មន្ទីរពេទ្យសម្ភពមជ្ឈឹមបានបរិច្ចាគ សំលៀកបំពាក់ការពារចំនួន ៥០០ ឈុតដល់សមាគមមិត្តភាពនិងសហប្រតិបត្តិការវៀតណាម - បារាំង

មន្ទីរពេទ្យសម្ភពមជ្ឈឹមបានបរិច្ចាគ សំលៀកបំពាក់ការពារចំនួន ៥០០ ឈុតដល់សមាគមមិត្តភាពនិងសហប្រតិបត្តិការវៀតណាម - បារាំង។

ឆ្លើយតបទៅនឹងការអំពាវនាវរបស់សមាគមន៍មិត្តភាពនិងសហប្រតិបត្តិការវៀតណាម - បារាំង មន្ទីរពេទ្យសម្ភពមជ្ឈឹមបានបរីច្ចាគសំលៀកបំពាក់ប្រឆាំងនឹងជំងឺរាតត្បាតដែលមានគុណភាពចំនួន ៥០០ ឈុតដល់សមាគមមិត្តភាពនិងសហប្រតិបត្តិការវៀតណាម - បារាំង។

សាស្ត្រាចារ្យរងលោក Tran Danh Cuong នាយកមន្ទីរពេទ្យសម្ភពមជ្ឈឹមបានឲ្យដឹងថា មន្ទីរពេទ្យនៅពេលនេះទោះបីផ្តោតសំខាន់លើឧបករណ៍សម្លៀកបំពាក់ការពារសម្រាប់គ្រូពេទ្យបុគ្គលិកពេទ្យនៃមន្ទីរពេទ្យសម្រាប់ការព្យាបាលនិងប្រយុទ្ធប្រឆាំងនឹងជំងឹរាតត្បាត ទោះយ៉ាងណាមន្ទីរពេទ្យក៏ចង់ចូលរួមចំណែកនិងចែករំលែកជាមួយគ្រូពេទ្យនិងប្រជាជនបារាំងផងដែរ។

ការយកចិត្តទុកដាក់នៃមន្ទីរពេទ្យសម្ភពមជ្ឈឹម បានបង្ហាញពីសាមគ្គីភាពនិងការត្រៀមខ្លួនដើម្បីចែករំលែកជាមួយប្រជាជនបារាំងក្នុងការប្រយុទ្ធប្រឆាំងនឹងជំងឺរាតត្បាត COVID - 19។

សាស្ត្រាចារ្យរងលោក Tran Danh Cuong បានឲ្យដឹងថា ក្នុងរយៈពេលខាងមុខនេះ មន្ទីរពេទ្យនឹងបន្តអំពាវនាវឱ្យអង្គការនិងបុគ្គលបន្តចូលរួមចំណែកក្នុងកម្មវិធីរបស់សមាគម។

ក្នុងពិធីទទួល តំណាងសមាគមមិត្តភាពសហប្រតិបត្តិការវៀតណាម - បារាំង បានថ្លែងអំណរគុណដល់មន្ទីរពេទ្យសម្ភពមជ្ឈឹម ចំពោះការជួយឧបត្ថម្ភរបស់មន្ទីពេទ្យ ហើយនឹងចែកជូនដល់ក្រុមគ្រូពេទ្យនិងប្រជាជនបារាំងយ៉ាងឆាប់រហ័ស។

មុននេះសមាគមមិត្តភាពនិងសហប្រតិបត្តិការវៀតណាម - បារាំង បានប្រគល់ម៉ាសវេជ្ជសាស្ត្រចំនួន ៥១,០០០ ម៉ាសដល់ប្រជាជនមិត្តបារាំង។

មុននេះសមាគមមិត្តភាពនិងសហប្រតិបត្តិការវៀតណាម - បារាំង បានប្រគល់ម៉ាសវេជ្ជសាស្ត្រចំនួន ៥១,០០០ ម៉ាសដល់ប្រជាជនមិត្តបារាំង។ ចំនួនម៉ាសវេជ្ជសាស្រ្តដែលមានតម្លៃជាង ២០០ លានដុង ដែលបានបរិច្ចាគ ដោយសមាគមអតីតនិស្សិតវៀតណាមនៅប្រទេសបារាំង (UAVF) អង្គការមជ្ឈឹមនិងមូលដ្ឋាន អាជីវកម្មវៀតណាមបានសហការជាមួយប្រទេសបារាំង… បច្ចុប្បន្នសមាគមនៅតែបន្តអំពាវនាវឱ្យមានការគាំទ្របន្ថែមទៀត៕

（ប្រែសម្រូលដោយវិច្ឆិកា）

（ប្រភពព័ត៌មាន: thoidai.com.vn）

（ប្រែសម្រូលដោយវិច្ឆិកា）