ប្រទេសអាល្លឺម៉ង់ជូយគាំទ្រកម្មករដែលធ្វើការនៅក្នុងឧស្សាហកម្មកាត់ដេរនិងវាយនភ័ណ្ឌកំពុងជួបការលំបាក ដោយសារជំងឺ COVID-19

ខ្សែសង្វាក់ផលិតកម្មសម្លៀកបំពាក់ នៅ​ក្រុមហ៊ុន​ Hana Kovi Viet Nam (Bac Giang)។ (រូបថត៖៖ ទីភ្នាក់ងារសារព័ត៌មានវៀតណាម)

ក្នុងក្របខ័ណ្ឌនៃកម្មវិធីផ្តល់ថវិការជួយគាំទ្របន្ទាន់ ដោយ​ជំងឺ COVID-19 របស់​ BMZ ដើម្បីពង្រឹង​ប្រព័ន្ធហេដ្ឋារចនាសម្ព័ន្ធ​សុខភិបាល កែលម្អលក្ខខណ្ឌសុវត្ថិភាពស្បៀងអាហារ​និង​លើកកម្ពស់វិធានការណ៍សមានការងារ នៅក្នុងប្រទេស​ដែល​កំពុងអភិវឌ្ឍន៍។ ដោយមានការឯកភាព​ពីក្រសួងការងារ​និងសង្គមកិច្ចនៃសហព័ន្ធអាល្លឺម៉ង់ (BMAS) អង្គការពលកម្ម​អន្តរជាតិ (ILO) ត្រូវបានអនុញ្ញាតឱ្យ​អនុវត្តផែនការ ​ដើម្បី​ជួយធ្វើឱ្យឧស្សាហកម្មវាយនភ័ណ្ឌនិងសម្លៀកបំពាក់មានស្ថេរភាពដែលមានសារៈសំខាន់សម្រាប់ខឿនសេដ្ឋកិច្ចរបស់ប្រទេសទាំង ៧ ដែលទទួលរងឥទ្ធិពលពីការរីករាលដាល​នៃជំងឺ​ COVID-19 ដែល​បាន​លើកឡើងខាងលើ​ ក៏ដូចជាចាត់វិធានការ​ដើម្បីជួយកម្មករ និយោជិត អោយទទួលបានការការពារល្អ​ប្រសើរ​ជាង ចំពោះការរីករាលដាលដ៏គ្រោះថ្នាក់នេះ។

យោងតាមលោករដ្ឋមន្រ្តីក្រសួង BMZ Gerd Müller បានឱ្យ​ដឹងថា ជំងឺ COVID-19 កំពុងមានផលប៉ះពាល់យ៉ាងធ្ងន់ធ្ងរ​ជាពិសេសនៅក្នុងប្រទេសក្រីក្រ។ ខ្សែសង្វាក់ផ្គត់ផ្គង់សកល​ត្រូវបានខូចខាត កិច្ចសន្យាត្រូវបានលុបចោល ​ហើយ​មនុស្សរាប់លាននាក់បាត់បង់ការងារដែលក្នុងនោះឧស្សាហកម្ម កាត់ដេរនិងវាយនភ័ណ្ឌត្រូវបានទទួលរងគ្រោះ។ លើសពីនេះទៀត រោងចក្រជាច្រើន​ ខ្វះការការពារ​សម្រាប់​កម្មករ​​ប្រឆាំងនឹងហានិភ័យនៃការឆ្លងជំងឺរាតត្បាត។ ពី​ការពិត​នេះ​រដ្ឋាភិបាលអាល្លឺម៉ង់នឹងផ្តល់ថវិកាចំនួន ១៤,៥ លានអឺរ៉ូ ដើម្បីជួយដល់ប្រទេសចំនួន ៧ ដែលកំពុង​ជួបការ​លំបាក​​ដោយសារជំងឺរាតត្បាត​ ដើម្បី​ជួយធ្វើឱ្យឧស្សាហកម្មកាត់​ដេរនិងវាយនភ័ណ្ឌមានស្ថេរភាព នៅក្នុងប្រទេសទាំងនេះ​តាមរយៈគាំទ្រប្រជាជនប្រមាណ ២ លាននាក់ដែលជា កម្មករកំពុងធ្វើការនៅក្នុងវិស័យកាត់ដេរនិងវាយនភ័ណ្ឌ។ ជាមួយនឹងគម្រោងគាំទ្រនេះអ្នកម្តាយនិងជាពិសេសកម្មករដែលកំពុងប្រឈមនឹងការលំបាកដែលនឹងទទួលបានប្រាក់ឧបត្ថម្ភមួយដង។ ក្រៅពីនេះអាល្លឺម៉ង់​ក៏នឹងគាំទ្រដល់ការពង្រីកការងារ​ធ្វើតេស្ត​ ដើម្បីការពារសុខភាពកម្មករផងដែរ។

គម្រោងខាងលើត្រូវបានអនុវត្តនៅ ៧ ប្រទេស​ក្នុងទ្វីបអាស៊ី​និងអាហ្វ្រិក​ដែលជាផ្នែកមួយនៃកម្មវិធី “ ការការពារកម្មករ​កាត់ដេរនិងវាយនភណ្ឌ៖ គាំទ្រដល់សុវត្ថិភាពការងារ​សុខភាពនិងប្រាក់ចំណូល ដើម្បីឆ្លើយតបនឹងការរីករាលដាល​នៃ​ជំងឺ​ រា COVID-19" របស់អង្គការILO ./.