លោក Tran Tuan Anh រដ្ឋមន្រ្តីក្រសួងឧស្សាហកម្ម និងពាណិជ្ជកម្មវៀតណាមបានជួបពិភាក្សាការងារជាមួយរដ្ឋលេខាធិការទទួលបន្ទុកគោលនយោបាយពាណិជ្ជកម្មអង់គ្លេស លោក Greg Hands ។
លោករដ្ឋមន្ត្រី Tran Tuan Anh និងរដ្ឋលេខាធិការទទួលបន្ទុកគោលនយោបាយពាណិជ្ជកម្មអង់គ្លេស លោក Greg Hands
នៅក្នុងជំនួបនេះ លោករដ្ឋមន្រ្តី Tran Tuan Anh បានស្វាគមន៍លោករដ្ឋលេខាធិការ Greg Hands ដែលបានអញ្ជើញមកបំពេញទស្សនកិច្ចនៅប្រទេសវៀតណាមក្នុងឱកាសរំលឹកខួបលើកទី ១០ ឆ្នាំនៃការបង្កើតទំនាក់ទំនងភាពជាដៃគូយុទ្ធសាស្ត្រ និងអះអាងថា វៀតណាមតែងតែចាត់ទុកចក្រភពអង់គ្លេសជាដៃគួចម្បងនៅអឺរ៉ុប និងនៅលើពិភពលោក។
ភាគីទាំងពីរបានពិភាក្សាអំពីលទ្ធផលនៃកិច្ចសហប្រតិបត្តិការនាពេលថ្មីៗនេះនៅវេទិកាក្នុងតំបន់ និងពហុភាគី ហើយបានឯកភាពលើគោលនយោបាយជំរុញកិច្ចសហប្រតិបត្តិការនាពេលខាងមុខ ជាពិសេសក្រោយការរីករាលដាលជំងឺ Covid-១៩ ។
ទាក់ទងនឹងការចរចាស្តីពីការរក្សាទំនាក់ទំនងពាណិជ្ជកម្មជាមួយចក្រភពអង់គ្លេសបន្ទាប់ពីចក្រភពអង់គ្លេសចាកចេញពីសហភាពអឺរ៉ុប (Brexit) ភាគីទាំងពីរបានឯកភាពគ្នាជំរុញការចរចារ ការចុះហត្ថលេខា និងការអនុវត្តកិច្ចព្រមព្រៀងពាណិជ្ជកម្មវៀតណាម - ចក្រភពអង់គ្លេស នាពេលឆាប់ៗនេះ ដើម្បីចាប់យកឱកាសសម្រាប់កិច្ចសហប្រតិបត្តិការ និងជួយគាំទ្រប្រទេសទាំងពីរក្នុងការស្តារកំណើនសេដ្ឋកិច្ចឡើងវិញបន្ទាប់ពីការរីករាលដាលនៃជំងឺ Covid-19៕
（ប្រភពព័ត៌មាន: kh.qdnd.vn）
មតិពីមិត្តអ្នកអាន