នាយករដ្ឋមន្រ្តីលោក Nguyen Xuan Phuc អញ្ជើញទទួលជួបជាមួយឯកអគ្គរដ្ឋទូតស៊ុយអែត

នាយករដ្ឋមន្ត្រី លោក Nguyen Xuan Phuc អញ្ជើញជួបជាមួយឯកអគ្គរដ្ឋទូតស៊ុយអែត លោក Pereric Hogberg (រូបថត៖ chinhphu.vn)

ក្នុងជំនួបនេះ នាយករដ្ឋមន្រ្តីវៀតណាម លោក Nguyen Xuan Phuc បានអបអរសាទរចំពោះឯកអគ្គរដ្ឋទូតដែលបានទទួលជោគជ័យយ៉ាងខ្លាំងក្នុងអាណត្តិបេសកកម្មការទូតនៅវៀតណាម ដែលបានរួមចំណែកជំរុញទំនាក់ទំនងរវាងវៀត ណាមនិងស៊ុយអែត។ ជាពិសេសនាពេលថ្មីៗនេះ ឯកអគ្គរដ្ឋទូតបានសហការជាមួយអាជ្ញាធរនៃប្រទេសទាំងពីរដើម្បីត្រៀមរៀបចំឱ្យបានល្អបំផុតសម្រាប់ដំណើរទស្សនកិច្ចរបស់ព្រះអង្គម្ចាស់ស្ត្រីស្នងរាជ្យស៊ុយអ៊ែតនិងដំណើរទស្សនកិច្ចផ្លូវការនៅស៊ុយអែតរបស់នាយករដ្ឋមន្រ្តីវៀតណាមលោក Nguyen Xuan Phuc (បានប្រព្រឹត្តទៅនៅខែឧសភាឆ្នាំ ២០១៩ តែម្តង។

អញ្ជើញជាការឆ្លើយតប លោកឯកអគ្គរដ្ឋទូតស៊ុយអែតបានថ្លែងអំណរគុណដល់លោកនាយករដ្ឋមន្រ្តី រដ្ឋាភិបាលនិងអាជ្ញាធរវៀតណាមដែលបានជួយរូបលោក ដើម្បីបំពេញប្រកបោយជោគជ័យនូវភារកិច្ចក្នុងអាណត្តិបេសកម្មការទូតនៅវៀតណាម។ លោកមានប្រសាសន៍ថា ពេលវេលារបស់លោកនៅវៀតណាមពិតជាពិសេស ហើយដោយមានការគាំទ្រពីភាគីវៀតណាម លោកបានរួមចំណែកជំរុញទំនាក់ទំនងរវាងប្រទេសទាំងពីរឱ្យមានការរីកចម្រើនថែមទៀត។ លោកឯកអគ្គរដ្ឋទូតស៊ុយអែតបានលើកឡើងថា រលកនៃសហគ្រាសស៊ុយអែតដែលចាប់អារម្មណ៍លើវៀតណាមគឺច្បាស់ណាស់ហើយ ហើយសហគ្រាសទាំងអស់នេះចង់វិនិយោគនៅវៀតណាមលើវិស័យជាច្រើនដែរ។ ស៊ុយអែតក៏ទទួលស្គាល់ថា អាជីវកម្មវៀត ណាមកាន់តែច្រើនឡើងៗ ដែលចាប់អារម្មណ៍ទៅលើទីផ្សារស៊ុយអែត។

ទិដ្ឋភាពនៃជំនួប (រូបថតៈ chinhphu.vn)

ឆ្លៀតពេលនេះ លោកនាយករដ្ឋមន្រ្តីវៀតណាមបានស្នើអោយភាគីទាំងពីរ ជំរុញថែមទៀត កិច្ចសហប្រតិបត្តិការក្នុងវិស័យពាណិជ្ជកម្មនិងការវិនិយោគ ជាពិសេសក្នុងការច្នៃប្រឌិតវិទ្យាសាស្ត្រនិងបច្ចេកវិទ្យាតែម្តង។ ដោយមានមូលដ្ឋានគ្រឹះនៃទំនាក់ទំនងប្រពៃណីយ៉ាងល្អប្រសើររវាងប្រទេសទាំងពីរ នាយករដ្ឋមន្រ្តីចង់អោយប្រទេសទាំងពីរជំរុញការផ្លាស់ប្តូររវាងប្រជាជនជាមួយប្រជាជន ដើម្បីធ្វើជាជាមូលដ្ឋានគ្រឹះដ៏សំខាន់សម្រាប់ជំរុញទំនាក់ទំនងក្នុងវិស័យផ្សេងៗទៀត៕

（សរុបព័ត៌មាននិងបកប្រែដោយ ស្រីព្រេជ）

（សរុបព័ត៌មាននិងបកប្រែដោយ ស្រីព្រេជ）