យុគសម័យ - នារសៀលថ្ងៃទី ៣ ធ្នូ នៅទីស្នាក់ការរដ្ឋាភិបាលវៀតណាម នាយករដ្ឋមន្រ្តី លោក Nguyen Xuan Phuc បានអញ្ជើញទទួលជួបជាមួយលោកឧត្តមសេនីយ៍ Zolotov Victor Vasilyevich ប្រធានទីភ្នាក់ងារអង្គរក្សជាតិនៃសហព័ន្ធរុស្ស៊ី។
លោកនាយករដ្ឋមន្រ្តី Nguyen Xuan Phuc អញ្ជើញទទួលជួបលោកឧត្តមសេនីយ៍ Zolotov Victor Vasilyevich នាយកទីភ្នាក់ងារអង្គរក្សជាតិនៃសហព័ន្ធរុស្ស៊ី (រូបថតៈ chinhphu.vn)
អញ្ជើញថ្លែងក្នុងជំនួបនេះ នាយករដ្ឋមន្ត្រី លោក Nguyen Xuan Phuc បានសម្តែងក្តីជឿជាក់ថា ដំណើរទស្សនកិច្ចនៅវៀតណាមលើកនេះរបស់គណៈប្រតិភូ នឹងរួមចំណែក ជំរុញទំនាក់ទំនងដៃគូយុទ្ធសាស្ត្រលើគ្រប់ជ្រុងជ្រោយរវាងវៀត ណាមនិងរុស្ស៊ីនិយាយរួមនិងរវាងក្រសួងនគរបាលវៀតណាមជាមួយទីភ្នាក់ងារអង្គរក្សជាតិនៃសហព័ន្ធរុស្ស៊ីនិយាយដោយ ឡែក។
លោកនាយករដ្ឋមន្រ្តីបានមានប្រសាសន៍ផងដែរថា ទំនាក់ទំនងសេដ្ឋកិច្ចនិងពាណិជ្ជកម្មមិនទាន់សមស្របជាមួយនឹងទំនាក់ទំនងនយោបាយ ការពារជាតិនិងសន្តិសុខ យ៉ាងល្អប្រសើររវាងប្រទេសទាំងពីរ។ ហេតុដូច្នេះ ភាគីទាំងពីរត្រូវការកិច្ចខិតខំប្រឹងប្រែងបន្ថែមទៀត ដើម្បីជំរុញកិច្ចសហប្រតិបត្តិការលើវិស័យទាំងនេះ។ យ៉ាងណាមិញ រដ្ឋាភិបាលវៀតណាមតែងតែគាំទ្រនិងចូលរូមចំណែកក្នុងការដោះស្រាយរាល់ការលំបាកសម្រាប់អាជីវកម្ម សហព័ន្ធរុស្ស៊ីក្នុងការវិនិយោគធ្វើអាជីវកម្មនិងផលិតកម្មនៅវៀតណាម។
ទិដ្ឋភាពនៃជំនួប (រូបថតៈ chinhphu.vn)
ក្នុងឱកាសនេះ លោកនាយករដ្ឋមន្រ្តីវៀតណាម បានអំពាវនាវអោយរដ្ឋាភិបាលនិងប្រជាជនសហព័ន្ធរុស្ស៊ី ដោយឈរលើស្មារតីនៃទំនាក់ទំនងមិត្តភាពនិងកិច្ចសហប្រតិបត្តិការប្រពៃណីរវាងប្រទេសទាំងពីរយ៉ាងល្អប្រសើរនោះ ប្រទេសទាំងពីរនឹងបន្តជំរុញកិច្ចសហប្រតិបត្តិការលើវិស័យអោយបានច្រើនថែមទៀត។ លោកនាយករដ្ឋមន្រ្តីរំពឹងថា សហព័ន្ធរុស្ស៊ីនឹងគាំទ្រនូវគោលជំហររបស់វៀតណាមលើបញ្ហាសមុទ្រខាងកើត ក៏ដូចជាគាំទ្រវៀតណាមដើម្បីបំពេញប្រកបដោយជោគជ័យតួនាទីជាប្រធានអាស៊ាននៅឆ្នាំ ២០២០។
ដោយមានការឯកភាពជាមួយនាយករដ្ឋមន្រ្តី លោក Nguyen Xuan Phuc លោកឧត្តមសេនីយ៍ Zolotov Victor Vasilyevich បានអះអាងថា ទីភ្នាក់ងារអង្គរក្សជាតិរុស្ស៊ីបានត្រៀមខ្លួនជាស្រេច ដើម្បីលើកកម្ពស់កិច្ចសហប្រតិបត្តិការនិងចែករំលែកបទពិសោធន៍ជាមួយវៀតណាម។ នៅពេលខាងមុខនេះ ភាគីទាំងពីរអាចពង្រីកកិច្ចសហប្រតិបត្តិការលើវិស័យបច្ចេកទេសជំនាញ តាមរយៈនោះ នឹងរួមចំណែកធានាដល់សន្តិសុខ នយោបាយ សណ្តាប់ធ្នាប់និងសុវត្ថិភាពសង្គមជាក់ជាពុំខាន៕
（ដោយ ស្រីព្រេជ）
មតិពីមិត្តអ្នកអាន