យុគសម័យ - លោក Ahmad Ibrahim Almutaqqi នាយកកម្មវិធីស្រាវជ្រាវអាស៊ាននៃមជ្ឈមណ្ឌល Habibie នៃប្រទេសឥណ្ឌូនេស៊ីបានមានប្រសាសន៍ថាការជំរុញកិច្ចព្រមព្រៀង RCEP គឺជាបញ្ហាចម្បងដែលប្រទេសវៀតណាមត្រូវផ្តោតលើប្រធានអាស៊ានឆ្នាំ ២០២០ ។
កិច្ចប្រជុំកំពូលស្តីពីកិច្ចព្រមព្រៀងភាពជាដៃគូសេដ្ឋកិច្ចក្រប់ជ្រុងជ្រោយក្នុងតំបន់ (RCEP) លើកទី ៣ នៅប្រទេសថៃនាខែវិច្ឆិកាឆ្នាំ ២០១៩ (រូបថតៈ baoquocte.vn)
តាមលោក Almutaqqi នាពេលថ្មីៗនេះជប៉ុនបានប្រកាសថានឹងមិនចូលរួមក្នុងកិច្ចព្រមព្រៀង RCEP ដោយគ្មានឥណ្ឌានោះទេ ហេតុដូច្នេះនេះនឹងក្លាយជាបញ្ហាប្រឈមដ៏ធំមួយសម្រាប់វៀតណាមក្នុងការព្យាយាមបញ្ចុះបញ្ចូលឥណ្ឌានិងជប៉ុនឱ្យគោរពតាមកិច្ចព្រមព្រៀងនេះ។
ដោយជឿជាក់លើសមត្ថភាពភាពប៉ិនប្រសប់និងភាពបត់បែនរបស់វៀតណាមក្នុងវិស័យសេដ្ឋកិច្ចការទូត អ្នកជំនាញរូបនេះសង្កត់ធ្ងន់ជាពិសេសទៅលើសមត្ថភាពរបស់វៀតណាមក្នុងការចរចានិងចុះហត្ថាលេខាលើកិច្ចព្រមព្រៀងពាណិជ្ជកម្មសេរី និងជាប្រទេសមួយក្នុងចំណោមប្រទេសដែលចូលរួមក្នុងកិច្ចព្រមព្រៀង CPTPP។ ជាមួយនឹង កំណើនខ្ពស់ក្នុងរយៈពេលប៉ុន្មានឆ្នាំកន្លងមក វៀតណាមបានបញ្ជាក់ពី សមិទ្ធិផលរបស់ខ្លួនដែលសម្រេចបាន ប្រសិនបើចង់ពង្រីកសេដ្ឋកិច្ចនិងចូលរួមក្នុងដំណើរការនៃសាកលភាវូបនីយកម្មផងដែរ។
ក្រៅពី RCEP ប្រទេសវៀតណាមក៏ចាំបាច់ត្រូវផ្តល់អាទិភាពដល់ការលើកកម្ពស់សហគមន៍អាស៊ានផងដែរ ដោយហេតុថា ឆ្នាំ ២០២០ គឺជាពេលវេលាដើម្បីកត់សម្គាល់ការអនុវត្តរយៈពេល ៥ ឆ្នាំនៃចក្ខុវិស័យសហគមន៍អាស៊ាន ២០២៥ ។ ទន្ទឹមនឹងនេះ លោក Almutaqqi ក៏សង្ឃឹមនឹងមើលផ្ទាល់ភ្នែកនូវសមិទ្ធផលនៃការអភិវឌ្ឍន៍ធំៗក្នុងឆ្នាំប្រធានអាស៊នរបស់វៀតណាម ពីព្រោះនេះគឺជាប្រទេសមួយក្នុងចំណោមប្រទេសដែលឋានៈនិងសម្លេងសំខាន់ៗនៅតំប់អាស៊ីអាគ្នេយ៍ដែលមានសេដ្ឋកិច្ចរីកចម្រើនយ៉ាងឆាប់រហ័សផងដែរ៕（បកប្រែដោយ ហេង វុធ្ធី）
មតិពីមិត្តអ្នកអាន