យុគសម័យ - នាព្រឹកថ្ងៃទី២៧ខែកញ្ញា តាមម៉ោងវៀតណាម (យប់ថ្ងៃទី២៦ខែកញ្ញាតាមម៉ោងតំបន់) នាយករដ្ឋមន្ត្រីរដ្ឋាភិបាល វៀតណាម លោក Nguyen Xuan Phuc និងគណៈប្រតិភូជាន់ខ្ពស់វៀតណាម បានអញ្ជើញទៅជល់ព្រលានយន្តហោះអន្តរជាតិ John F.Kenedy នៃទីក្រុង ញូវយ៉ក សហរដ្ឋអាមេរិក ចាប់ផ្តើមដំណើរទស្សនកិច្ចចូលរួមសម័យពិភាក្សាជាន់ខ្ពស់នៃមហាសន្និបាតអង្គការសហប្រជាជាតិ នីតិកាលទី៧៣។
ទទួលសូមស្វាគមន៍នាយករដ្ឋមន្ត្រីនិងគណៈប្រតិភូនៅព្រលានយន្តហោះមានវត្តមានឯកអគ្គរដ្ឋ ទូតវៀតណាមប្រចាំនៅសហរដ្ឋអាមេរិក លោក Ha Kim Ngoc; ឯកអគ្គរដ្ឋទូតនិងជាប្រធានក្រុមបេសកកម្មអចិន្ត្រៃយ៍របស់វៀតណាមប្រចាំនៅអង្គការសហប្រជាជាតិលោក Dang Dinh Quy រួមទាំងកម្មាភិបាលនិងបុគ្គលិកនៃស្ថានទូតវៀតណាមនៅសហរដ្ឋអាមេរិកនិងក្រុមបេសកកម្មអចិន្ត្រៃយ៍របស់វៀតណាមនៅអង្គការសហប្រជាជាតិផងដែរ។
យោងតាមរបៀបវារៈ នាយករដ្ឋមន្ត្រីនឹងចូលរួមនិងថ្លែងនៅសម័យប្រជុំពេញអង្គនៃមហាសន្និបាត នីតិកាលទី ៧៣; ជួបពិភាក្សាជាមួយសហគ្រាសអាមេរិក ស្តីពីការទាក់ទាញវិនិយោគនៅវៀតណាម ក្នុងសម័យអភិវឌ្ឍន៍ឧស្សាហកម្ម៤.០ និងមានជំនួបសន្ទនាទ្វេភាគីមួយចំនួន ដូចជាជួបជាមួយប្រធានមហាសន្និបាតអង្គការសហប្រជាជាតិ; អគ្គលេខាធិការអង្គការសហប្រជាជាតិ; ជួបជាមួយប្រធានក្រុមប្រឹក្សារដ្ឋគុយបា; ជួបជាមួយប្រធានាធិបតី Fiji ។ល។
（យោងតាម chinhphu.vn បកប្រែដោយស្រីពេជ្រ）
មតិពីមិត្តអ្នកអាន