យុគសម័យ - ភ្លាមៗបន្ទាប់ពីចុះចតនៅអាកាសយានដ្ឋានអន្តរជាតិ Noi Bai អ្នកដំណើរនៃជើងហោះហើរហោះពីកូរ៉េខាងត្បូងត្រឡប់មកវៀតណាមវិញបានស្ថិតនៅក្រោមការពិនិត្យសុខភាព និងធ្វើចត្តាឡីស័កតាមការកំណត់ផងដែរ ។
បញ្ជូនពលរដ្ឋវៀតណាមជាង ៣១០ នាក់មកពីប្រទេសកូរ៉េខាងត្បូងបានវិលត្រឡប់ទៅស្រុកកំណើត វិញដោយសុវត្ថិភាព (រូបថត៖ MOFA)
នាថ្ងៃទី ២៦ ខែកក្កដា អាជ្ញាធរមានសមត្ថកិច្ចវៀតណាម ស្ថានទូតវៀតណាមប្រចាំនៅកូរ៉េខាងត្បូងនិងក្រុមហ៊ុនអាកាសចរណ៍ជាតិវៀតណាមបានសហការជាមួយអាជ្ញាធរមានសមត្ថកិច្ចកូរ៉េខាងត្បូង ដើម្បីបញ្ជូនពលរដ្ឋវៀតណាមជាង ៣១០ នាក់មកពីកូរ៉េខាងត្បូងឲ្យត្រឡប់មកស្រុកកំណើតវិញប្រកបដោយសុវត្ថិភាព។
អ្នកដំណើរនៅលើយន្ដហោះរួមមានក្មេងអាយុក្រោម ១៨ ឆ្នាំ មនុស្សវ័យចំណាស់ ស្ដ្រីមានផ្ទៃពោះអ្នកធ្វើការដែលមានកិច្ចសន្យាផុតពេលកំណត់ គ្មានទីលំនៅគ្មាន សិស្សនិស្សិតគ្មានទីលំនៅដោយសារកន្លែងស្នាក់នៅបិទ និងករណីមានស្ថានភាពលំបាកពិសេសផ្សេងៗទៀតផងដែរ។
ស្ថានទូតវៀតណាមប្រចាំនៅកូរ៉េខាងត្បូងបានបញ្ជូនមន្រ្តីទៅជួយប្រជាពលរដ្ឋដោយផ្ទាល់នៅអាកាសយានដ្ឋាន។ ភ្លាមៗបន្ទាប់ពីចុះចតនៅអាកាសយានដ្ឋានអន្តរជាតិ Noi Bai អ្នកដំណើរនៅលើជើងហោះហើរនេះបានស្ថិតនៅក្រោមការត្រួតពិនិត្យផ្នែកវេជ្ជសាស្រ្តនិងធ្វើចត្តាឡីស័កតាមការកំណត់ផងដែរ៕
（បកប្រែដោយ ហេងវុធ្ធី）
（ប្រភពព័ត៌មាន: vovworld.vn）
មតិពីមិត្តអ្នកអាន