ប្រទេសវៀតណាមនឹង “បើកជើងហោះហើរអន្តរជាតិឡើងវិញ” ចំនួន ៦ ជើង ដោយទទួលភ្ញៀវទេសចរចំនួន ៥០០០ នាក់ ក្នុងមួយសប្តាហ៍

ប្រទេសវៀតណាមនឹង“ បើកជើងហោះហើរអន្តរជាតិឡើងវិញ” ចំនួន ៦ ជើង ។ (រូបថត៖ Dan Tri)

ក្រោមការដឹកនាំរបស់លោកនាយករដ្ឋមន្រ្តីស្តីពី "ដោះស្រាយបញ្ហា បើកផ្លូវហោះហើរពាណិជ្ជកម្មឡើងវិញរវាងវៀតណាមនិងប្រទេសជប៉ុន ប្រទេសកូរ៉េខាងត្បូង​និងកន្លែងមួយចំនួនផ្សេងៗទៀត​ដែលមានអត្រា​សុវត្ថិភាពខ្ពស់" នាយកដ្ឋានអាកាសចរណ៍ស៊ីវិល​វៀតណាមបានបញ្ចប់គម្រោងបើកឡើងវិញជើងហោះហើរអន្តរជាតិចំនួន ៦ ដើម្បីជម្រាបជូនក្រសួងដឹកជញ្ជូន។

សម្រាប់ជើងហោះហើររវាងប្រទេសវៀតណាម -ខេត្ត Goungzhou​នៃប្រទេស​ចិន៖ " នាយកដ្ឋានអាកាសចរណ៍ស៊ីវិល​នៃប្រទេស​វៀតណាម​ស្នើឱ្យបើកជើងហោះហើរទីក្រុង Ho Chi Minh - ខេត្ត Goungzhou ឡើងវិញ ដោយមានការហោះហើរ ១ ដង ក្នុងមួយសប្តាហ៍ / សម្រាប់ភាគីនីមួយៗ ដែលក្នុងនោះ ប្រទេសវៀតណាមចាត់ ក្រុមហ៊ុនអាកាសចរណ៍Vietnam Airlines/Pacific Airlines ធ្វើប្រតិបតិ្តការយ៉ាងបត់បែន ដោយយន្តហោះ B787 (រួមមាន៣៤៣ កៅអី) ។

ភាគីចិនចាត់ក្រុមហ៊ុនអាកាសចរណ៍ ១ ដើម្បី​ប្រតិបត្តិការ​ជើង​ហោះហើរនេះ​ ​ដោយប្រើប្រាស់យន្តហោះ A320 ដែលមានកៅអី​អតិបរមា ២០០ ។ នេះមានន័យថា​ចំនួនភ្ញៀវ​ត្រូវដាក់ឲ្យនៅដាច់​ដោយឡែកពីគេ នៅទីក្រុង Ho Chi Minh មានចំនួនអតិបរមាភ្ញៀវ ៥៤០ នាក់ / ក្នុងមួយសប្តាហ៍។

ជើងហោះហើយវៀតណាមទៅកាន់ Taibei (កោះតៃវ៉ាន់) ក៏នឹងចាត់​ឲ្យ​ក្រុមហ៊ុនអាកាសចរណ៍ Vietnam Airlines/Pacific Airlines ធ្វើដំណើរពីទីក្រុង Ho Chi Minh ដោយយន្ដហោះ B787 និងក្រុមហ៊ុនអាកាសចរណ៍ Vietjet ធ្វើដំណើរពី​រដ្ឋធានី Ha Noi ដោយយន្តហោះ A320 ។ តាមគេរំពឹង ចំនួនភ្ញៀវទេសចរដែលអនុវត្តការដាច់​នៅដាច់ដោយឡែក​ពីគេ​ នៅរដ្ឋធានី Ha Noi មានចំនួន ៦២០ នាក់ក្នុងមួយសប្តាហ៍។ នៅទីក្រុ​ង Ho Chi Minh មានភ្ញៀវ ៧០០ នាក់ ក្នុងមួយសប្តាហ៍។

សម្រាប់ជើងហោះហើរវៀតណាម - ប្រទេសជប៉ុន ក្នុងលក្ខខណ្ឌ​ដែលតំរូវការតភ្ជាប់ប្រទេសជប៉ុនជាមួយទីកន្លែងទាំងពីរ ៖​រដ្ឋធានី​ Ha Noi ទីក្រុ​ង Ho Chi Minh​ ដែលគឺស្រដៀងគ្នានេះ​ដែរ​ នាយកដ្ឋាន​អាកាសចរណ៍ស៊ីវិលវៀតណាមស្នើបើកជើងហោះ​ហើរ រដ្ឋធានី​ Ha Noi - ទីក្រុង Tokyo ឡើងវិញ​ ដោយការហោះហើរមួយដងក្នុងមួយសប្តាហ៍ សម្រាប់ភាគីនិមួយ។ ជើងហោះហើរទីក្រុង Ho Chi Minh - ទីក្រុង Tokyo នឹងបើកឡើងវិញ ដោយការហោះហើរមួយដង ក្នុងមួយសប្តាហ៍ សម្រាប់​ភាគី​នីមួយៗ។

ភាគីវៀតណាមបានចាត់ក្រុមហ៊ុនអាកាសចរណ៍ Vietnam Airlines/Pacific Airlines សម្របសម្រួលយ៉ាង​បត់បែន​ជើងហោះហើររដ្ឋធានី Ha Noi - ទីក្រុង Tokyo ដោយយន្តហោះ​ B787 (មានកៅអី ៣៤៣ ) នារៀងរាល់ថ្ងៃអង្គារ។ ក្រុមហ៊ុនអាកាសចរណ៍ Vietjet Air បើកជើងហោះហើរទីក្រុង Ho Chi Minh - ទីក្រុង ដោយយន្តហោះ A321 (មាន២៤០ កៅអី)នា រៀងរាល់ថ្ងៃអង្គារ។ ដូច្នេះ ចំនួនអតិបរិមាភ្ញៀវ​ត្រូវអនុវត្តវិធានការ​ដាក់ឲ្យនៅដាច់ដោយ​ឡែកពីគេ នៅ​រដ្ឋធានី​ Ha Noi និងទីក្រុង Ho Chi Minh ចំនួន ៥៦០ នាក់ ក្នុងមួយ​សប្តាហ៍។

សម្រាប់ជើងហោះហើរប្រទេសកូរ៉េខាងត្បូង​នាយកដ្ឋានអាកាសចរណ៍​ស៊ីវិលវៀតណាមបានស្នើក្រុមហ៊ុនអាកាសចរណ៍ Vietnam Airlines/​Pacific Airlines បើកឡើងវិញជើងហោះហើរ រដ្ឋធានី Ha Noi - រដ្ឋធានី Seoul ដោយការហោះហើរមួយ​ដង​ក្នុងមួយសប្តាហ៍ និងប្រើប្រាស់​យន្តហោះ B787 ។ ក្រុមហ៊ុនអាកាសចរណ៍ Vietjet បើកឡើងវិញជើងហោះហើរ ទីក្រុង Ho Chi Minh - រដ្ឋធានី Seoul ដោយយន្តហោះ A321 ។ ចំនួន​ភ្ញៀវ​អតិបរិមាត្រូវអនុវត្តវិធានការដាក់ឲ្យនៅដាច់ពីគេ នៅរដ្ឋធានី​ Ha Noi និងទីក្រុង Ho Chi Minh គឺ ៦៥០ នាក់ក្នុងមួយសប្តាហ៍។

សម្រាប់ជើងហោះហើរឡាវនិងកម្ពុជា​ នាយកដ្ឋានអាកាសចរណ៍​ស៊ី ស្នើឱ្យបើកជើងហោះហើរឡើងវិញ មួយដងក្នុងមួយសប្តាហ៍ ដែលចាត់ ដោយក្រុមហ៊ុនអាកាសចរណ៍ Vientam Airlines។ លោកនាយករដ្ឋមន្រ្តី Nguyen Xuan Phuc បានស្នើឱ្យបណ្តាតំបន់​នានារៀបចំកន្លែងដាក់ឲ្យនៅដាច់ដោយឡែក ដើម្បីឆ្លើយតបនឹង​តម្រូវ​ការ​របស់​ជនអន្តោប្រវេសន៍ដែល​មិន​រើសអើង​ពីជនបរទេស​និងជនជាតិវៀតណាម។

លោកនាយករដ្ឋមន្រ្តីក៏បានឯកភាពពង្រីកការដាក់ឲ្យនៅដាច់ដោយឡែក តាមកន្លែងស្នាក់នៅ​ដោយគិតថ្លៃនិ​ង​បានចាត់ឱ្យក្រសួងនគរបាល​អាជ្ញាធរមូលដ្ឋាន ជាពិសេសវិស័យ​សុខាភិបាលតាមដាន​ ឃ្លាំមើល​ការដាក់ឲ្យនៅដាច់ដោយឡែក នៅតាមមូលដ្ឋាន​ ទីស្នាក់នៅ​ ដើម្បី ធានានូវតម្រូវការការពារនឹងការរាលដាល./.

（បកប្រែដោយឌីណា）

（បកប្រែដោយឌីណា）