នាយករដ្ឋមន្រ្តីវៀតណាមចង់វិស័យការទូតបំពេញបេសកកម្មនយោបាយចំនួន ៥ ឱ្យបានល្អ

អញ្ជើញចូលរួមពិធីនេះមាននាយករដ្ឋមន្រ្តីវៀតណាមលោក Nguyen Xuan Phuc, អនុប្រធានរដ្ឋលោកជំទាវ Dang Thi Ngoc Thinh, ឧបនាយករដ្ឋមន្រ្តី រដ្ឋមន្រ្តីក្រសួងការបរទេសលោក Pham Binh Minh រួមជាមួយគ្រប់ថ្នាក់ដឹកនាំនៃក្រសួង មន្ទីរ ស្ថាប័ន សាខាកណ្តាល និងអតីតថ្នាក់ដឹកនាំក្រសួងការបរទេសឆ្លងកាត់សម័យកាល។

ម្ចាស់ការជំរុញស្មារតីច្នៃប្រឌិតថ្មី

ថ្លែងមតិនៅព្រឹត្តិការណ៍នេះ ឧបនាយករដ្ឋមន្ត្រីលោក Pham Binh Minh បានសង្កត់ធ្ងន់ថា ក្នុងរយៈពេល ៧៥ ឆ្នាំនៃការរីកចម្រើននិងចាស់ទុំ ក្រោមការដឹកនាំរបស់បក្សនិងការណែនាំដោយផ្ទាល់របស់លោកប្រធានហូជីមិញដែលជារដ្ឋមន្រ្តីក្រសួងការបរទេសដំបូង វិស័យការទូតវៀតណាមតែងតែរួមដំណើរជាមួយប្រទេសជាតិ បម្រើមាតុភូមិ បម្រើប្រជាជន និងរួមចំណែកយ៉ាងសំខាន់ដល់ជ័យជំនះដ៏រុងរឿងក្នុងប្រវត្តិសាស្ត្រខ្ពង់ខ្ពស់របស់ប្រទេសជាតិ។

វិស័យការទូតបានរួមវិភាគទានដ៏សំខាន់ក្នុងការនាំបដិវត្តវៀតណាមជំនះការលំបាកជាច្រើននិងបានបោះពុម្ភសញ្ញាសំគាល់របស់ខ្លួនលើគ្រប់ដំណាក់កាលរបស់ប្រទេស ចាប់ពីការរួមចំណែកដល់ជ័យជំនះនិងការថែរក្សាឯករាជ្យរបស់ប្រទេសក្នុងសម័យកាលដំបូងរបស់រដ្ឋអំណាចបដិវត្ត ដល់ការតស៊ូជោគជ័យប្រឆាំងនឹងអាណានិគមនិយម ចក្រពត្តិនិយម រំដោះភាគខាងត្បូងវៀតណាម និងបង្រួបបង្រួមប្រទេស ហើយដល់បុព្វហេតុកសាងនិងការពារប្រទេសសព្វថ្ងៃនេះ។

យោងតាមឧបនាយករដ្ឋមន្រ្តីលោក Pham Binh Minh បានឱ្យដឹងថា នៅក្នុងរយៈពេលនៃការប្តូរថ្មីនិងការធ្វើសមាហរណកម្មអន្តរជាតិយ៉ាងទូលំទូលាយ ភារកិច្ចកិច្ចការបរទេសគឺបន្តបង្កើតបរិយាកាសនិងលក្ខខណ្ឌអន្តរជាតិអំណោយផលដើម្បីជំរុញការអភិវឌ្ឍន៍សេដ្ឋកិច្ច - សង្គម ឧស្សាហូបនីយកម្ម និងទំនើបកម្មប្រទេស កសាងនិងការពារមាតុភូមិ ព្រមទាំងរួមចំណែកយ៉ាងសកម្មក្នុងការតស៊ូរួមគ្នារបស់ប្រជាជនពិភពលោកដើម្បីសន្តិភាព ឯករាជ្យជាតិ ប្រជាធិបតេយ្យនិងវឌ្ឍនភាពសង្គម។

ឧបនាយករដ្ឋមន្រ្តីលោក Pham Binh Minh បានសង្កត់ធ្ងន់ថា “វិស័យការទូតបានដើរតួនាទីយ៉ាងសំខាន់ក្នុងការពង្រីកនិងបង្កើតទំនាក់ទំនងការបរទេសរបស់យើងជាមួយបណ្ដាប្រទេសដទៃទៀត។ រហូតមកដល់បច្ចុប្បន្ននេះ វៀតណាមបានបង្កើតទំនាក់ទំនងការទូតជាមួយប្រទេសជាសមាជិកអង្គការសហប្រជាជាតិចំនួន ១៨៩/១៩៣ ប្រទេស។ ទន្ទឹមនឹងនេះដែរ បានបង្កើតក្របខ័ណ្ឌទំនាក់ទំនងមានស្ថេរភាពនិងយូរអង្វែងជាមួយដៃគូយុទ្ធសាស្ត្រនិងទូលំទូលាយចំនួន ៣០ ដោយបង្កើតជាមូលដ្ឋានរឹងមាំសដើម្បីវៀតណាមនិងបណ្តាប្រទេសដទៃទៀតបង្កើនកិច្ចសហប្រតិបត្តិការដើម្បីផលប្រយោជន៍នៃប្រទេសនីមួយៗនិងដើម្បីសន្តិភាព កិច្ចសហប្រតិបត្តិការនិងអភិវឌ្ឍនៅក្នុងតំបន់និងលើពិភពលោក។”

លោកឧបនាយករដ្ឋមន្រ្តីបានអះអាងថា វិស័យការទូតបានខឹតខំប្រឹងប្រែងអនុវត្តទិសដៅយុទ្ធសាស្ត្រវិជ្ជមាននិងម្ចាស់ការធ្វើសមាហរណកម្មអន្តរជាតិ។ វិស័យការទូតពហុភាគីបានចាស់ទុំយ៉ាងខ្លាំងនិងទទួលបានសមិទ្ធិផលសំខាន់ៗ ព្រមជាមួយគ្នានេះបានបញ្ជាក់យ៉ាងច្បាស់ថា វៀតណាមជាសមាជិកមានការទទួលខុសត្រូវរបស់សហគមន៍អន្តរជាតិ។ វិស័យការទូតរួមជាមួយវិស័យការពារប្រទេសនិងសន្តិសុខបានរួមចំណែកប្រកបដោយប្រសិទ្ធិភាពក្នុងការការពារអធិបតេយ្យភាពនិងបូរណភាពទឹកដីរបស់មាតុភូមិ។

ពិភពលោកកំពុងត្រៀមចូលក្នុងទសវត្សរ៍ទី ៣ នៃសតវត្សរ៍ទី ២១ ដោយមានការផ្លាស់ប្តូរយ៉ាងជ្រាលជ្រៅនិងឆាប់រហ័សដែលមិនអាចទាយទុកជាមុនបាន ប៉ុន្តែសន្តិភាព កិច្ចសហប្រតិបត្តិការ និងការអភិវឌ្ឍន៍នៅតែជាសេចក្តីប្រាថ្នារបស់ប្រជាជាតិទាំងអស់នៅលើពិភពលោកផងដែរ។

ទោះយ៉ាងណាក៏ដោយ ពិភពលោកកំពុងប្រឈមមុខនឹងបញ្ហាប្រឈមជាច្រើន ជាពិសេសវិបត្តិសេដ្ឋកិច្ចពិភពលោក ការប្រកួតប្រជែងយុទ្ធសាស្រ្តរបស់ប្រទេសធំៗ បញ្ហាប្រឈមសន្តិសុខតាមបែបប្រពៃណីនិងមិនប្រពៃណីដូចជារោគរាតត្បាត បរិស្ថាននិងការផ្លាស់ប្តូរអាកាសធាតុក៏ដូចជាសន្តិសុខទឹកជាដើម។

ក្រោមឥទិ្ធពលនៃជំងឺរាតត្បាតកូវីដ១៩ ការរីករាលដាលនៃទេសភាពអន្តរជាតិត្រូវបានពន្លឿនដោយមានឥទ្ធិពលផ្ទាល់ និងពហុវិស័យទៅលើបរិស្ថានសន្តិសុខ និងការអភិវឌ្ឍន៍របស់វៀតណាមនាំមកនូវឱកាសនិងបញ្ហាប្រឈមថ្មីៗទៀតផង។

ក្នុងបរិបទថ្មីនោះ លោកឧបនាយករដ្ឋមន្រ្តីវៀតណាម Pham Binh Minh បានសង្កត់ធ្ងន់ថាវិស័យការទូតគួរតែបន្តលើកកម្ពស់តួនាទីត្រួសត្រាយរបស់ខ្លួនក្នុងការបង្កើតបរិយាកាស សន្តិភាពនិងអំណោយផលសម្រាប់ការអភិវឌ្ឍនិងលើកកំពស់ឋានៈរបស់ប្រទេស។ ក្នុងនោះចាំបាច់ត្រូវកសាងការទូតទំនើបទាក់ទងនឹងកម្លាំងទាំងខ្លឹមសារនិងរបៀបប្រតិបតិ្តការដោយផ្អែកលើមរតកប្រពៃណីការទូតរបស់វៀតណាមនិងមនោគមវិជ្ជាការទូតរបស់ហូជីមិញផងដែរ។ លោកឧបនាយករដ្ឋមន្ត្រីបានមានប្រសាសន៍ថា៖«ទន្ទឹមនឹងនោះ វិស័យការទូតនឹងមានភាពម្ចាស់ការក្នុងការជំរុញស្មារតីនៃការច្នៃប្រឌិតយ៉ាងសកម្មនិងផ្លាស់ប្តូរភាពច្នៃប្រឌិតយ៉ាងរហ័ស និងការឆ្លើយតបយ៉ាងស្វាហាប់ចំពោះភាពរហ័សនៃស្ថានភាព ដើម្បីបំពេញតួនាទីដែលបានកំណត់សម្រាប់វិស័យនេះក្នុងរយៈពេលថ្មីនេះ» ។

វិស័យការទូតធ្វើបានល្អនូវភារកិច្ចនយោបាយចំនួន៥

អញ្ជើញថ្លែងមតិនៅក្នុងព្រឹត្តិការន៍នេះ លោកនាយករដ្ឋមន្រ្តីវៀតណាម Nguyen Xuan Phuc បានមានប្រសាសន៍ថា ក្នុងរយៈពេល ៥ ឆ្នាំកន្លងមក វិស័យការទូតទទួលបានសមិទ្ធិផលសំខាន់ៗដោយមោទនភាពក្នុងការរួមចំណែកបុព្វហេតុរំដោះជាតិនិងបង្រួបបង្រួមប្រទេសជាតិក្នុងអតីតកាលក៏ដូចជាការកសាងនិងការពារមាតុភូមិនាសព្វថ្ងៃនេះ។

យោងតាមលោកនាយករដ្ឋមន្រ្តី Nguyen Xuan Phuc ក្នុងការប្រយុទ្ធប្រឆាំងនឹងជំងឺកូវីដ១៩ វិស័យការទូតបានអនុវត្តយ៉ាងល្អនូវ«ការទូតកូវីដ» «ការទូតតាមប្រព័ន្ធអ៊ិនធរណេត» ដោយមានលទ្ធផលដ៏លេចធ្លោចាប់ពីខែកុម្ភៈឆ្នាំ ២០២០ រហូតមកដល់ពេលនេះមានសន្និសីទជាន់ខ្ពស់តាមអ៊ិនធឺរណែត ការពិភាក្សាតាមទូរស័ព្ទរបស់មេដឹកនាំប្រទេសអង្គការអន្តរជាតិធំៗចំនួន ៣០ ជាដើម។ ក្រសួងការបរទេសវៀតណាម ក៏បានសម្របសម្រួលរៀបចំជើងហោះហើរជាច្រើន ដើម្បីស្វាគមន៍ពលរដ្ឋវៀតណាមជិត ៣ ម៉ឺននាក់មកពីប្រទេសដែលទទួលឥទ្ធិពលយ៉ាងខ្លាំងដោយសារជំងឺកូវីដ១៩ឲ្យត្រឡប់មកស្រុកកំណើតវិញ។ ក្រសួងការបរទេសក៏បានលើកកម្ពស់ “ចំណងសាមគ្គីភាពអន្តរជាតិ” ក្នុងការបង្ការការរីករាលដាល ហើយក៏បានផ្តល់សម្ភារៈបរិក្ខាពេទ្យដោយប្រទេសវៀតណាមផលិតជូនដល់ប្រទេសជាច្រើនផ្សេងៗទៀតផងដែរ។

សម្រាប់កិច្ចការប្រកួតប្រណាំងតាមស្មារតីស្នេហាជាតិ វិស័យការទូតបានលើកកម្ពស់ស្មារតីនៃការត្រេកត្រអាលស្នេហាជាតិ ក្លាយទៅជាមាគ៌ាដឹកនាំនិងលើកទឹកចិត្តដល់កម្មាភិបាលក្នុងការងារបំពេញភារកិច្ចដែលបានប្រគល់ឱ្យគេប្រកបដោយជោគជ័យ។

លោកនាយករដ្ឋមន្រ្តី Nguyen Xuan Phuc បានមានប្រសាសន៍ថាអស់រយៈពេល ៧៥ ឆ្នាំនៃការបង្កើតប្រទេសជាតិ និងខួបលើកទី ៣៥ នៃការផ្លាស់ប្តូរថ្មីនិងការធ្វើសមាហរណកម្មអន្តរជាតិ វិស័យការទូតមាន មោទនភាពចំពោះសមិទ្ធផលដែលសម្រេចបានក្នុងរយៈពេលកន្លងទៅ ប៉ុន្តែមិនគួរតែមានភាពអត្តនោម័ត និងការពេញចិត្តចំពោះដំណើរនេះពីព្រោះបញ្ហាប្រឈមនៅតែមានច្រើនសន្ធឹកសន្ធាប់នាពេលខាងមុខផងដែរ។ លោកនាយករដ្ឋមន្រ្តី Nguyen Xuan Phuc បានបញ្ជាក់ថា “អ្នកការទូតត្រូវស្វែងយល់ឲ្យបានម៉ឺងម៉ាត់និងស្មោះត្រង់ចំពោះគោលជំហរ គោលនយោបាយការបរទេសរបស់បក្ស និងរដ្ឋស្តីពីការថែរក្សាឯករាជ្យនិងស្វ័យភាព វៀតណាមជាមិត្តនិងជាដៃគូដែលអាចទុកចិត្តបានរបស់សហគមន៍ជាតិ។ ពិតណាស់ថា ការអនុវត្តឲ្យបានល្អនូវចំណងសាមគ្គីភាពផ្ទៃក្នុង ការមូលមតិឯកភាព កិច្ចខិតខំប្រឹងប្រែង ភាពប៉ិនប្រសប់ ច្នៃប្រឌិត អាចនាំវៀតណាមអភិវឌ្ឍន៍យ៉ាងខ្លាំងក្លារួមជាមួយបណ្តាប្រទេសមហាអំណាចនៅលើទ្វីបទាំង ៥ ផងដែរ” ។

លោកនាយករដ្ឋមន្រ្តីបានមានប្រសាសន៍ថា ក្នុងរយៈពេលខាងមុខនេះ វិស័យការទូតគួរតែលើកកម្ពស់សមិទ្ធផលរបស់ខ្លួនបន្ថែមទៀត បន្តលើកស្ទួយនូវសមិទ្ធិផលជាប្រវត្តិសាស្ត្រប្រកបដោយភាពរុងរឿងនៃវិស័យការទូត កិច្ចការបរទេស ព្រមទាំងបន្តលើកកម្ពស់តួនាទីឈានមុខគេរបស់ខ្លួនក្នុងការថែរក្សាសន្តិភាពនិងស្ថេរភាព ក៏ដូចជាពង្រីកប្រភពធនធានខាងក្រៅ លើកកម្ពស់ធនធានខាងក្នុងការអភិវឌ្ឍយ៉ាងឆាប់រហ័ស និងលើកកំពស់តួនាទី និងកេរ្តិ៍ឈ្មោះរបស់វៀតណាមនៅលើឆាកអន្តរជាតិផងដែរ។

លោកនាយករដ្ឋមន្រ្តី Nguyen Xuan Phuc បានស្វាគមន៍ចំពោះ“ ប្រឡងប្រណាំងទាំង ៣” បានដាក់ចេញដោយវិស័យកិច្ចការបរទេស។ ទីមួយគឺការបង្កើននិងលើកកម្ពស់ការយល់ដឹងអំពីការប្រឡងប្រណាំង ស្នេហាជាតិ។ លោកនាយករដ្ឋមន្រ្តី Nguyen Xuan Phuc បានសង្កត់ធ្ងន់ថា ​មន្រ្តីដែលធ្វើការក្នុង​វិស័យការទូត ត្រូវយកចិត្តទុកដាក់​លើ​ប្រយោជន៍របស់ប្រទេសជាតិជាដាច់ខាត ហើយទន្ទឹមនឹងនេះ​ត្រូវរក្សាស្មារតីថ្លៃថ្នូរ និងកិត្យានុភាពរបស់ ប្រទេសជាតិ ក្នុងការជួបសន្ទនាប្រចាំថ្ងៃ។ ការងារទទួលស្វាគមន៍ភ្ញៀវ ​ការងារភ័ស្តុភារ​ត្រូវធ្វើឲ្យ​បានល្អ​ដែលត្រូវការធ្វើ​កាន់តែល្អប្រសើរ ហ្មត់ចត់និងស្មោះត្រង់ជាងទៀត។

ទី ២ គឺការប្រឡងប្រណាំង​រៀនសូត្រនិង​ធ្វើតាមលោកប្រធាន Ho Chi Minh។ លោកនាយករដ្ឋមន្រ្តីមានប្រសាសន៍ថា“ សមមិត្តត្រូវរៀន​ជាប្រចាំ​ពីរបៀបរស់នៅ​ ទស្សនវិស័យ​គំនិតនិងការងារ​ប្រចាំថ្ងៃ​របស់​លោកប្រធាន Ho Chi Minh” ។

ទី ៣ គឺការជំរុញការប្រឡងប្រណាំងស្នេហាជាតិ ​​វិស័យការទូត​វៀតណាម​ជាមួយស្ថាប័ន ​ក្រសួង​និង​តំបន់នានាទូទាំងប្រទេស​ដើម្បីបង្កើតកម្លាំងរួមសម្រាប់វិស័យការពារ កសាងនិងអភិវឌ្ឍប្រទេស​ជាតិ។

អនុប្រធានគណៈកម្មាធិការកិច្ចការព្រំដែនជាតិ លោក Nguyen Manh Dong បានចែករំលែកថា“ ការការពារអធិបតេយ្យភាព​កោះនិង​សមុទ្រ ក្នុងស្ថានភាពថ្មីនេះដែលគឺជាភារកិច្ចសំខាន់បំផុត ក្នុងយុទ្ធសាស្ត្រ​កសាងសង្គមនិយមប្រកបដោយជោគជ័យនិងការពារមាតុភូមិ” ។

លោក Nguyen Manh Dong បាននិយាយថា​ ក្នុងបរិបទនោះ​នាយកដ្ឋានសមុទ្រនៃគណៈកម្មាធិការកិច្ចការព្រំដែនជាតិបានឆ្លើយតបយ៉ាងសកម្មចំពោះស្មារតីទទួលខុសត្រូវនៃចលនាប្រឡងប្រណាំងនៃវិស័យការទូត អនុវត្តខ្លឹមសារនៃចលនាប្រឡងប្រណាំង​ដែលក្លាយទៅជា​សកម្មភាព​ជាក់លាក់និងជាក់ស្តែង ​ក្នុងការបំពេញ​ការងារ​របស់​អង្គភាព​។

រួមជាមួយនឹងសមិទ្ធិផលនៃវិស័យការទូតវៀតណាមក្នុងដំណាក់កាលឆ្នាំ ២០១៧-២០១៩ នាយកដ្ឋានសមុទ្រ​ក៏ទទួលបានសមិទ្ធិផលជាក់ស្តែង​និង​មានអត្ថន័យជាច្រើន ក្នុងការការពារ​និងគោរពអធិបតេយ្យភាព​និង យុត្តាធិការ សិទ្ធិនិងផលប្រយោជន៍ស្របច្បាប់របស់​ប្រទេសជាតិ​នៅសមុទ្រ ដែលរួមចំណែកក្នុង​ការថែរក្សាបរិស្ថាន​សន្តិភាព​និង​ស្ថេរភាព​សម្រាប់ការអភិវឌ្ឍជាតិ។

“បញ្ហាប្រឈមក្នុងការការពារអធិបតេយ្យភាពសមុទ្រនិងកោះដែលជាកត្តាសំខាន់​ៗ នៃការរស់រានមានជីវិតរបស់ជាតិ នៅក្នុងរយៈពេល​ខាងមុខ​នេះ​ បណ្តាបញ្ហាត្រូវដោះស្រាយ​ដែលជាបញ្ហាសុទ្ធតែលំបាក​និង​ស្មុគស្មាញ​​។

ដូច្នេះការចូលរួមគ្នាក្នុងការការពារអធិបតេយ្យភាពកោះ នៅសមុទ្រខាង​កើតគឺជាទំនួលខុសត្រូវ កិត្តិយសនិងមោទនភាពរបស់អ្នកការទូតដែល​ធ្វើ​កិច្ចការ​ព្រំដែននិងដែនដីជាច្រើនជំនាន់។

ដោយមានការជឿទុកចិត្តពីរដ្ឋ ក្រសួងការបរទេស មន្ត្រីនិង​បុគ្គលិក​ធ្វើការក្នុង​វិស័យការទូត​និយាយរួម​និងកិច្ចការ​ព្រំដែននិយាយ​ដោយឡែកដែលនឹងបំពេញភារកិច្ចរក្សាអធិបតេយ្យភាពដែនសមុទ្រនិងកោះរបស់ប្រទេសជាតិ ប្រកបដោយល្អ ក្នុងស្ថានភាពថ្មី” លោក Nguyen Manh Dong បានសង្កត់ធ្ងន់។

នៅចុងបញ្ចប់នៃពិធីនេះលោក Le Hoai Trung អនុរដ្ឋមន្រ្តីនៃក្រសួងការ​បរទេសនិងជា​ប្រធាន​ក្រុមប្រឹក្សាប្រណាំងប្រឡង​បំផុស​ចលនា​ប្រឡងប្រណាំង​ស្នេហាជាតិក្នុងដំណាក់កាលឆ្នាំ ២០២០ - ២០២៥ ៕

（ប្រភពព័ត៌មាន: thoidai.com.vn）