អគ្គទេសាភិបាល Belize ចាប់អារម្មណ៍យ៉ាងខ្លាំងចំពោះរាល់សមិទ្ធិផលលេចធ្លោរបស់វៀតណាម

ឯកអគ្គរដ្ឋទូតវៀតណាមលោក Nguyen Hoai Duong បានអញ្ជើញជូនសាតាំងដល់អគ្គទេសាភិបាល Belize លោក Colville Norbert Young (រូបថត៖ TTXVN)

ក្នុងពិធីនេះ លោកឯកអគ្គរដ្ឋទូតវៀតណាម បានគោរពជូនពរអោយចំណងមិត្តភាព កិច្ចសហប្រតិបត្តិការរវាងរដ្ឋាភិ បាលនិងប្រជាជននៃប្រទេសទាំងពីរកាន់តែអភិវឌ្ឍន៍ពីមួយថ្ងៃទៅមួយថ្ងៃ។

អញ្ជើញជាការឆ្លើយតប អគ្គទេសាភិបាលលោក Colville Young បានសម្តែងនូវការកោតសរសើរ ចំពោះរាល់សមិទ្ធិលេចធ្លោក្នុងការអភិវឌ្ឍសេដ្ឋកិច្ច សង្គមរបស់វៀតណាម។

នារសៀលថ្ងៃដដែល ឯកអគ្គរដ្ឋទូតវៀតណាម លោក Nguyen Hoai Duong បានអញ្ជើញចូលជួបសម្តែងការគួរសមជាមួយនាយករដ្ឋមន្ត្រីនៃប្រទេសម្ចាស់ផ្ទះ លោក Dean Barrow ផងដែរ។

ក្នុងជំនួបនេះ លោកនាយករដ្ឋមន្រ្តីបានមានប្រសាសន៍ថា Belize អាចរៀនសូត្របទពិសោធន៍ពីការអភិវឌ្ឍរបស់ វៀតណាម ជាពិសេសក្នុងការកាត់បន្ថយភាពក្រីក្រនិងសន្តិសុខសង្គម ហើយសង្ឃឹមថាប្រទេសទាំងពីរនឹងជំរុញថែមទៀតកិច្ចសហប្រតិបត្តិការលើវិស័យសេដ្ឋកិច្ច ពាណិជ្ជកម្មនិងវិនិយោគ តាមរយៈក្របខ័ណ្ឌនៃយន្តការទ្វេភាគីនិងពហុភាគីជាពិសេសនៅក្នុងវិស័យទេសចរណ៍និងវារីវប្បកម្មតែម្តង។

នាយករដ្ឋមន្រ្តី Belize លោក Dean Barrow បានទទួលជួបជាមួយឯកអគ្គរដ្ឋទូត Nguyen Hoai Duong (រូបថត៖ TTXVN)

មុននោះក្នុងជំនួបជាមួយរដ្ឋមន្រ្តីក្រសួងការបរទេស Belize លោក Wilfred Peter Elrington ឯកអគ្គរដ្ឋទូតវៀតណាម លោក Nguyen Hoai Duong បានផ្តាំផ្ញើសេចក្តីអរគុណយ៉ាងជ្រាលជ្រៅរបស់លោកឧបនាយករដ្ឋមន្ត្រីនិងជារដ្ឋមន្ត្រីការបរទេសវៀតណាម Pham Binh Minh ចំពោះរដ្ឋាភិបាលនិងក្រសួងការបរទេស Belize ដែលបានគាំទ្រវៀតណាមក្លាយជាសមាជិកមិនអចិន្រ្តៃយ៍នៃក្រុមប្រឹក្សាសន្តិសុខអង្គការសហប្រជាជាតិអាណត្តិ ២០២០-២០២១។

ចំណែកឯរដ្ឋមន្ត្រីការបរទេសលោក Elrington បានអបអរសាទរចំពោះសមិទ្ធិដ៏លេចធ្លោលើវិស័យការទូត ដែលវៀតណាមទទួលបានក្នុងរយៈពេលកន្លងមកនិងជឿជាក់ថាវៀតណាមនឹងបំពេញតួនាទីជាសមាជិកមិនអចិន្ត្រៃយ៍នៃក្រុមប្រឹក្សាសន្តិសុខអង្គការសហប្រជាជាតិប្រកបដោយជោគជ័យ។

ទាក់ទងនឹងជម្លោះនៅសមុទ្រខាងកើត រដ្ឋមន្ត្រីការបរទេស Belize បានសំដែងការគាំទ្រយ៉ាងពេញទំហឹងចំពោះគោលជំហររបស់វៀតណាមចំពោះតម្រូវការរក្សាសន្តិភាព ស្ថិរភាព សេរីភាពនាវាចរណ៍ ដោយយកច្បាប់ជាចម្បង ឈរលើមូលដ្ឋាននៃអនុសញ្ញាអង្គការសហប្រជាជាតិស្តីពីច្បាប់សមុទ្រឆ្នាំ ១៩៨២ ដោយគោរពសិទ្ធិនិងផលប្រយោជន៍ស្របច្បាប់របស់បណ្តាប្រទេសនៅតាមឆ្នេរសមុទ្រ ក្នុងនោះមានប្រទេសវៀតណាម។

ក្នុងឱកាសនេះដែរ ឯកអគ្គរដ្ឋទូតលោក Nguyen Hoai Duong បានដាក់សំណើរ អញ្ជើញរដ្ឋមន្រ្តីការបរទេសនិងថ្នាក់ដឹកនាំក្រសួងការបរទេស Belize មកបំពេញទស្សនកិច្ចនៅប្រទេសវៀតណាមក្នុងពេលឆាប់ៗខាងមុខនេះ ដើម្បីចូលរួមជាមួយថ្នាក់ដឹកនាំក្រសួងការបរទេសវៀតណាម ដាក់ចេញនូវវិធានការសំដៅ ជំរុញថែមទៀតទំនាក់ទំនងមិត្តភាព កិច្ចសហប្រតិបត្តិការទ្វេភាគីលើគ្រប់វិស័យ៕

（បកប្រែដោយ ស្រីព្រេជ）

（បកប្រែដោយ ស្រីព្រេជ）