ប្រទេសវៀតណាមពោរពាសទៅដោយក្តីស្រឡាញ់និងការចែករំលែក

លោកអនុប្រធានគណៈកម្មាធិការរដ្ឋទទួល បន្ទុកអាណិកជន​វៀតណាម​នៅឯបរទេស Luong Thanh Nghi នៅឯសិក្ខាសាលា​ តាមរយៈបណ្តាញអ៊ីនធើណិត ក្រោមប្រធានបទ “ ការតភ្ជាប់អាណិកជន​វៀតណាម​នៅឯបរទេស ក្នុងការបង្ការនិងប្រយុទ្ធប្រឆាំងនឹង​ការរីករាលដាលនៃជំងឺ Covid-19” ។ (រូបថត៖​ Bao Quoc Te)

សូមលោកនិយាយឲ្យដឹងថា៖ តើគណៈកម្មាធិការ​រដ្ឋទទួល បន្ទុកអាណិកជន​វៀតណាម​នៅឯបរទេស​បាន​យក​ចិត្ត​ទុកដាក់​លើ​​សកម្មភាព​អ្វីខ្លះ?

កាលពីដើមខែកក្កដា គណៈកម្មាធិការ​បានសម្របសម្រួល​ជាមួយវិទ្យុសម្លេងវៀតណាម (VOV) ដើម្បី​រៀបចំសិក្ខាសាលា​មួយ​​តាមប្រព័ន្ធអ៊ីនធើណិតស្តីពី“ ការតភ្ជាប់អាណិកជន​វៀតណាម​នៅឯបរទេស ក្នុងការបង្ការនិងប្រយុទ្ធប្រឆាំងនឹង​ការរីករាលដាលនៃជំងឺ Covid-19” ។

នៅក្នុងសិក្ខាសាលានេះអ្នកតំណាងមកពីទីកន្លែងចំនួន ៩ នៅជុំវិញពិភពលោកបានជូនដំណឹងដល់យើងអំពីស្ថានភាពឆ្លង​មេរោគ Covid-19 នៅក្នុងប្រទេសសាមី ​ការលំបាកក្នុងជីវិត​ដោយសារតែជំងឺរាតត្បាតនេះនិងបទពិសោធន៍បង្ការនិង ប្រឆាំងនឹងការរាតត្បាតជំងឺនេះ ការជួយគ្នាទៅវិញទៅមកនៅ​ក្នុងសហគមន៍​និងរវាងបណ្តាសហគមន៍។

ជាពិសេស អាណិកជនវៀតណាមនៅឯបរទេស បានរំភើបចិត្ត​និងមានមោទនភាពយ៉ាងខ្លាំងដែលប្រទេសវៀតណាមបានទប់ស្កាត់នៃការរីករាលដាលនៃជំងឺ Covid-19 ប្រកបដោយ​ប្រសិទ្ធភាព​ ក៏ដូចជារដ្ឋនិងរដ្ឋាភិបាលមានការយកចិត្តទុកដាក់​យ៉ាងខ្លាំងចំពោះប្រជាជន ផ្អែកទៅលើបាវចនាថា “មិនទុកឲ្យ​នរណា​ម្នាក់ត្រូវបោះបង់ចោលនៅខាងក្រោយឡើយ” ។ ម៉្យាងទៀត អាណិកជនវៀតណាម នៅឯបរទេសជាច្រើននាក់​ នៅតែតំឡើងកម្មវិធី zalo និង viber តាម​លេខទូរស័ព្ទប្រើប្រាស់​នៅ​វៀតណាម ដើម្បីទទួលបានសារប្រចាំថ្ងៃពីរដ្ឋាភិបាល​និងក្រសួងសុខាភិបាល។

បងប្អូនអាណិកជនវៀតណាមជាច្រើនបានចែករំលែកថា អាជ្ញាធរប្រទេសសាមីបានពិគ្រោះយោបល់អំពីបទពិសោធន៍របស់សហគមន៍វៀតណាមក្នុងការប្រយុទ្ធប្រឆាំងនឹងជំងឺនេះ ។ ឧទាហរណ៍នៅក្នុងបណ្តាប្រទេសអ៊ឺរ៉ុបមួយចំនួន ជា​ដំបូង​បានលើកទឹកចិត្តមិនឱ្យពាក់ម៉ាស ប៉ុន្តែតាមរយៈសកម្មភាព​របស់អាណិកជនវៀតណាមនិងព័ត៌មានមកពីប្រទេស ទីកន្លែងជាច្រើនបានអនុវត្តការពាក់ម៉ាស់។

ហើយអ្វីដែលយើងវាយតំលៃខ្ពស់បំផុតនោះគឺស្មារតីនៃការស្រឡាញ់គ្នាទៅវិញទៅមករវាងអាណិកជនវៀតណាមជាមួយប្រជាជននៅក្នុងប្រទេសនិងនៅប្រទេសសាមី។ ជាងពេល​ណាទាំងអស់ យើងបាន​ឃើញ ​ចលនាគាំទ្រនិង​សម្តែង​គុណូបការៈចំពោះមាតុភូមិរបស់យើងដែលមកពីបងប្អូនអាណិកជនវៀតណាមមកពីទូទាំងទ្វីបទាំង ៥ ។

ពិតជារំជួលចិត្តណាស់ នៅពេលមើលឃើញអាណិកជន​វៀតណាម​ដេរម៉ាស់ ចំអិនម្ហូប​និងយកទៅមន្ទីរពេទ្យ​ ដើម្បី​ជូនដល់គ្រូពេទ្យ​និងមន្ត្រីពេទ្យនៅប្រទេសសាមី។ តាមរយៈជំងឺ​រាតត្បាតនេះ​សហគមន៍អាណិកជនវៀតណាម​នៅឯបរទេស​ចំនួន​ ៥,៣ លាននាក់ដែលបានចូលរួមលើកស្ទួយ​កិត្យានុភាព​របស់វៀតណាម។ គេអាចមើលឃើញរូបភាពនៃប្រទេសវៀតណាមដែលពោរពេសទៅដោយក្តីស្រឡាញ់និងការចែករំលែក បង្កើតចំណាប់​អារម្មណ៍​​នៅទូទាំង​ពិភពលោក។

តើវេទិកាតាមរយៈអ៊ីនធើណិត "កិច្ចព្រមព្រៀង​ពាណិជ្ជកម្ម​សេរីអឺរ៉ុប - វៀតណាម (EVFTA) គឺជាមធ្យោបាយអំណោយផល - ផ្លូវលំបាក" ដែលបានធ្វើឡើងនាពេលថ្មីៗនេះដែរឬទេ?

នេះជាវេទិកាដែលយើងបន្តសម្របសម្រួលជាមួយវិទ្យុសម្លេងវៀតណាម (VOV )​និង​សម្ព័ន្ធ​សមាគមសហគ្រាស​វៀតណាម​នៅអឺរ៉ុប ដោយមានគោលបំណង​ជំរុញការតភ្ជាប់​ប្រកបដោយ​ចីរភាពនិងជិតស្និទ្ធរវាងសហគ្រាសក្នុងស្រុកនិងប្រព័ន្ធធុរកិច្ច។ ដែលជាអ្នកចែកចាយនៃសហគមន៍ជនជាតិវៀតណាមនៅអឺរ៉ុប។

កម្មវិធីនេះបានប្រព្រឹត្តទៅដោយជោគជ័យនៅរដ្ឋធានី Ha Noi ខេត្ត Binh Phuoc និងទីក្រុង Ho Chi Minh ហើយទីកន្លែងចំនួន ១៥ ទៀត នៅអឺរ៉ុបនិងជុំវិញពិភពលោក។ ការតភ្ជាប់ដោយផ្ទាល់នូវអាជីវកម្មក្នុងស្រុកជាមួយមណ្ឌលពាណិជ្ជកម្មវៀតណាមទូទាំងទ្វីបអឺរ៉ុបនឹងរួមចំណែកក្នុងការនាំចេញទំនិញវៀតណាមទៅកាន់ទីផ្សារនេះឱ្យលឿនបំផុត ដោយ​ឈរ​លើមូលដ្ឋាននៃខ្លឹមសារដែលបានចុះហត្ថលេខានៃ EVFTA ។

ក្នុងស្ថានភាពរាតត្បាតដ៏ស្មុគស្មាញនៃជំងឺ Covid-19 នាពេល បច្ចុប្បន្ន តើគណៈកម្មាធិការរដ្ឋទទួលបន្ទុកអាណិកជន​វៀតណាម​នៅឯបរទេស សម្របសម្រួលជាមួយស្ថាប័ន និងអង្គការក្នុងការជួយអាណិកជនវៀតណាមនៅឯបរទេសយ៉ាងដូចម្តេច?

យើងនៅតែសហការយ៉ាងជិតស្និទ្ធជាមួយនាយកដ្ឋានកុងស៊ុល (ក្រសួងការបរទេស) ក្នុងការសម្របសម្រួល​ការផ្តល់ព័ត៌មាន​ក៏ដូចជាការបញ្ជូនពលរដ្ឋត្រឡប់ទៅស្រុកកំណើតវិញ។ រួមជាមួយស្ថានបេសកម្មតំណាងវៀតណាមនៅក្រៅប្រទេស គណៈកម្មាធិការរដ្ឋទទួលបន្ទុកអាណិកជន​វៀតណាម​នៅឯបរទេសបាន​កៀរគរ​សហគ្រាសជាច្រើន​ ដើម្បី​គាំទ្រ​ដល់ការប្រគល់ម៉ាស់ បរិក្ខារពេទ្យ​ ដែល​ជូនដល់​ស្ថានបេសកម្ម​តំណាង សំដៅ​ប្រគល់ជូនដល់​អាណិកជនវៀតណាមនៅ​ឯបរទេស ក៏ដូចជាការរួមផ្សំជាមួយ​នឹង​ក្រុមហ៊ុនអាកាសចរ​ដែលរៀបចំជើងហោះហើរ ដើម្បីបញ្ជូនអាណិកជន​វៀតណាម​ទៅ​កាន់វៀតណាម។

គណៈកម្មការនេះក៏បង្កើតបណ្តាញទំនាក់ទំនងផ្ទាល់ខ្លួនជាមួយសមាគមនិងបុគ្គល នៅឯបរទេសផងដែរ។ ដូច្នេះស្ថានភាព​នៃការរីករាលដាលនៃជំងឺនេះបច្ចុប្បន្ន ក៏ដូចចជាជីវភាពរស់​ខាង​ស្មារតីរបស់​បងប្អូនអាណិកជនវៀតណាម​ យើង​​បាន​ដឹង​យ៉ាងច្បាស់លាស់។ អ្វីដែលយើងអាចធ្វើបាន​ដើម្បីគាំទ្រ​ប្រជាជន យើង​​បាន​ធ្វើអស់ពីកម្លាំងកាយចិត្ត​។

នៅបច្ចុប្បន្ននេះ មានអាណិកជនវៀតណាម​ជាច្រើនដែល​មាន​បំណង​វិលត្រឡប់ទៅប្រទេសវៀតណាម​វិញ​ ប៉ុន្តែគេមិនទាន់​មាន​លក្ខខណ្ឌនៅឡើយ។ តើលោក​មានអ្វីដែល​ និយាយ​ជាមួយ​បងប្អូន​អាណិកជនវៀតណាមទេ?

ដំបូង យើងសង្ឃឹមថា​បងប្អូនអាណិកជននឹងធ្វើបច្ចុប្បន្នភាព​ឱ្យបានទៀងទាត់ ក៏ដូចជាអនុវត្តវិធានការ​បង្ការនិង​ប្រយុទ្ធ​ប្រឆាំងនឹងជំងឺនេះ នៅប្រទេសសាមី។ ​ បើវិលត្រឡប់ទៅស្រុក​កំណើតវិញ អាណិកជន​វៀតណាមត្រូវគោរពយ៉ាងតឹងរឹង​នូវវិធានការប្រឆាំងនឹងការរីករាលដាល ដូចជាការ​អនុវត្តវិធានការដាក់ឲ្យនៅដាច់ដោយឡែក ពាក់ម៉ាស់​... នេះជាពេលវេលាដែលបងប្អូនអាណិកជនវៀតណាមត្រូវគិតគូរយ៉ាងហ្មត់ចត់ថា​តើត្រូវវិលត្រឡប់ទៅវិញឬអត់ទៅ​ ដើម្បី​ធានាសុវត្ថិភាពរបស់បងប្អូនអាណិកជនវៀតណាមនិងក្រុមគ្រួសារនិងសហគមន៍។ ជាការពិត ប្រទេសនឹង““មិនទុកឲ្យ​នរណា​ម្នាក់ត្រូវបោះបង់ចោលនៅខាងក្រោយឡើយ” ទោះបី​យើង​ត្រូវផ្អែកលើស្ថានភាពជាក់ស្តែងនៅក្នុងប្រទេសនិងលក្ខខណ្ឌក្នុងស្រុក ក៏ដោយ។

យើងសូមកោតសរសើរនិងមានមោទនភាពចំពោះអាណិកជនវៀតណាមដែលមានទឹកចិត្តជានិច្ចឆ្ពោះទៅស្រុកកំណើត និង​ប្រជាជន ​រដ្ឋាភិបាលនៃប្រទេសសាមី./

（បកប្រែដោយឌីណា）

（បកប្រែដោយឌីណា）