យុគសម័យ - យោងតាមអ្នកសង្កេតការណ៍ ប្រធានបទក្តៅនៅក្នុងតំបន់ដូចជាភាពតានតឹងនៅសមុទ្រខាងកើត ការរំសាយអាវុធនុយក្លេអ៊ែរនៅលើឧបទ្វីបកូរ៉េ ប្រហែលជាស្ថិតនៅលើរបៀបវារៈនៃសន្និសីទនេះ។
រដ្ឋមន្ត្រីនិងប្រធានគណៈប្រតិភូការពារជាតិថតរូប។ (រូបថត៖ Ngoc Quang/ TTXVN)
យោងតាមអ្នកយកព័ត៌មានរបស់ទីភ្នាក់ងារសារព័ត៌មានវៀតណាមប្រចាំនៅប្រទេសថៃ បានឱ្យដឹងថា នៅរសៀលថ្ងៃទី ១៨ ខែវិច្ឆិកានេះ ក្រោមអធិបតីភាពរបស់ឧបនាយករដ្ឋមន្ត្រីថៃ Prawit Wongsuwan កិច្ចប្រជុំរដ្ឋមន្ត្រីការពារជាតិនៃសមាគមប្រជាជាតិអាស៊ីអាគ្នេយ៍បូក (ADMM+) បានប្រារព្ធធ្វើឡើងនៅរាជធានីបាងកកនៃព្រះរាជាណាចក្រថៃ។
គណៈប្រតិភូយោធាជាន់ខ្ពស់វៀតណាមដឹកនាំដោយនាយឧត្តមសេនីយ៍ Ngo Xuan Lich រដ្ឋមន្រ្តីក្រសួងការពារជាតិបានចូលរួមកិច្ចប្រជុំនេះ។
ថ្លែងនៅក្នុងសន្និសីទ លោកឧបនាយករដ្ឋមន្រ្តីថៃបានថ្លែងអំណរគុណយ៉ាងជ្រាលជ្រៅចំពោះអាស៊ាននិងដៃគូដែលបានរួមចំណែកធ្វើឱ្យប្រទេសថៃទទួលបានជោគជ័យក្នុងនាមជាប្រធានអាស៊ាននៅឆ្នាំ ២០១៩ ក្នុងនោះមាន កិច្ចសហប្រតិបត្តិការ ADMM និង ADMM + នេះតែម្តង។
ក្នុងនាមលេខាធិការដ្ឋានអាស៊ាន អគ្គលេខាធិការ Lim Jock Hoi បានអះអាងថា បញ្ហាសន្តិសុខជាបញ្ហាប្រឈមនៅក្នុងតំបន់ ដែលកំពុងបង្ហាញនូវលក្ខណៈឆ្លងដែនកាន់តែខ្លាំងឡើង។
លោក Lim Jock Hoi បានស្នើថា ADMM + បន្តចូលរួមយ៉ាងសកម្មក្នុងដំណើរការនៃការដោះស្រាយបញ្ហាជ្រៀតជ្រែករវាងសសរនៃកិច្ចសហប្រតិបត្តិការ ជាពិសេសសន្តិសុខតាមសមុទ្រ សន្តិសុខតាមអ៊ីនធឺណិត ការប្រឆាំងភេរវកម្មការ រក្សាសន្តិភាពនិង ជំនួយមនុស្សធម៌។
កិច្ចប្រជុំ ADMM + នឹងពិភាក្សាលើប្រធានបទចំនួន ៧ ទាក់ទងនឹងសន្តិសុខ រួមមានជំនួយមនុស្សធម៌និងការទប់ទល់នឹងគ្រោះមហន្តរាយ សន្តិសុខដែនសមុទ្រ សេវាសុខភាពយោធា សេវាប្រឆាំងភេរវកម្ម និងប្រតិបត្តិការរក្សាសន្តិភាពយុទ្ធនាការបោសសំអាតយុទ្ធភណ្ឌមិនទាន់ផ្ទុះដោយសារហេតុផលមនុស្សធម៌ និងសន្តិសុខតាមអ៊ីនធឺណិត។
យោងតាមអ្នកសង្កេតការណ៍ប្រធានបទក្តៅៗ នៅក្នុងតំបន់ដូចជាភាពតានតឹងនៅសមុទ្រខាងកើត ការរំសាយអាវុធនុយក្លេអ៊ែរនៅឧបទ្វីបកូរ៉េ វិបត្តិមនុស្សធម៌របស់ជនជាតិរ៉ូហ៊ីងយ៉ានៅរដ្ឋ Rakhine ប្រទេសមីយ៉ាន់ម៉ាក៏បានលើកមកពិភាក្សានៅក្នុងរបៀបវារៈនៃកិច្ចប្រជុំនេះផងដែរ។
បន្ទាប់ពីសន្និសីទ ADMM + នឹងពិធីប្រគល់ញញួររបស់ប្រធាន ADMM នឹងប្រព្រឹត្តទៅនៅទីតាំងខាងលើនេះ តាមនោះប្រទេសវៀតណាមនឹងទទួលបានញញួររបស់ប្រធាន ADMM នៅឆ្នាំ ២០២០ ពីប្រទេសថៃ ដែលជាប្រទេសប្រធាន ADMM នៅឆ្នាំ ២០១៩ ៕
（ប្រែសម្រូលដោយវិច្ឆិកា）
មតិពីមិត្តអ្នកអាន