យុគសម័យ - ចាប់ពីថ្ងៃទី ១៦ ខែមីនាឆ្នាំ ២០២០ តទៅ វៀតណាមបានតម្រូវឱ្យពលរដ្ឋបរទេសនៅវៀតណាមក៏ដូចជាពលរដ្ឋវៀតណាមត្រូវអនុវត្តយ៉ាងម៉ឹងម៉ាត់នូវការពាក់ម៉ាស់ការពារនៅតាមទីសាធារណៈដែលមានមនុស្សច្រើន (ដូចជានៅផ្សារទំនើប អាកាសយានដ្ឋានស្ថានីយ៍រថភ្លើង ស្ថានីយ៍រថយន្តក្រុង ជាដើម )
ប្រទេសវៀតណាមតម្រូវឱ្យប្រជាជនវៀតណាមនិងជនបរទេសអនុវត្តយ៉ាងម៉ឹងម៉ាត់នូវការពាក់ម៉ាស់ការពារនៅតាមទីសាធារណៈ (រូបថត៖ vnanet)
នាថ្ងៃទី ១៤ ខែមីនា ក្រសួងការបរទេសវៀតណាមបានប្រកាសថាប្រជាជនដែលធ្វើដំណើរមកពីឬធ្វើដំណើរឆ្លងកាត់តំបន់ដែលផ្ទុះជំងឺរាតត្បាតកូវីដ១៩ គួរតែត្រួតពិនិត្យនិងធ្វើបច្ចុប្បន្នភាពបទប្បញ្ញត្តិថ្មីៗជាទៀងទាត់របស់ក្រុមហ៊ុនអាកាសចរណ៍នានា ដើម្បីធានាថាមានឯកសារគ្រប់គ្រាន់ជាចាំបាច់តាមតម្រូវការ ដើម្បីអាចធ្វើការហោះហើរបាន (ជាពិសេសឯកសារស្តីពីការរាយការណ៍សុខភាពប្រសិនបើមាន) ។
ចាប់ពីថ្ងៃទី ១៦ ខែមីនាឆ្នាំ ២០២០ វៀតណាមបានតម្រូវឱ្យពលរដ្ឋបរទេសនៅវៀតណាមក៏ដូចជាពលរដ្ឋវៀតណាមត្រូវអនុវត្តយ៉ាងម៉ឹងម៉ាត់នូវការពាក់ម៉ាស់ការពារនៅតាមទីសាធារណៈដែលមានមនុស្សច្រើន (ដូចជានៅផ្សារទំនើប អាកាសយានដ្ឋានស្ថានីយ៍រថភ្លើង ស្ថានីយ៍រថយន្តក្រុង ជាដើម ) ។
អ្នកដំណើរទាំងអស់នៅលើជើងហោះហើក្នុងស្រុកនិងអន្តរជាតិ ដែលទៅឬមកកាន់ប្រទេសវៀតណាម ត្រូវតែពាក់ម៉ាសពេញពេលហោះហើរនិងពេលមកដល់ស្ថានីយ៍។
ប្រទេសវៀតណាមសូមជម្រាបជូនដំណឹងនេះទៅកាន់បេសកកម្មការទូត ស្ថានកុងស៊ុលនិងស្ថាប័នតំណាងរបស់អង្គការអន្តរជាតិនានាប្រចាំនៅវៀតណាម៕
（បកប្រែដោយ ហេងវុធ្ធី）
（ប្រភពព័ត៌មាន: tapchithongtindoingoai.vn）
មតិពីមិត្តអ្នកអាន