លោកនាយករដ្ឋមន្រ្តីបានចូលរួមពិធីបើកការដ្ឋានសាងសង់គម្រោងគន្លឹះជាតិរបស់កូរ៉េខាងត្បូង

លោកនាយករដ្ឋមន្រ្តី Nguyen Xuan Phuc និងថ្នាក់ដឹកនាំអញ្ជើញបានចូលរួមក្នុងពិធីនេះ (រូបថតៈ Chinhphu.vn)

Eco – Delta នៅប៊ូសានគឺជាគម្រោងគន្លឹះជាតិរបស់កូរ៉េខាងត្បូងដែលត្រូវបានអនុវត្តនៅក្នុងដំណាក់កាលឆ្នាំ ២០១៩- ២០២៣ លើផ្ទៃដី ២,៨ គីឡូម៉ែត្រក្រឡា ដែលរំពឹងថានឹងឆ្លើយតបតម្រូវការរបស់ប្រជាជនចំនួន ៨.៥០០ នាក់។

ទីក្រុងនេះនឹងត្រូវបានសាងសង់ថ្មីទាំងស្រុងនិងប្រើប្រាស់មូលដ្ឋានគ្រឹះនៃបច្ចេកវិទ្យាទំនើបនៃឧស្សាហកម្ម ៤.០ ដើម្បីបម្រើប្រកបដោយប្រសិទ្ធភាពដល់ជីវភាពរបស់ប្រជាជនរួមចំណែកជំរុញកំណើននិងការគ្រប់គ្រងសង្គមប្រកបដោយចីរភាព។ ជាពិសេស អាចទប់ទល់ទៅនឹងបញ្ហាប្រឈមនៃគ្រោះមហន្តរាយធម្មជាតិនិងការប្រែប្រួលអាកាសធាតុ។

(រូបថតៈ Chinhphu.vn)

ថ្លែងនៅក្នុងពិធី ប្រធានាធិបតីកូរ៉េខាងត្បូងបានបញ្ជាក់ថា ការអភិវឌ្ឍទីក្រុងឆ្លាតនាពេលបច្ចុប្បន្ន មានសារសំខាន់សម្រាប់ការអភិវឌ្ឍរួមនិងវិបុលភាពរបស់បណ្តាប្រទេសក្នុងតំបន់និងវាយតម្លៃខ្ពស់ចំពោះការដែល នាពេលកន្លងទៅ អាស៊ានបានជំរុញយ៉ាងខ្លាំងនូវគំនិតផ្តួចផ្តើមបណ្តាញទីក្រុងឆ្លាតអាស៊ាន (ASCN) និងបើកចេញឱកាសជាច្រើនសម្រាប់កិច្ចសហប្រតិបត្តិការក្នុងវិស័យនេះ។

តាមរយៈគម្រោងនេះ ប្រទេសកូរ៉េខាងត្បូងបានសម្តែងនូវត្រៀមខ្លួនជាស្រេច ក្នុងការចែករំលែកបទពិសោធន៍បច្ចេកវិទ្យានិងកិច្ចសហប្រតិបត្តិការជាមួយបណ្តាប្រទេសអាស៊ានដើម្បីកសាងបណ្តាញទីក្រុងឆ្លាតនាពេលអនាគត និងជំរុញកិច្ចសហប្រតិបត្តិការក្នុងការតភ្ជាប់ ជាពិសេសការតភ្ជាប់ឌីជីថល។ នេះត្រូវបានចាត់ទុកថាជាកិច្ចសហប្រតិបត្តិការអាទិភាពខ្ពស់មួយរវាងអាស៊ាននិងកូរ៉េខាងត្បូងនាពេលខាងមុខផងដែរ៕

（ដោយ ស្រីព្រេជ）

（ដោយ ស្រីព្រេជ）