ៉ាងឆាប់រហ័សនិងប្រកបដោយចីរភាព។
គេដឹងថាដោយសារតែការរីករាលដាលដ៏ស្មុគស្មាញនៃជំងឺ COVID-19 គណៈកម្មការទទួលបន្ទុកជនវៀតណាមនៅបរទេស ទីក្រុង Ho Chi Minh បានសំរេចលុបចោលកម្មវិធីនៃការប្រជុំអាណិកជនវៀតណាមនៅឯបរទេសដើម្បីអបអរឆ្នាំថ្មីប្រពៃណីជាតិវៀតណាម ឆ្នាំ២០២១ ដែលគ្រោងធ្វើឡើងនៅថ្ងៃទី ៦ ខែកុម្ភៈ។
ការជួបប្រជុំអាណិកជននិងអបអរសាទរនិទាឃរដូវគឺជាសកម្មភាពប្រចាំឆ្នាំរបស់ទីក្រុង Ho Chi Minh ដើម្បីបង្ហាញពី មនោសញ្ចេតនានិងការគោរពរបស់រដ្ឋាភិបាលទីក្រុងនិងប្រជាជនចំពោះសហគមន៍អាណិកជនវៀតណាមនៅឯបរទេស។ នេះក៏ជាឱកាសសម្រាប់អាណិកជនវៀតណាមស្តាប់ ថ្នាក់ដឹកនាំទីក្រុង Ho Chi Minh រាយការណ៍អំពីសមិទ្ធិផលនិងទិសដៅអភិវឌ្ឍន៍របស់ទីក្រុង នាពេលខាងមុខ./.
មតិពីមិត្តអ្នកអាន