យុគសម័យ - នារសៀលថ្ងៃទី ១៣ ខែវិច្ឆិកា នាយករដ្ឋមន្ត្រីវៀតណាមលោក Nguyen Xuan Phuc និងភរិយារួមទាំងគណៈប្រតិភូជាន់ខ្ពស់វៀតណាមបានមកដល់ព្រលានយន្ដ Changi នៃប្រទេសសិង្ហបុរី ដើម្បីចាប់ផ្តើមដំណើរទស្សនកិច្ចចូលរួមកិច្ចប្រជុំកំពូលអាស៊ានលើកទី ៣៣ និង កិច្ចប្រជុំកំពូលពាក់ព័ន្ធ។
មន្ត្រីរដ្ឋាភិបាលសិង្ហបុរីបានស្វាគមន៍នាយករដ្ឋមន្ត្រីវៀតណាម លោក Nguyen Xuan Phuc នៅព្រលានយន្តហោះអន្តរជាតិ Changi ( រូបថត VGP / Quang Hieu)
ទទួលស្វាគមន៍នាយករដ្ឋមន្រ្តីនិងភរិយារួមទាំងគណៈប្រតិភូវៀតណាម មានរដ្ឋលេខាធិការរបស់សិង្ហបុរី តំណាងក្រសួងការបរទេសសិង្ហបូរី។ ពីភាគីវៀតណាមមានមន្ត្រីនិងបុគ្គលិកនៃស្ថានទូត វៀតណាមប្រចាំនៅប្រទេសសិង្ហបុរី។
ក្នុងថ្ងៃដដែល នាយករដ្ឋមន្ត្រី លោក Nguyen Xuan Phuc បានអញ្ជើញចូលរួមក្នុងពិធីបើកកិច្ចប្រជុំពេញអង្គនៃកិច្ចប្រជុំកំពូលអាស៊ានលើកទី ៣៣ ដោយបានរួមជាមួយថ្នាក់ដឹកនាំអាស៊ាន ពិភាក្សាអំពីការពង្រឹងកិច្ចសហប្រតិបត្តិការនិងបណ្តាញកសាង សហ គមន៍អាស៊ានដោយស្មារតីក្រោមមូលបទសម្រាប់ឆ្នាំ២០១៨ គឺ “ភាពរឹងមាំនិងនវានុវត្តន៍របស់អាស៊ាន” និងការតម្រង់ទិសសម្រាប់អាស៊ានសម្រាប់បណ្តាឆ្នាំបន្តបន្ទាប់។
ក្នុងថ្ងៃទី១៣ខែវិច្ឆិកានេះ នាយករដ្ឋមន្ត្រី លោក Nguyen Xuan Phuc និងភរិយា បានអញ្ជើញចូលរួមពិធីបើកសម្ពោធសប្តាហ៍ទំនិញ វៀតណាមនៅសិង្ហបុរី។
នាយករដ្ឋមន្ត្រីនិងតំណាងអញ្ជើញកាត់ខ្សែបូរបើកសម្ពោធសប្តាហ៍ទំនិញវៀតណាមនៅសិង្ហបុរី (រូបថតៈ VGP/Quang Hieu)
ព្រឹត្តិការណ៍នេះត្រូវបានរៀបចំឡើងដើម្បីផ្សព្វផ្សាយនូវផលិតផលកសិកម្មរាប់រយប្រភេទ ប្រដាប់ប្រើប្រាស់មានពាណិជ្ជសញ្ញាវៀតណាម ដល់អ្នកប្រើប្រាស់សិង្ហបុរីនិងភ្ញៀវអន្តរជាតិ ជាពិសេសនៅក្នុងអំឡុងពេលប្រព្រឹត្តទៅកិច្ចប្រជុំកំពូលអាស៊ានលើកទី ៣៣នេះតែម្តង។
ខាងក្រោមនេះជាកម្រងរូបភាពនាយករដ្ឋមន្ត្រី អញ្ជើញកាត់ខ្សែបូរបើកសម្ពោធសប្តាហ៍ទំនិញ វៀតណាមនៅសិង្ហបុរី៖
(រូបថតៈ VGP/Quang Hieu)
ក្នុងអំឡុងពេល២ថ្ងៃខាងមុខនេះ នាយករដ្ឋមន្រ្តីវៀតណាមលោក Nguyen Xuan Phuc នឹងបន្តអញ្ជើញចូលរួមកិច្ចប្រជុំកំពូលពាក់ព័ន្ធរួមមាន កិច្ចប្រជុំកំពូលអាស៊ាន+៣ (ចិន ជប៉ុន កូរ៉េខាងត្បូង) កិច្ចប្រជុំកំពូលអាស៊ីបូព៌ា (EAS) កិច្ចប្រជុំកំពូលអាស៊ាន+១ ជាមួយប្រទេសជាដៃគូចំនួន៧ និងកិច្ចប្រជុំកំពូលនៃបណ្ដាប្រទេសចូលរួមកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) លើកទី២ផងដែរ៕
（យោងតាម chinhphu.vn）
មតិពីមិត្តអ្នកអាន