យុគសម័យ - កិច្ចប្រជុំកំពូលកិច្ចសហប្រតិបត្តិការមេគង្គ - ឡានឆាងលើកទី ៣ នឹងប្រព្រឹត្តទៅ នៅថ្ងៃទី ២៤ ខែសីហា តាមប្រព័ន្ធវីដេអូ។ លោកនាយក រដ្ឋមន្ត្រី Nguyen Xuan Phuc នឹងអញ្ជើញចូលរួមនិងថ្លែងសុន្ទរកថាដ៏ សំខាន់មួយនៅក្នុងកិច្ចប្រជុំនេះ។
លោកនាយករដ្ឋមន្រ្តី Nguyen Xuan Phuc នឹងអញ្ជើញចូលរួមក្នុងកិច្ចប្រជុំកំពូលកិច្ចសហប្រតិបត្តិការមេគង្គ - ឡានឆាង។ (រូបថត៖ Tai Chinh)
អ្នកនាំពាក្យក្រសួងការបរទេស លោកស្រី Le Thi Thu Hang បាននិយាយឲ្យដឹងអំពីព័ត៌មានខាងលើនៅឯសន្និសីទសារព័ត៌មានប្រចាំខែរបស់ក្រសួងការបរទេសដែលបានធ្វើឡើង នៅរសៀលថ្ងៃទី ២០ ខែសីហា។ នេះគឺជាកិច្ចប្រជុំបានរៀបចំតាមកាលកំណត់ដែលធ្វើឡើងរៀងរាល់ ២ ឆ្នាំម្តង ដោយមានការចូលរួមពីថ្នាក់ដឹកនាំជាន់ខ្ពស់នៃប្រទេសជាសមាជិកមេគង្គ - ឡានឆាទាំង ៦ រួមមាន កម្ពុជា ឡាវ មីយ៉ាន់ម៉ាថៃ វៀតណាម និងចិន។ ។
លោក ថងលូន ស៊ីស៊ូលីត នាយករដ្ឋមន្រ្ដីឡាវ ដែលជាសហប្រធានជាមួយ លោក លី ខឺឈាង នាយករដ្ឋមន្រ្តីចិន ក្នុងកិច្ចប្រជុំនេះ ក្រោមប្រធានបទ “ពង្រឹងភាពជាដៃគូ ដើម្បីវិបុលភាពរួម” ។ កិច្ចប្រជុំនេះនឹងផ្តោតលើការវាយតម្លៃស្ថានភាពកិច្ចសហប្រតិបត្តិការ ចាប់តាំងពីកិច្ចប្រជុំកំពូលមេគង្គ - ឡានឆាងលើកទី ២ និងពិភាក្សានូវទិសដៅនៃសកម្មភាព ក្នុងដំណាក់កាលបន្ទាប់។
គេរំពឹងថា ថ្នាក់ដឹកនាំនៃបណ្តាប្រទេសនឹងពិភាក្សាលើខ្លឹមសារមួយចំនួនដូចជា កិច្ចសហប្រតិបត្តិការសុខភិបាលសហគមន៍ ដើម្បីពង្រឹងសមត្ថភាពបង្ការនិងប្រយុទ្ធនឹងជំងឺរាតត្បាត កិច្ចសហប្រតិបត្តិការក្នុងការស្តារសេដ្ឋកិច្ចឡើងវិញ បន្ទាប់ពីការរីករាលដាលនៃជំងឺ COVID-19 បានទប់ស្កាត់ ការគ្រប់គ្រងនិងការប្រើប្រាស់ធនធានទឹកមេគង្គប្រកបដោយនិរន្តរភាព./.
（បកប្រែដោយឌីណា）
មតិពីមិត្តអ្នកអាន