យុគសម័យ - ក្រុមពលករក្រីក្រ ពលករក្រៅផ្លូវការ ពលករចំណាកស្រុក កុមារនិងគ្រួសារដែលមិនមានឯកសារបញ្ជាក់អត្តសញ្ញាណបាននិងកំពុងជាក្រុមដែលរងផលប៉ះពាល់យ៉ាងខ្លាំងបំផុតដោយសារជំងឺរាតត្បាត COVID-19។
ការទូទាត់ប្រាក់ជំនួយសម្រាប់ប្រជាជនដែលមានការលំបាកដោយសារជំងឺរាតត្បាត COVID-19។ (រូប Anh Tuan/ទីភ្នាក់ងារសារព័ត៌មានវៀតណាម)
នាថ្ងៃទី ១៥ សីហា វិទ្យាស្ថានស្រាវជ្រាវ គ្រប់គ្រងនិងអភិវឌ្ឍប្រកបដោយចីរភាព (MSD) បានសហការជាមួយដៃគូចំនួន ១៤ ដើម្បីរៀបចំសិក្ខាសាលាស្តីពីគម្រោង “ដើម្បីប្រទេសវៀតណាមគ្មាននរណាម្នាក់ត្រូវបានចាកចេញពីក្រោយនៅក្នុងកំឡុងពេលជំងឺរាតត្បាត COVID-19“ រួមបញ្ចូលអំណោយនិងផ្សព្វផ្សាយការអប់រំស្តីពីការបង្ការទប់ស្កាត់នឹង COVID-19 សម្រាប់គ្រួសារដែលជួបការលំបាកក្នុងកំឡុងពេលមានជំងឺរាតត្បាតសកលនេះនៅទីក្រុងហាណូយ។
គម្រោងនេះមានគោលបំណងផ្តល់ការគាំទ្រ ផ្នែកមួយដល់គ្រួសារដែលជួបការលំបាក ងាយរងគ្រោះនិងរងផលប៉ះពាល់យ៉ាងធ្ងន់ធ្ងរក្នុងកំឡុងពេលជំងឺរាតត្បាត COVID-19 ក្នុងអំឡុងពេលពីខែសីហាដល់ខែធ្នូឆ្នាំ ២០២០ ។
គម្រោងនេះមានគោលបំណងផ្តល់កញ្ចប់ជំនួយស្បៀងអាហារ អនាម័យនិងផ្សព្វផ្សាយការអបើរំស្តីពីការបង្ការទប់ស្កាត់នឹង COVID-19 សម្រាប់គ្រួសារជាង ៤០០ នៅទីក្រុងហាណូយនិងទីក្រុងហូជីមិញដែលស្មើនឹងប្រជាជនប្រមាណ ១០០០ ដល់ ១២០០ អ្នក។ ចំនួនថវិកាសរុបនៃគម្រោងនេះសម្រេចបាន ៧៨៥០០ ដុល្លារអាមេរិក។
លើសពីនេះទៅទៀត គម្រោងនេះក៏បានផ្សព្វផ្សាយដើម្បីលើកកម្ពស់ការយល់ដឹងនិងកៀរគរធនធានសហគមន៍ដើម្បីជួយគ្នាទៅវិញទៅមកនិងគាំទ្រដល់ក្រុមគ្រួសារដែលជួបការលំបាកដោយសារជំងឺរាតត្បាត COVID-19 ដើម្បីគ្មាននរណាម្នាក់ត្រូវបានចាកចេញពីក្រោយ៕（បកប្រែដោយសាមេត）
（ប្រភពព័ត៌មាន: vietnamplus.vn）
មតិពីមិត្តអ្នកអាន