យុគសម័យ - ប្រាក់កម្ចីនេះនឹងជួយគាំទ្រដល់គោលនយោបាយបង្កើន កិច្ចការពារធនធានទឹក អនុវត្តការសន្សំសំចៃទឹកក្នុងផលិតកម្ម កសិកម្ម ព្រមទាំងជម្រុញការកាត់បន្ថយការបំភាយឧស្ម័នចេញពីយានយន្តដឹកជញ្ជូននិងអភិវឌ្ឍន៍ថាមពលកកើតឡើងវិញផងដែរ។
រូបថតឧទាហរណ៍ (ប្រភព៖ vtv)
នាថ្ងៃទី ៦ ខែមិថុនា ធនាគារពិភពលោកប្រចាំនៅវៀតណាមបានឲ្យដឹង ថាគណៈនាយកនៃធនាគារពិភពលោកបានអនុម័តលើកញ្ចប់ប្រាក់កម្ចីពីពីសមាគមអភិវឌ្ឍន៍អន្តរជាតិ (IDA) ដោយមានកញ្ចប់ថវិកាសរុបចំនួន ៨៤,៤ លានដុល្លារអាមេរិក ដើម្បីអនុវត្តការកែទម្រង់គោលនយោបាយពហុវិស័យក្នុងគោលបំណងលើកកម្ពស់សមត្ថភាពទប់ទល់នឹងការប្រែប្រួលអាកាសធាតុដោយឈរលើមូលដ្ឋានការពារធនធានធម្មជាតិ ការអភិវឌ្ឍគមនាគមន៍ និងថាមពលបៃតងផងដែរ។
ប្រាក់កម្ចីជួយឧប្ថម្ភសម្រាប់ការអនុវត្តគោលនយោបាយស្តីពីការប្រែប្រួលអាកាសធាតុនិងកំណើនបៃតង មានគោលបំណងជួយពង្រឹងនិងពង្រីកសមិទ្ធិផលនៃកម្មវិធីគាំទ្រការទប់ទល់នឹងបំរែបំរួលអាកាសធាតុឆ្នាំ ២០១៦-២០២០ (SP- RCC) ។ ប្រាក់កម្ចីនេះនឹងជួយគាំទ្រដល់គោលនយោបាយបង្កើន កិច្ចការពារធនធានទឹក អនុវត្តការសន្សំសំចៃទឹកក្នុងផលិតកម្ម កសិកម្ម ព្រមទាំងជម្រុញការកាត់បន្ថយការបំភាយឧស្ម័នចេញពីយានយន្តដឹកជញ្ជូននិងអភិវឌ្ឍន៍ថាមពលកកើតឡើងវិញផងដែរ។
ប្រាក់កម្ចីនេះក៏បង្ហាញពីការប្តេជ្ញាដ៏ខ្ពស់របស់ធនាគារពិភពលោកក្នុងការគាំទ្ររដ្ឋាភិបាលវៀតណាមដើម្បីបន្តទទួលនូវជោគជ័យក្នុងកម្មវិធីឆ្លើយតបទៅនឹងការប្រែប្រួលអាកាសធាតុក៏ដូចជាស្ពានតភ្ជាប់ដើម្បីឈានទៅដំណាក់កាលថ្មីជាមួយ ដំណើរការប្រែប្រួលអាកាសធាតុក្រោយពីឆ្នាំ ២០២០ ផងដែរ៕
（បកប្រែដោយ ហេងវុធ្ធី）
（ប្រភពព័ត៌មាន: baotintuc.vn）
មតិពីមិត្តអ្នកអាន