នាយឧត្តមសេនីយ៍ នេត សាវឿន ដឹកនាំប្រតិភូនគរបាលកម្ពុជា ចូលរួមសន្និសីទអាស៊ានណាប៉ូល លើកទី៣៩ នៅប្រទេសវៀតណាម

ទិដ្ឋភាពនៃសន្និសីទ (រូបថតៈ FN)

សន្និសីទអាស៊ានណាប៉ូល លើកទី៣៩ ត្រូវបានប្រារព្ធបើកនៅព្រឹកថ្ងៃទី១៨ ខែកញ្ញ ឆ្នាំ២០១៩នេះ ក្រោមអធិបតីភាព លោក To Lam រដ្ឋមន្ត្រីក្រសួងនគរបាល នៃសាធារណរដ្ឋសង្គម និយមវៀតណាម និងមានការចូលរួមពីបណ្តាប្រទេសជាសមាជិក ចំនួន១០, ដៃគូពិភាក្សាចំនួន១០ និងអ្នកសង្កេតការណ៍ចំនួន៦។

កិច្ចប្រជុំនេះក៏បានជ្រើសតាំង លោក Tran Van Ve ជាប្រធានសន្និសីទ និងនាយឧត្តមសេនីយ៍ សន្តិបណ្ឌិត នេត សាវឿន ជាអនុប្រធានសន្និសីទ។

បន្ទាប់ពីបើកសន្និសីទ នាយឧត្តមសេនីយ៍ សន្តិបណ្ឌិត នេត សាវឿន ក្នុងនាមជាអនុប្រធានសន្និសីទ បានចូលរួមកិច្ចប្រជុំពេញអង្គលើកទី១, កិច្ចប្រជុំពិភាក្សាប្រធានប្រតិភូ និងវេទិកាពិភាក្សាប្រធានប្រតិភូជាមួយដៃគូពិភាក្សាផងដែរ៕

(ប្រភព៖ FN)