គណៈប្រតិភូកងទ័ពប្រជាជនវៀតណាមអញ្ជើញទៅបំពេញទស្សនកិច្ចជាផ្លូវការនៅប្រទេសកម្ពុជានិងឡាវ

ឧត្តមសេនីយ៍ឯក Luong Cuong ប្រធានអគ្គស្នងការនយោបាយកងទ័ព ប្រជាជនវៀតណាម (រូបថត៖ TTXVN)

ទទួលតាមការអញ្ជើញរបស់ ឧត្តមសេនីយ៍ឯក លោក Vilay Lakhamphong អនុរដ្ឋមន្ត្រីក្រសួងការពារជាតិ ប្រធានអគ្គស្នងការនយោបាយកងទ័ពប្រជាជនឡាវ និង នាយឧត្តមសេនីយ៍ លោក នាង ផាត រដ្ឋលេខាធិការក្រសួងការពារជាតិ នៃព្រះរាជាណាចក្រកម្ពុជានោះ គណៈប្រតិភូមន្ត្រីនយោបាយជាន់ខ្ពស់ នៃកងទ័ពប្រជាជនវៀតណាម ដឹកនាំដោយ ឧត្តមសេនីយ៍ឯក លោក Luong Cuong សមាជិកអចិន្ត្រៃយ៍នៃគណៈកម្មាធិការបក្សយោធាមជ្ឈិម និងជាប្រធានអគ្គស្នងការនយោបាយកងទ័ពប្រជាជនវៀតណាម បានអញ្ជើញទៅបំពេញទស្សនកិច្ចនៅសាធារណរដ្ឋប្រជាធិបតេយ្យប្រជាមានិតឡាវ និងព្រះរាជាណាចក្រកម្ពុជា ពីថ្ងៃទី១៨ ដល់ថ្ងៃទី២២ ខែកញ្ញា។

ដំណើរទស្សនកិច្ចលើកនេះ សំដៅផ្លាស់ប្តូរ និងឯកភាពនូវបណ្តាខ្លឹមសារ វិធានការជំរុញកិច្ចសហប្រតិបត្តិការរវាងអគ្គស្នងការនយោបាយកងទ័ពប្រជាជនវៀតណាម ជាមួយអគ្គស្នងការនយោបាយកងទ័ពប្រជាជនឡាវ និងអគ្គនាយកដ្ឋានសេវាទូទៅនៃក្រសួងការពារជាតិកម្ពុជា ដើម្បីរួមចំណែកពង្រឹង និងពង្រីកទំនាក់ទំនងមិត្តភាព កិច្ចសហប្រតិបត្តិការរវាងប្រជាជននិង កងទ័ពប្រជាជនវៀតណាមជាមួយ ប្រជាជននិងកងទ័ពរបស់ប្រទេសទាំងពីរ ឡាវ និងកម្ពុជាផងដែរ៕

（សរុបព័ត៌មាន ដោយ មិញ អាញ់）

（សរុបព័ត៌មាន ដោយ មិញ អាញ់）