យុគសម័យ - នាថ្ងៃទី ១៦ ខែតុលានៅទីក្រុងហាណូយប្រធានសម្ព័ន្ធអង្គការមិត្តភាពវៀតណាម (VUFO) លោកស្រី Nguyen Phuong Nga ទទួលជួបឯកអគ្គរដ្ឋទូតអារ៉ាប់រួម UAE ឯកអគ្គរដ្ឋទូតវិសាមញ្ញនិងពេញសមត្ថភាពប្រចាំនៅវៀតណាមលោក Obaid Saeed Al Dhaheri ។
ប្រធានសម្ព័ន្ធអង្គការមិត្តភាពវៀតណាម (VUFO) លោកស្រី Nguyen Phuong Nga ទទួលជួបឯកអគ្គរដ្ឋទូតអារ៉ាប់រួម UAE ឯកអគ្គរដ្ឋទូតវិសាមញ្ញនិងពេញសមត្ថភាពប្រចាំនៅវៀតណាមលោក Obaid Saeed Al Dhaheri ។
នៅក្នុងជំនួបនេះ លោកឯកអគ្គរដ្ឋទូត Obaid Saeed Al Dhaheri បានវាយតម្លៃខ្ពស់ចំពោះតួនាទីរបស់សម្ព័ន្ធសមាគមមិត្តភាពក្នុងការលើកកម្ពស់ទំនាក់ទំនងនិងកិច្ចសហប្រតិបត្តិការជាមិត្តជាមួយប្រជាជននៃប្រទេសដទៃទៀត។ លោកឯកអគ្គរដ្ឋទូតបានបញ្ជាក់ថាក្នុងរយៈពេលខាងមុខនេះលោកនឹងសម្របសម្រួលយ៉ាងជិតស្និទ្ធជាមួយសម្ព័ន្ធសមាគមមិត្តភាពវៀតណាមក្នុងសកម្មភាពនានាដើម្បីជំរុញការផ្លាស់ប្តូរនិងកិច្ចសហប្រតិបត្តិការរវាងប្រជាជននិងប្រជាជននៃប្រទេសទាំងពីរនាពេលខាងមុខនេះ។
ចំណែកលោកស្រី Nguyen Phuong Nga ប្រធាន VUFO បានថ្លែងអំណរគុណយ៉ាងជ្រាលជ្រៅចំពោះឯកអគ្គរដ្ឋទូតនិងប្រជាជន UAE ប្រចាំនៅវៀតណាម។ ទន្ទឹមនឹងនេះ ប្រធាន VUFO បានវាយតម្លៃខ្ពស់ចំពោះសមិទ្ធិផលនៃការអភិវឌ្ឍសេដ្ឋកិច្ចសង្គមរបស់អារ៉ាប់រួម និងបានបញ្ជាក់ថាប្រជាជនវៀតណាមតែងតែយកចិត្តទុកដាក់និងគាំទ្រដល់ប្រជាជន UAE ។
ភាគីទាំងពីរបានបញ្ជាក់ពីសុច្ឆន្ទៈក្នុងកិច្ចសហប្រតិបត្តិការនិងការប្តេជ្ញាចិត្តរបស់ខ្លួនក្នុងការចូលរួមចំណែកក្នុងការពង្រឹងនិងផ្លាស់ប្តូរទំនាក់ទំនងរវាងប្រជាជននិងប្រជាជននៃប្រទេសទាំងពីរនាពេលខាងមុខនេះ៕
（បកប្រែដោយ ហេង វុធ្ធី）
（ប្រភពព័ត៌មាន: thoidai.com.vn）
មតិពីមិត្តអ្នកអាន