យុគសម័យ - វិទ្យាស្ថានអនាម័យនិងអេពីដេមីសាស្រ្តមជ្ឈិម (ជំនាញសិក្សារោគរាតត្បាត) របស់វៀតណាម បានទទួលជោគជ័យក្នុងការបណ្តុះនិងបំបែកកោសិកានៃ វីរុសកូរ៉ូណាប្រភេទថ្មី (nCoV) ក្នុងបន្ទប់ពិសោធន៍។
រូបភាពអំពីវីរុសកូរ៉ូណា (រូបថត៖ vov.vn)
នាថ្ងៃទី៧ ខែកុម្ភៈ វិទ្យាស្ថានអនាម័យនិងអេពីដេមីសាស្រ្តមជ្ឈិម បានប្រកាសដំណឹងល្អថាបានបណ្តុះនិងបំបែកកោសិកានៃវីរុសកូរ៉ូណាថ្មីដោយជោគជ័យ ហើយបង្កើតលក្ខខ័ណ្ឌអំណោយផលសម្រាប់ការធ្វើតេស្តករណីនៃការឆ្លងនិងសង្ស័យថាមានការឆ្លងមេរោគដ៏កាចសាហាវនេះផងដែរ។
ជាមួយភាពជោគជ័យនេះ រាល់ថ្ងៃប្រទេសវៀតណាមនឹងអាចមានសតម្ថភាពក្នុងធ្វើតេស្តគំរូមេរោគជំងឺនេះរាប់ពាន់ករណីបើចាំបាច់។ នាបច្ចុប្នបន្ននេះវៀតណាមបានបង្កើតប្រព័ន្ធមន្ទីរពិសោធន៍មួយ សម្រាប់ការធ្វើតេស្ត ហើយមានភាពសកម្មទាំងស្រុងក្នុងការធ្វើតេស្តនេះតែម្តង។ នេះគឺក្លាយជាបុព្វបទមួយក្នុងការសិក្សាស្រាវជ្រាវនិងការអភិវឌ្ឍ វ៉ាក់សាំងប្រឆាំងនឹងវីរុសនេះនាពេលអនាគតផងដែរ៕
（បកប្រែដោយ ហេងវុធ្ធី）
មតិពីមិត្តអ្នកអាន