លើកទឹកចិត្តវិនិយោគិនបរទេសឱ្យមានបណ្តាញចែកចាយទំនិញនិងសេវាកម្មជាសកល

ឧបនាយករដ្ឋមន្ត្រីវៀតណាម លោក Vuong Dinh Hue និងអគ្គនាយកប្រតិបត្តិក្រុមហ៊ុនសេវាកម្មហិរញ្ញវត្ថុ AEON លោក Kenji Kawahara (រូបថត៖ tapchithongtindoingoai.vn)

លោក Kenji Kawahara បានមានប្រសាសន៍ថា ក្រុមហ៊ុន AEON បានចាត់ទុកប្រទេសវៀតណាមជាទីផ្សារវិនិយោគដ៏សំខាន់និងយូរអង្វែងរបស់ក្រុមហ៊ុនសាជីវកម្មនេះនៅទ្វីបអាស៊ី។ ក្រៅពីនោះ ការវិនិយោគនៅក្នុងវិស័យទំនិញប្រើប្រាស់ ក្រុមហ៊ុន AEON ក៏សិក្សាអំពីការវិនិយោគនៅក្នុងទីផ្សារហិរញ្ញវត្ថុរបស់វៀតណាម ដោយបង្កើនតម្លៃអង្គភាពអាជីវកម្មវៀតណាម ភាគីពាក់ព័ន្ធនានានិងអតិថិជនវៀតណាមទៀតផងដែរ។

ឧបនាយករដ្ឋមន្ត្រីលោក Vuong Dinh Hue បានអះអាងថាលោកបានវាយតម្លៃខ្ពស់ចំពោះការសម្រេចចិត្តវិនិយោគរបស់ក្រុមហ៊ុន AEON ក្នុងរយៈពេលកន្លងទៅ ហើយលោកសង្ឃឹមថា ក្រុមហ៊ុន AEON នឹងបន្តពង្រីកការ វិនិយោគជាយូរអង្វែងថែមទៀតនៅក្នុងវិស័យហិរញ្ញវត្ថុនៅវៀតណាម ព្រោះថានេះគឺជាតម្រូវការស្របច្បាប់របស់សហគ្រាស។ លោក Vuong Dinh Hue ក៏បានបញ្ជាក់ទៀតថា រដ្ឋាភិបាលវៀតណាមតែងតែបង្កើតបរិយាកាសធុរកិច្ចយ៉ាងងាយស្រួលសម្រាប់សហគមន៍ធុរកិច្ច ដោយលើកទឹកចិត្តវិនិយោគិនបរទេសឱ្យមានបច្ចេកវិទ្យា បញ្តាញផលិតកម្មនិងចែកចាយទំនិញក៏ដូជជាសេវាកម្មសកល អាចមកដាក់ទុនវិនិយោគក្នុងរយៈពេលវែងនៅវៀតណាម ដែលក្នុងនោះមានក្រុមហ៊ុន AEON ផងដែរ៕

（បកប្រែដោយ ហេង វុធ្ធី）

（បកប្រែដោយ ហេង វុធ្ធី）