នាយករដ្ឋមន្ត្រីវៀតណាម លោក Nguyen Xuan Phuc អញ្ជើញទទួលជួយជាមួយ រដ្ឋមន្ត្រីក្រសួងផែនការនៃព្រះរាជាណាចក្រកម្ពុជា

ទិដ្ឋភាពនៃជំនួប (រូបថតៈ VGP/Nhật Bắc)

នាយករដ្ឋមន្ត្រីក៏បានអបអរសាទរប្រទេសកម្ពុជាចំពោះកំណើនសេដ្ឋកិច្ចដែលទទួលបានក្នុងដំណាក់កាលកន្លងទៅ ដោយសម្រេចបានជាមធ្យមគឺ៧%ក្នុងមួយឆ្នាំ ហើយបានធនាគារអភិវឌ្ឍន៍អាស៊ី ធនាគារពិភពលោក និង IMF វាយតម្លៃថា ឈរលំដាប់ថ្នាក់ទី ៦ នៅក្នុងបណ្តាប្រទេសដែលមានកំណើនខ្ពស់នៃពិភពលោក។ នាយករដ្ឋមន្ត្រីមានសេចក្តីរីករាយដោយឃើញថា ទំនាក់ទំនងមិត្តភាពនិងកិច្ច សហប្រតិបត្តិការលើគ្រប់ជ្រុងជ្រោយរវាងវៀតណាមនិងកម្ពុជាបានធ្វើឱ្យមានការរីកចម្រើនគួរឱ្យកត់សម្គាល់និងកាន់តែស៊ីជម្រៅនិងមានប្រសិទ្ធភាពពីមួយថ្ងៃទៅមួយថ្ងៃ។

ចំណែករដ្ឋមន្ត្រី លោក ឆាយ ថន បានឲ្យដឹងថា ដំណើរទស្សនកិច្ចនៅវៀតណាមលើកនេះរបស់គណៈប្រតិភូ សំដៅបង្កើនថែមទៀត កិច្ចសហប្រតិបត្តិការរវាងក្រសួងផែនការកម្ពុជានិងក្រសួងផែនការនិងវិនិយោគវៀតណាម។

ក្នុងជំនួបនេះ រដ្ឋមន្ត្រី លោក ឆាយ ថន បានសង្កត់ធ្ងន់ថា បក្ស រដ្ឋនិងប្រជាជនកម្ពុជា ចងចាំនិងដឹងគុណជានិច្ច ចំពោះការគាំទ្រនិងជួយឧបត្ថម្ភរបស់បក្ស រដ្ឋ និងប្រជាជនវៀតណាម ក្នុងបុព្វហេតុរំដោះប្រទេសកម្ពុជារួចផុតពីរបបប្រល័យពូជសាសន៍ក៏ដូចជាក្នុងការកសាងនិងអភិវឌ្ឍន៍ប្រទេសកម្ពុជាដូចសពថ្ងៃ។ រដ្ឋមន្ត្រី លោកឆាយថនបានមានប្រសាសន៍ថា កិច្ចពិភាក្សារវាងក្រសួងផែនការកម្ពុជានិងក្រសួងផែនការនិងវិនិយោគវៀតណាមបានទទួលជោគជ័យ។ ឈរលើមូលដ្ឋាននៃភារកិច្ចដែលបាននាយករដ្ឋមន្រ្តីនៃប្រទេសទាំងពីរប្រគល់ជូននោះ ក្រសួងផែនការនៃប្រទេសទាំងពីរក៏បានពិភាក្សាអំពីដំណោះស្រាយជាច្រើនដើម្បីពង្រីកផែនការសហប្រតិបត្តិការរវាងប្រទេសទាំងពីរលើគ្រប់វិស័យ។

លោករដ្ឋមន្រ្តីឆាយថន បានថ្លែងអំណរគុណដល់នាយករដ្ឋមន្ត្រីលោក Nguyen Xuan Phuc និងរដ្ឋាភិបាលវៀតណាមដែលជានិច្ចកាលគាំទ្រ ជួយឧបត្ថម្ភក្រសួងផែនការកម្ពុជាក្នុងការបណ្តុះបណ្តាលនិងលើកកំពស់សមិត្ថភាពប្រភពធនធានមនុស្ស។ លោករដ្ឋមន្រ្តីក៏បានវាយតម្លៃខ្ពស់ចំពោះសមិទ្ធិអភិវឌ្ឍន៍សេដ្ឋកិច្ចសង្គមរបស់វៀតណាមក្នុងគ្រប់វិស័យ។

នាយករដ្ឋមន្ត្រីវៀតណាម លោក Nguyen Xuan Phuc បានវាយតម្លៃខ្ពស់ចំពោះការដែល ក្រសួងទាំងពីរបានកសាងនិងចុះហត្ថលេខាលើកិច្ចព្រមព្រៀង ក្របខ័ណ្ឌមួយដើម្បីភ្ជាប់សេដ្ឋកិច្ចរវាងវៀតណាមនិងកម្ពុជាដល់ឆ្នាំ២០៣០ ព្រមទាំងស្នើឲ្យភាគីទាំងពីរ បង្កើតឲ្យបានឆាប់ៗនូវផែនការមេស្តីពីការតភ្ជាប់សេដ្ឋកិច្ចវៀតណាម - កម្ពុជារហូតដល់ឆ្នាំ ២០៣០ ដូចមានចែងក្នុងកិច្ចព្រមព្រៀងក្របខ័ណ្ឌផងដែរ។ លោកនាយករដ្ឋមន្ត្រីបានវាយតម្លៃខ្ពស់ចំពោះការដែល ក្រសួងទាំងពីរបានចុះហត្ថលេខាលើកិច្ចព្រមព្រៀងក្របខ័ណ្ឌមួយដើម្បីភ្ជាប់សេដ្ឋកិច្ចរវាងវៀតណាមនិងកម្ពុជាដល់ឆ្នាំ២០៣០ ព្រមទាំងស្នើឱ្យភាគីទាំងពីរឆាប់បង្កើតផែនការមេស្តីពីការតភ្ជាប់សេដ្ឋកិច្ចវៀតណាម - កម្ពុជារហូតដល់ឆ្នាំ 2030 ដូចបានចែងក្នុងកិច្ចព្រមព្រៀងក្របខ័ណ្ឌ។

នាយករដ្ឋមន្ត្រីវៀតណាម លោក Nguyen Xuan Phuc បានជឿជាក់ថា ក្រសួងទាំងពីរនឹងបន្តលើកកម្ពស់ប្រពៃណីនៃកិច្ចសហប្រតិបត្តិការ ដើម្បីរួមចំណែកក្នុងការពង្រឹងបន្ថែមទៀតនូវ ទំនាក់ទំនងអ្នកជិតខាងល្អប្រសើរ មិត្តភាពជាប្រពៃណីកិច្ចសហប្រតិបត្តិការលើគ្រប់វិស័យ និងចីរភាពយូរអង្វែង រវាងវៀតណាមនិងកម្ពុជា៕

（សរុបព័ត៌មាន ដោយ ស្រីព្រេជ）

（សរុបព័ត៌មាន ដោយ ស្រីព្រេជ）